କାକଟପୁର,୧୭ା୧୯(ଡି.ଏନ୍.ଏ.): ପୁରୀ ଜିଲା ଅସ୍ତରଙ୍ଗଠାରେ ବେଆଇନ ଭାବେ ଚାଲିଥିବା ୩ କରତକଳ ଉପରେ ଗୁରୁବାର ବନବିଭାଗ ପକ୍ଷରୁ ଚଢ଼ାଉ କରାଯାଇ ଲକ୍ଷାଧିକ ଟଙ୍କାର ଯନ୍ତ୍ରାଂଶ ଜବତ କରାଯାଇଛିା ଏଥିସହ କରତକଳ ମାଲିକଙ୍କ ନାମରେ ପୃଥକ ପୃଥକ ୩ଟି ମାମଲା ରୁଜୁ ହୋଇଛିା ସରକାରୀ ନିୟମକୁ ନ ମାନି ଅସ୍ତରଙ୍ଗଠାରେ ଏହି କରତକଳଗୁଡ଼ିକ ଚାଲୁଥିବା ନେଇ ଅଭିଯୋଗ ପାଇବା ପରେ ଗୁରୁବାର ପୁରୀ ବନ ବିଭାଗ ଏସିଏଫ୍ ରବିନାରାୟଣ ମହାପାତ୍ର, କୋଣାର୍କ ରେଞ୍ଜର ଆଦିତ୍ୟ ନାରାୟଣ ମିଶ୍ର,ଗୋପ ରେଞ୍ଜର କାହ୍ନୁଚରଣ ସେଠୀଙ୍କ ନେତୃତ୍ୱରେ ବନବିଭାଗ କର୍ମଚାରୀମାନେ ସ୍ଥାନୀୟ ପୋଲିସ ସହାୟତାରେ ଅସ୍ତରଙ୍ଗ ସିନେମାହଲ ଛକସ୍ଥିତ ଅଭୟ କୁମାର ଜେନା, ଦେବୀ ଓଝା, ଛବି ବିଶ୍ୱାଳଙ୍କ କରତକଳ ଉପରେ ଚଢ଼ାଉ କରିଥିଲୋ ଘଟଣାସ୍ଥଳରୁ ଲକ୍ଷାଧିକ ଟଙ୍କାର କରତକଳ ଯନ୍ତ୍ରାଂଶ, କାଠପଟା ଜବତ କରାଯାଇଛିା ଅସ୍ତରଙ୍ଗ ବ୍ଲକ ଅଧୀନ ଅଞ୍ଚଳରେ ବେଆଇନ ଭାବେ ୩୦ରୁ ଅଧିକ କରତକଳ ଚାଲୁଥିବା ନେଇ ଅଭିଯୋଗ ହୋଇଆସୁଛିା
