କରୋନା ସଂକ୍ରମଣର ମୁକାବିଲା ଲାଗି ଭାରତରେ ୨୧ ଦିନିଆ ଲକ୍ଡାଉନ କରାଯାଇଛି। ଏହି ସମୟରେ ବେଙ୍ଗାଲୁରୁର ଏକ ସ୍ବେଚ୍ଛାସେବୀ ଦଳ ଲୋକମାନଙ୍କୁ ସେବା ଯୋଗାଇଦେଇ ଅନ୍ୟମାନଙ୍କୁ ଏଭଳି କରିବା ଲାଗି ବାଟ ଦେଖାଇଛନ୍ତିି। ଏହି ସଂଗଠନରେ ୩୦ ଜଣ ସଦସ୍ୟ ରହିଛନ୍ତି। ଏମାନେ ସମସ୍ତେ ଚାର୍ଟାର୍ଡ ଆକାଉଣ୍ଟାଣ୍ଟ କୋଚିଂ ସେଣ୍ଟରରେ କୋଚିଂ ନେଉଛନ୍ତି। ଅଭାବୀ ମୁଖ୍ୟତଃ ଦିନ ମଜୁରିଆ ପରିବାରକୁ ଅତ୍ୟାବଶ୍ୟକ ସାମଗ୍ରୀ ଯୋଗାଇ ଦେଉଛନ୍ତି। ଏବେସୁଦ୍ଧା ଏମାନେ ୫୦୦ରୁ ଊର୍ଦ୍ଧ୍ୱ ପରିବାରକୁ ସାମଗ୍ରୀ ଯୋଗାଇ ସାରିଲେଣି। ଲକ୍ଡାଉନରେ ସବୁଠାରୁ ବେଶି ପ୍ରଭାବିତ ହେଉଛନ୍ତି ଶ୍ରମିକ ଶ୍ରେଣୀରଲୋକ ବୋଲି କହନ୍ତି ସଂଗଠନର ସଦସ୍ୟ ଶ୍ରବଣ ଏମ୍. ରାଓ। ଏଣୁ ଏମାନେ ଅଭାବୀ ପରିବାରକୁ ଅତ୍ୟାବଶ୍ୟକୀୟ ସାମଗ୍ରୀ ଯୋଗାଇ ଦେବା ଲାଗି ନିଷ୍ପତ୍ତି ନେଇ ଏଭଳି ସେବା ଆରମ୍ଭ କରିଛନ୍ତି। ସେମାନେ ଏହି ସବୁ ସାମଗ୍ରୀ କିଣି ତାହାକୁ ଅଟୋରେ ନେଇ ଲୋକମାନଙ୍କ ପାଖରେ ପହଞ୍ଚାଉଛନ୍ତି। ଏସବୁ ବାଦଦରେ ସବୁ ଖର୍ଚ୍ଚ ଏମାନେ ନିଜେ ବହନ କରୁଛନ୍ତି।
