ସାହସ ଓ ଦୃଢ଼ ଇଚ୍ଛାଶକ୍ତି ସାମ୍ନାରେ ବୟସ ହାରିଯାଏ, ଯାହାର ଉଦାହରଣ ହେଉଛନ୍ତି ରାଜସ୍ଥାନ ଜୟପୁରର ନିରୁ ସାଲୁଜା। ୭୦ ବର୍ଷ ବୟସ୍କ ସାଲୁଜା ଏବେ ସୁଦ୍ଧା ୮୦ଟି ଦେଶ ଭ୍ରମଣ କରିସାରିଲେଣି ଓ ତାହା ଜାରି ରଖିଛନ୍ତି। ସବୁଠୁ ବଡ଼ କଥା ହେଉଛି, ଏତେସବୁ ଦେଶ ସେ ଏକୁଟିଆ ହିଁ ଯାତ୍ରା କରିଛନ୍ତି। ଅନେକ ଦେଶରେ ଥିବା ଅତି ଭୟଙ୍କର ସ୍ଥାନକୁ ମଧ୍ୟ ସେ ଯାଇଛନ୍ତି। କେବଳ ଏତିକି ନୁହେଁ ବିଶ୍ୱର ସବୁଠୁ ଜଣାଶୁଣା ପ୍ରଶାନ୍ତ ମହାସାଗରରେ ଥିବା ଗାଲାପାଗୋସ ଦ୍ୱୀପ ଦକ୍ଷିଣ ସାଇବେରିଆର ବୈକାଲ ହ୍ରଦକୁ ଯାଇଛନ୍ତି। ନିରୁ ଜଣେ ଅବସରପ୍ରାପ୍ତ ପ୍ରାଧ୍ୟାପକ। ତାଙ୍କ ସ୍ବାମୀ ମଧ୍ୟ ସେହି ପେସାରେ ଥିଲେ ଓ ୨୦୨୦ରେ ତାଙ୍କ ମୃତ୍ୟୁ ହେବା ପରେ ସେ ୧୪ ବର୍ଷ ହେଲା ଏଭଳି ଦେଶ ଭ୍ରମଣ କରି ଆସୁଛନ୍ତି। ନିରୁଙ୍କ ସ୍ବାମୀ ଦୁଃସାହସିକ କାର୍ଯ୍ୟକୁ ପସନ୍ଦ କରୁଥିବାରୁ ସେ ଏହା ଜାରି ରଖିବାକୁ ଚାହିଁଥିଲେ ଓ କରୁଛନ୍ତି ମଧ୍ୟ। ସେ ମେଲବୋର୍ନରେ ୧୨,୦୦୦ ଫୁଟ୍ରୁ ସ୍କାଏ ଡାଇଭିଂ କରିବା ସହ ବହୁ ଦୁର୍ଗମ ଜଙ୍ଗଲରେ ଭ୍ରମଣ କରିଛନ୍ତି।
