ଟିକିରି,୨୭ା୩: କରୋନାକୁ ପ୍ରତିହତ କରିବା ପାଇଁ ସବୁଠି ସ୍ବଚ୍ଛତା ଉପରେ ଗୁରୁତ୍ୱ ଦିଆଯାଉଛି। ଉତ୍କଳ ଆଲୁମିନା ପକ୍ଷରୁ ରାୟଗଡ଼ା ଜିଲା କାଶିପୁର ବ୍ଲକ୍ ଟିକିରି ମୁଖ୍ୟରାସ୍ତାରେ ଶୁକ୍ରବାର ହାଇଡ୍ରୋ କ୍ଲୋରାଇଡ୍ ଦ୍ରବଣ ସିଞ୍ଚନ କରାଯାଇଛି। କମ୍ପାନୀର ୟୁନିଟ୍ ମୁଖ୍ୟ ତଥା ସଭାପତି ଏନ୍. ନାଗେଶଙ୍କ ନିର୍ଦ୍ଦେଶ କ୍ରମେ ଏଚ୍ଆର୍ ଉପସଭାପତି ଟି. ଏମ୍. ପ୍ରକାଶ, ସିଏସ୍ଆର୍ ଡିଜିଏମ୍ ଶିବ ମହାପାତ୍ରଙ୍କ ତତ୍ୱାବଧାନରେ ଏହି କାର୍ଯ୍ୟ ସମ୍ପାଦନ ହୋଇଥିଲା। ଏହି ଅବସରରେ କାଶିପୁର ବିଡିଓ ସୁଧାକର ରଇତ ଏବଂ ଟିକିରି ଥାନା ଆଇଆଇସି ସୁଜ୍ଞାନୀ ସାହୁ ଉପସ୍ଥିତ ଥିଲେ। ସ୍ଥାନୀୟ ଜଗନ୍ନାଥ ମନ୍ଦିରଠାରୁ ହାଟପଦା ପର୍ଯ୍ୟନ୍ତ ରାସ୍ତା ଏବଂ ଉଭୟ ପାର୍ଶ୍ୱ ଡ୍ରେନ୍ରେ ଏହି ଦ୍ରବଣ ସିଞ୍ଚନ କରାଯାଇଥିଲା। ଏହି ସମୟରେ କମ୍ପାନୀର ସୁବାସ ନାୟକ, ସିଏସ୍ଆଇ ଅଧିକାରୀ ଗଜେନ୍ଦ୍ର ନାୟକ ଏବଂ ଅଗ୍ନିଶମ ବିଭାଗର ବିଶ୍ୱରଞ୍ଜନ ମହାରଣା ଉପସ୍ଥିତ ରହି କାର୍ଯ୍ୟକ୍ରମକୁ ପରିଚାଳନା କରିଥିଲେ। ଅଞ୍ଚଳର ମୁନା ବେହେରା, ହରପ୍ରସାଦ ନାୟକ ଏଥିରେ ସହଯୋଗ କରିଥିଲେ।
