ଆବଶ୍ୟକ ସାମଗ୍ରୀ: ଓଟ୍ସ ଏକ କପ୍, ପନିର ଅଧା କପ ଓ ଅଧାକପ କୋରା ହୋଇଥିବା ଗାଜର, ସିଝା ଚକଟା ଆଳୁ ଏକ କପ, ଧନିଆ ପତ୍ର ଦୁଇଚାମଚ, ଲଙ୍କା ପାଉଡର ଏକ ଚାମଚ, ଲେମ୍ବୁରସ ଏକ ଚାମଚ, ଅଦାପେଷ୍ଟ ଦେଢ଼ ଚାମଚ, କଞ୍ଚାଲଙ୍କା ପେଷ୍ଟ ଦେଢ଼ ଚାମଚ, ଗରମ ମସଲା ପାଉଡର ଏକ ଚାମଚ, ଆମଚୁର ପାଉଡର ଏକ ଚାମଚ, ଲୁଣ ସ୍ବାଦଅନୁସାରେ, କ୍ଷୀର ଅଳ୍ପ ପରିମାଣର, ତେଲ ଦେଢ଼ ଚାମଚ।
ପ୍ରସ୍ତୁତି ପ୍ରଣାଳୀ : ଏକ ପାତ୍ରରେ ଓଟ୍ସ ରଖନ୍ତୁ,ପୁଣି ସେଥିରେ ପନିର,ଗାଜର, ସିଝାଆଳୁ,ଧନିଆ ପତ୍ର, ଲେମ୍ବୁରସ, ଅଦା ଓ କଞ୍ଚାଲଙ୍କା ପେଷ୍ଟ, ନାଲି ଲଙ୍କାପାଉଡର,ଗରମ ମସଲା ପାଉଡର, ଆମଚୁର ପାଉଡର ଓ ଲୁଣ ଭଲଭାବେ ମିଶାନ୍ତୁ। ଏହାପରେ ସେଥିରେ ପାଣି ମିଶାଇ ଭଲଭାବେ ମିଶାନ୍ତୁ। ପରେ ହାତରେ ଏହି ମିଶ୍ରଣକୁ ନେଇ ଟିକି ଆକାର କରି ପ୍ଲେଟରେ ରଖନ୍ତୁ। ଏବେ ଟିକିକୁ ହାତରେ ନେଇ କ୍ଷୀରରେ ବୁଡାନ୍ତୁ ପୁଣି କ୍ଷୀରରୁ କାଢ଼ି ଓଟ୍ସରେ ଗଡାନ୍ତୁ। ଏବେ ଗ୍ୟାସ ଚୁଲା ଅନ୍ କରି ତାଓ୍ବା ଗରମ କରନ୍ତୁ। ତାଓ୍ବା ଗରମ ହେଲା ପରେ ପୁଣି ଓଟ୍ସ ଟିକି ଉପରେ ବ୍ରଶ ସାହାଯ୍ୟରେ ତେଲ ଲଗାନ୍ତୁ। ଏବେ ଏହାକୁ ଗରମ ତାଓ୍ବା ଉପରେ ରଖନ୍ତୁ। ଯେତେବେଳେ ଟିକି ଗୋଲଡେନ୍ ବ୍ରାଉନ୍ କଲର ହୋଇଗଲା ବୋଲି ଦେଖିବେ ତେବେ ଏହାକୁ ଓଲଟାଇ ଅଲଗା ସାଇଡ୍କୁ ମଧ୍ୟ ସେକି ଦିଅନ୍ତୁ। ପୁଣି ଏହାକୁ ପ୍ଲେଟରେ କାଢ଼ି ଧନିଆ ଓ ପୁଦିନା ଚଟଣି ସହ ସର୍ଭ କରିପାରିବେ।
