କେନ୍ଦୁଝର,୨୮ା୭ (ସ୍ବ.ପ୍ର.)-ଆଗ୍ରହ ଓ ଉଦ୍ୟମ ଥିଲେ ରୋଜଗାରର ବାଟ ଦେଖାଦେବ ା ଏଭଳି ରୋଜଗାର ପାଇଁ ଉତ୍ତରପ୍ରଦେଶର ଆଲିଗଡ଼ରୁ ଯୁବକମାନେ ଆସି କେନ୍ଦୁଝରରେ ତାଲା ବିକ୍ରି କରିବା ଅନ୍ୟମାନଙ୍କ ପାଇଁ ଦୃଷ୍ଟାନ୍ତ ସାଜିଛନ୍ତି। ଆଲିଗଡ଼ ତାଲା କାରଖାନା ପାଇଁ ପ୍ରସିଦ୍ଧ ା ଏଠାରେ ଛୋଟ ବଡ ବହୁ ନାମୀଦାମୀ କମ୍ପାନୀର ତାଲା କାରଖାନା ରହିଥିବା ବେଳେ ଅନେକ ଲୋକ ହାତରେ ତାଲା ତିଆରି କରି ପେଟ ପୋଷୁଛନ୍ତି। ଏହି ତାଲାଗୁଡ଼ିକ ଦେଶର ବିଭିନ୍ନ ସ୍ଥାନକୁ ବିକ୍ରି ହେବାକୁ ଯାଇଥାଏ ା ବଡ ବଡ କମ୍ପାନୀ ତାଲାକୁ ଭଲ ଭଲ ପ୍ୟାକେଟରେ ଭର୍ତ୍ତି କରି ଡିଲର ଜରିଆରେ ଦେଶର ବିଭିନ୍ନ ରାଜ୍ୟକୁ ପଠାଇ ବ୍ୟବସାୟ କରିଥାନ୍ତି। ତେବେ ଛୋଟ ଛୋଟ କମ୍ପାନୀଗୁଡ଼ିକ ଯୁବକମାନଙ୍କୁ କର୍ମନିଯୁକ୍ତିର ସୁଯୋଗ ଯୋଗାଇଦେବା ସହ ସେମାନଙ୍କ ଜରିଆରେ ଦେଶରେ ତାଲା ବିକିଥାନ୍ତି। ଏହି ଯୁବକମାନେ ବିଭିନ୍ନ ରାଜ୍ୟକୁ ଯାଇ ତାଲା ବିକି ଦୁଇପଇସା ଲାଭ କରି ଘରକୁ ଫେରନ୍ତି। ସେମାନେ ପ୍ରତ୍ୟେକ ବର୍ଷ ଦୁଇ ଥର କେନ୍ଦୁଝର ଆସନ୍ତି। ଦିନରେ ରହି ବିଭିନ୍ନ ହାଟବଜାର ବୁଲି ତାଲା ବିକି ଫେରିଯାଆନ୍ତି। ଦିନକୁ ୩୦୦ ରୁ ୪୦୦ ଟଙ୍କା ଲାଭ ମିଳିଥାଏ ବୋଲି କୁହନ୍ତି ତାଲା ବ୍ୟବସାୟୀ ମହମ୍ମଦ ଚାନ୍ଦ ମଲ୍ଲିକ। ଘରଦ୍ୱାର ଛାଡି ବିଭିନ୍ନ ରାଜ୍ୟ ବୁଲି ବୁଲି ତାଲା ଚାବି ବିକ୍ରି କରିଥାନ୍ତି। ମାସେ/ଦୁଇ ମାସରେ ଘରକୁ ଚାଲିଯାଆନ୍ତି। ପୁଣି ଅନ୍ୟ ରାଜ୍ୟକୁ ଯାଇ ତାଲା ବିକିଥାନ୍ତି ବୋଲି କୁହନ୍ତି। ଓଡ଼ିଶା ବ୍ୟତୀତ ଝାଡ଼ଖଣ୍ଡ, ବିହାର, ଛତିଶଗଡ଼, ପଶ୍ଚିମବଙ୍ଗ ଆଦି ରାଜ୍ୟର ବିଭିନ୍ନ ଅଞ୍ଚଳକୁ ଯାଇ ସେ ତାଲା ବିକିଥାନ୍ତି ବୋଲି କହିଛନ୍ତି। ସେମାନେ ୪/୫ ଜଣ ଗ୍ରୁପ ହୋଇ ଆସିଥାନ୍ତି। ଏକାଠି ଧର୍ମଶାଳାରେ ଗୋଟିଏ ରୁମ୍ରେ ରହି ଦିନରେ ବୁଲି ବୁଲି ତାଲା ବିକିଥାନ୍ତି ବୋଲି କହିଛନ୍ତି ୟୁନିସ ମଲ୍ଲିକ।
ପାଠପଢ଼ା ଯୋଗ୍ୟତା ସମସ୍ତଙ୍କର କମ୍ ଥିଲେ ହେଁ ପରିଶ୍ରମ କରି ପେଟ ପୋଷିବା ସେମାନଙ୍କ ଧର୍ମ ହୋଇଛି ା ୧୫୦ ଟଙ୍କାରୁ ୩୦୦ ଟଙ୍କା ପର୍ଯ୍ୟନ୍ତ ବିଭିନ୍ନ ସାଇଜ ଓ କମ୍ପାନୀର ତାଲା ସେମାନେ ବିକିଥାନ୍ତି। ଏହି ତାଲା ବିକି ପରିବାର ଚଳାଇବା ପରମ୍ପରା ସେମାନଙ୍କର ବହୁ ପୁରୁଣା ା ସେମାନଙ୍କ ବାପା ଦାଦା ମାନେ ଏହି କାମ କରିଆସୁଛନ୍ତି ଏବଂ ପରବର୍ତ୍ତୀ ପିଢ଼ି ମଧ୍ୟ ଏହି କାମ କରିବେ ବୋଲି ସେମାନଙ୍କ ବିଶ୍ୱାସ ରହିଛି ା
ଫଟୋ -ତାଲା ବିକୁଛନ୍ତି ଆଲିଗଡ଼ ଯୁବକ।
