ବାରିପଦା ଅଫିସ,୧୦ା୧- ବାରିପଦା ସହରସ୍ଥିତ ଶହୀଦ ସ୍ମୃତି ଭବନଠାରେ ୨୩ତମ ରାଜ୍ୟସ୍ତରୀୟ ଆନ୍ତଃ ମହାବିଦ୍ୟାଳୟ ସାଂସ୍କୃତିକ ମହୋତ୍ସବ ଇଉଫୋରିଆ -୨୦୨୦ ଉଦ୍ଘାଟିତ ହୋଇଯାଇଛି। ରାଜ୍ୟର ୨୮ଟି ଶିକ୍ଷାନୁଷ୍ଠାନର ୩୮୯ ଛାତ୍ରୀଛାତ୍ର ଏଥିରେ ଯୋଗ ଦେଇଛନ୍ତି। ଉଦ୍ଘାଟନୀ କାର୍ଯ୍ୟକ୍ରମରେ ଆୟୋଜକ କମିଟିର ଅଧ୍ୟକ୍ଷ ଅସୀତ କୁମାର ଗିରି, ସମ୍ପାଦକ ସତ୍ୟସ୍ବରୁପ ଦାଶଙ୍କ ଉପସ୍ଥିତିରେ ଛାପା ଓ ବୈଦ୍ୟୁତିକ ଗଣମାଧ୍ୟମର ଜିଲା ପ୍ରତିନିଧିମାନେ ଯୋଗଦେଇଥିଲେ। ଛାତ୍ରୀଛାତ୍ରମାନଙ୍କ ମଧ୍ୟରେ ଥିବା ଲୁକ୍କାୟିତ ପ୍ରତିଭାକୁ ଲୋକଲୋଚନକୁ ଆଣିବା ଏହି ମହୋତ୍ସବର ଲକ୍ଷ୍ୟ ବୋଲି ଅତିଥିମାନେ ମତବ୍ୟକ୍ତ କରିଥିଲେ। ପ୍ରଥମ ଦିନରେ ପିକ୍ ଆଣ୍ଡ ଆକ୍ଟ, ମାଇମ, ଓଡ଼ିଆ ତର୍କ, ସ୍କ୍ରିପ୍ଟ ଏନାକ୍ଟମେଣ୍ଟ, ଗୁଲଦସ୍ତା ଓ ଡୁଏଟ ରେକର୍ଡ ହ୍ୟାନ୍ସ ପ୍ରତିଯୋଗିତା ଅନୁଷ୍ଠିତ ହୋଇଥିଲା। କାର୍ଯ୍ୟକ୍ରମ ପରିଚାଳନାରେ ଶିବ ନାରାୟଣ ମିଶ୍ର, ପଙ୍କଜ ସାହୁ, ରାକେଶ ବେହେରା, ପିଣ୍ଟୁ ମାଇତି, ପୁରୁଷୋତ୍ତମ ଅଗ୍ରୱାଲା, ସତ୍ୟରଞ୍ଜନ ପାଣିଗ୍ରାହୀ ଓ ଅଙ୍କୁର ଖୁରାନା ପ୍ରମୁଖ ସହଯୋଗ କରିଥିଲେ।
