କାକଟପୁର,୨୧ା୯(ଡି.ଏନ୍.ଏ.): ଶନିବାର ଅନ୍ତର୍ଜାତୀୟ ବେଳାଭୂମି ସଫେଇ ଦିବସ। ଏହି ଉପଲକ୍ଷେ ଅସ୍ତରଙ୍ଗ ବ୍ଲକ ଜାହାନିଆଁଠାରେ ସ୍ଥାନୀୟ ବିଧାୟକ ତଥା କ୍ରୀଡ଼ା, ଯୁବ ବ୍ୟାପାର, ପ୍ରଯୁକ୍ତିବିଦ୍ୟା ବିଭାଗ ମନ୍ତ୍ରୀ ତୁଷାରକାନ୍ତି ବେହେରା, ବ୍ଲକ ଅଧ୍ୟକ୍ଷ ସ୍ବାଧୀନ କୁମାର ନାୟକ, ବିଡିଓ ଅଶୋକ କୁମାର ଲେଙ୍କାଙ୍କ ନେତୃତ୍ୱରେ ଶତାଧିକ ସାମାଜିକ କର୍ମୀ, ବନସୁରକ୍ଷା ସମିତିର ସଭ୍ୟ ଏବଂ ମହିଳାମାନେ ବେଳାଭୂମିକୁ ସଫେଇ କରିଥିଲେ। ସେହିଭଳି କାକଟପୁର ବ୍ଲକ ସିଂଘାରପାଳ ବେଳାଭୂମିଠାରେ କାକଟପୁର ବ୍ଲକ ଅଧ୍ୟକ୍ଷା ମନୋରମା ସ୍ବାଇଁ, ବିଡିଓ ସୁଧୀର କୁମାର ନାୟକ, ସାମାଜିକ କର୍ମୀ କାଳୀ ପ୍ରସାଦ ସ୍ବାଇଁଙ୍କ ନେତୃତ୍ୱରେ ୫ଶହରୁ ଊର୍ଦ୍ଧ୍ୱ ବ୍ଲକ କର୍ମଚାରୀ, ସାମାଜିକ କର୍ମୀ, ଛାତ୍ରୀଛାତ୍ର, ମହିଳା ସ୍ବୟଂ ସହାୟକ ଗୋଷ୍ଠୀର ମହିଳାମାନେ ବେଳାଭୂମିକୁ ସଫେଇ କରିବା ସହ ମାନବ ଶୃଙ୍ଖଳରେ ମୋ ବିଚ୍ ନିର୍ମାଣ କରିଥିଲେ।
