ଗଣିଆ,୧୭।୮(ଡି.ଏନ.ଏ.)- ଛାଡିଯାଇଛି ବନ୍ୟାଜଳ ା ହେଲେ ଉଜୁଡିଯାଇଛି ଏକର ଏକର ଚାଷ ଜମି ା ଧୋଇଯାଇଛି ରାସ୍ତାଘାଟ ା ଫଳରେ ବହୁ ଚାଷୀ ଉଜୁଡା ଫସଲକୁ ଦେଖି ମୁଣ୍ଡରେ ହାତ ଦେଇ ବସିଛନ୍ତି। ଏଭଳି ଦୃଶ୍ୟ ଗଣିଆ ବ୍ଲକର ଛାମୁଣ୍ଡିଆ, ରାସଙ୍ଗ, କିଶୋରପ୍ରସାଦ ଓ ବେଲପଡା ପଞ୍ଚାୟତରେ ଦେଖିବାକୁ ମିଳିଛି ା ବିଭିନ୍ନ ଗାଁର ଗହୀର ବିଲରୁ ବନ୍ୟାଜଳ ନିଷ୍କାସନ ହୋଇପାରୁନାହିଁ ା ଫଳରେ ଏହି ଗହୀର ବିଲରେ ହୋଇଥିବା ଧାନ ଫସଲ ନଷ୍ଟ ହେବାକୁ ବସିଲାଣି ା ବ୍ଲକର ଛାମୁଣ୍ଡିଆ ପଞ୍ଚାୟତର ରାଜିଙ୍ଗି, ବଡମୂଳ ମାଳିସାହି, ଈଶ୍ୱରପୁର, ରାଇଗାଡିଆ,ଛାମୁଣ୍ଡିଆ, ରାସଙ୍ଗ ପଞ୍ଚାୟତର ରାସଙ୍ଗ ଓ କାଦୁଆ, ବେଲପଡା ପଞ୍ଚାୟତର ରାଉତପଡା,ୱାଲିପୁର ଓ କିଶୋରପ୍ରସାଦ ପଞ୍ଚାୟତର ପତୁରିଆ ଗାଁର ଗହିରି ବିଲ ଓ ଅଞ୍ଚଳରୁ ଏବେବି ବନ୍ୟାଜଳ ନିଷ୍କାସନ ହୋଇପାରିନାହିଁ ା ସେହିପରି ବନ୍ୟାଜଳ ଦୁଇଦିନ ଧରି ରହିବା ଦ୍ୱାରା ମହାନଦୀ କୂଳ ଅଞ୍ଚଳରେ ଚାଷ ହୋଇଥିବା ପୋଟଳ, କାକୁଡି,ଜହ୍ନି, ମକା, କଲରା,ଝୁଡଙ୍ଗ ଓ ବାଇଗଣ ପରି ବିଭିନ୍ନ ପରିବା ଫସଲ ସମ୍ପୂର୍ଣ୍ଣ ନଷ୍ଟ ହୋଇଯାଇଛି । ସେହିପରି ବନ୍ୟାଜଳ ସ୍ରୋତରେ ବିଭିନ୍ନ ପୋଖରୀ ହୁଡାରେ ଘାଇ ହୋଇ ପୋଖରୀ ମୁକୁଳା ହୋଇପଡିଛି । ଅନ୍ୟପରି ବନ୍ୟା ପ୍ରଭାବରେ ଗଣିଆ-ବଡମୂଳ ପୂର୍ତ୍ତ ରାସ୍ତାରୁ ଈଶ୍ୱରପୁର ଗ୍ରାମକୁ ଯାଇଥିବା କଂକ୍ରିଟ ରାସ୍ତା ଓ ଗାଡର୍ର୍ୱାଲ ଧୋଇ ହୋଇଯାଇଛି ା ଏପରିକି ଗ୍ରାମକୁ ଯାଇଥିବା ପାନୀୟଜଳ ସଂଯୋଗ ବିଚ୍ଛିନ୍ନ ହୋଇପଡିଛି ା ଛାମୁଣ୍ଡିଆ ପଞ୍ଚାୟତର କୁତୁରୀ ଗ୍ରାମକୁ ସଂଯୋଗ କରୁଥିବା ରାସ୍ତାର ବହୁ ସ୍ଥାନରେ ବନ୍ୟାଜଳ ଜମି ରହିବା ଦ୍ୱାରା ଗ୍ରାମବାସୀ ବଡମୂଳ ଓ ଛାମୁଣ୍ଡିଆ ଯାତାୟାତ କରିବା ପାଇଁ ବହୁ ଅସୁବିଧାର ସମ୍ମୁଖୀନ ହେଉଛନ୍ତି ା ସେହିପରି ବିଭିନ୍ନ ଖାଲୁଆ ସ୍ଥାନରେ ବନ୍ୟାଜଳ ଜମିରହିବା ଦ୍ୱାରା ଥଣ୍ଡା, କାଶ,ଝାଡାବାନ୍ତି ପରି ବିଭିନ୍ନ ରୋଗ ବ୍ୟାପିବାର ଆଶଙ୍କା ଦେଖାଦେଇଛି ା
