ନୂଆଦିଲ୍ଲୀ, ୨୭ା୫ (ପି.ଟି.)-ଆସନ୍ତା ଆଇସିସି ଦିନିକିଆ ବିଶ୍ୱକପ୍ରେ ଇଂଲଣ୍ଡ ଫେଭରାଇଟ୍ ଦଳ। କିନ୍ତୁ ଟାଇଟଲ ଦୌଡ଼ରେ ଭାରତ ଓ ଅଷ୍ଟ୍ରେଲିଆ ମଧ୍ୟ ରହିଛନ୍ତି ବୋଲି ଅଷ୍ଟ୍ରେଲୀୟ ପେସ୍ କିମ୍ବଦନ୍ତୀ ଗ୍ଲେନ ମ୍ୟାକ୍ଗ୍ରା ପ୍ରକାଶ କରିଛନ୍ତି। ମ୍ୟାକ୍ ଗ୍ରା ୨୦୦୭ ବିଶ୍ୱକପ୍ ବିଜୟୀ ଅଷ୍ଟ୍ରେଲିଆ ଦଳର ଅନ୍ୟତମ ପ୍ରମୁଖ ସଦସ୍ୟ ଥିଲେ। ସେ ପ୍ଲେୟର ଅଫ୍ ଦି ଟୁର୍ନାମେଣ୍ଟ ମଧ୍ୟ ବିବେଚିତ ହୋଇଥିଲେ। ଏହାପରେ ସେ ଅନ୍ତର୍ଜାତୀୟ କ୍ରିକେଟରୁ ଅବସର ନେଇଥିଲେ। ଇଂଲଣ୍ଡର ଦିନିକିଆ ଦଳ ଏବେ ଭଲ ଫର୍ମରେ ରହିଛି। ଦଳର ପ୍ରଦର୍ଶନ ମୋତେ ପ୍ରଭାବିତ କରିଛି। କେତୋଟି ମ୍ୟାଚରେ ସେମାନେ ବଡ଼ ସ୍କୋର ମଧ୍ୟ କରିଛନ୍ତି। ମ୍ୟାକ୍ଗ୍ରା ବର୍ତ୍ତମାନ ଚେନ୍ନାଇସ୍ଥିତ ଏମ୍ଆର୍ଏଫ୍ ପେସ୍ ଫାଉଣ୍ଡେଶନରେ ଡାଇରେକ୍ଟର ଅଫ୍ କ୍ରିକେଟର ଭବେ କାର୍ଯ୍ୟରତ। ସେ କହିଛନ୍ତି ଇଂଲଣ୍ଡକୁ ଚ୍ୟାଲେଞ୍ଜ ଦେବାର ସାମର୍ଥ ଭାରତ ଓ ଅଷ୍ଟ୍ରେଲିଆ ନିକଟରେ ରହିଛି। ଏଥର ବିଶ୍ୱକପ୍ରେ ଦକ୍ଷିଣ ଆଫ୍ରିକା, ଓ୍ବେଷ୍ଟଇଣ୍ଡିଜ ଏବଂ ପାକିସ୍ତାନ ଦଳଠାରୁ ଭଲ ପ୍ରଦର୍ଶନ ଆଶା କରାଯାଏ। କିନ୍ତୁ ଅଷ୍ଟ୍ରେଲିଆ ଫାଇନାଲ ଯିବ ବୋଲି ସେ କହିଛନ୍ତି।
