ଭୁବନେଶ୍ୱର, ୨୮ା୫(କ୍ରୀଡ଼ା ପ୍ରତିନିଧି)- ଖେଳାଳି ତିଆରି କାରଖାନା ଭାବେ ପରିଚିତ ଉତ୍କଳ କରାଟେ ସ୍କୁଲରେ ଏବେ ସମସ୍ତ ଖେଳ କସରତ ବନ୍ଦ। କୋଭିଡ-୧୯ ପ୍ରଭାବ ଜନିତ ଲକ୍ଡାଉନ୍ କଟକଣା କିଛି ପରିମାଣରେ କୋହଳ ହୋଇଥିବାରୁ ଆଗାମୀ ଦିନରେ ଫିଟ୍ନେସ ଗୁରୁ ଡ. ହରିପ୍ରସାଦ ପଟ୍ଟନାୟକଙ୍କ ପ୍ରତ୍ୟକ୍ଷ ତତ୍ତ୍ୱାବଧାନରେ ପରିଚାଳିତ ଏହି ସ୍କୁଲ ପୁଣି ସକ୍ରିୟ ହେବା ସ୍ଥିତିରେ ପହଞ୍ଚତ୍ଛି। ଏହାକୁ ଆଖିଆଗରେ ରଖି ବୁଧବାର ସ୍କୁଲ ପ୍ରାଙ୍ଗଣରେ ଅତ୍ୟାଧୁନିକ କରୋନା ରୋଗ ପ୍ରତିଷେଧକ(ଫୁଲ୍ ବଡି ସାନିଟାଇଜିଂ) ଟନେଲ ସ୍ଥାପନ କରାଯାଇଛି। ବିଧାୟକ ଅନନ୍ତ ନାରାୟଣ ଜେନା ଓ ସିନେ ତାରକା ଆକାଶ ଦାସ ନାୟକ ଏହାକୁ ଉଦ୍ଘାଟନ କରିଛନ୍ତି। ”ସ୍ବାସ୍ଥ୍ୟ ହିଁ ସମ୍ପଦ। ତେଣୁ ଅନୁଷ୍ଠାନ ପକ୍ଷରୁ ପ୍ରଥମ କରି ଏଟିଏସ ଇଏଲଜିଆଇ ନିର୍ମିତ ୧୨ ନୋଜଲ ବିଶିଷ୍ଟ ଟନେଲ (ବିଶେଷ କୁହୁଡ଼ି/ଛିଟିକା ସ୍ବୟଂ ଚାଳିତ ହାଇପ୍ରେସର) ସ୍ଥାପନ କରାଯାଇଛି। ଏହାଦ୍ୱାରା ପ୍ରତ୍ୟେକ କ୍ରୀଡ଼ାବିତ୍, ଅଭିଭାବକ, ପରିଚାଳନା କର୍ମଚାରୀ, ସେବାକାରୀ ଏବଂ ପରିଦର୍ଶକମାନେ ସମ୍ପୂର୍ଣ୍ଣ ପୋଷାକପତ୍ର ସହିତ ପୁରା ଶରୀରକୁ ବିଶୋଧନ କରିପାରିବେ“ ବୋଲି ହରିପ୍ରସାଦ ପ୍ରକାଶ କରିଛନ୍ତି।
