‘ଅମ୍ଫନ’ ଦେଇଗଲା ଦୁଃଖ: ଧରାଶାୟୀ ପାନବରଜ

ଭୋଗରାଇ,୨୨।୫(ଡି.ଏନ.ଏ.)-ବାତ୍ୟା ‘ଅମ୍ଫନ’ ପ୍ରଭାବରେ ବାଲେଶ୍ୱର ଜିଲାରେ ବ୍ୟାପକ କ୍ଷତି ହୋଇଛି। ବିଶେଷ କରି ଭୋଗରାଇ, ବାଲିଆପାଳ ବ୍ଲକରେ ଚାଷଜମିକୁ ଉଜାଡିଦେବା ସହ ପାନବରଜକୁ ଧରାଶାୟୀ କରିଛି। ପାଚିଲା ଧାନ ପାଣିରେ ଭାସୁଥିବା ଦେଖି ଚାଷୀକୁଳ ଦୁଃଖରେ ଭାଙ୍ଗି ପଡିଛନ୍ତି। କରୋନା ଭୂତାଣୁ ସଂକ୍ରମଣ ରୋକିବାକୁ ଲକ୍‌ଡାଉନ୍‌ ଚାଲିଥିବା ବେଳେ ବାତ୍ୟା ଚାଷୀଙ୍କୁ ପାଇଁ ବେଡି ଉପରେ କରୋଡ଼ା ମାଡ଼ ସଦୃଶ ପାଲଟିଛି। ମାସ ମାସ ଧରି ପାନଚାଷୀମାନେ ଉଚିତ୍‌ ମୂଲ୍ୟରେ ପାନ ବିକ୍ରି କରିପାରୁ ନ ଥିବା ବେଳେ ବାତ୍ୟାରେ ପାନବରଜ ଧୂଳିସାତ୍‌ ହୋଇଯାଇଛି। ଏବେ ପରିବାର ଚଳାଇବା ଚିନ୍ତା ପାନଚାଷୀଙ୍କୁ ଘାରିଛି।
ଭୋଗରାଇ ବ୍ଲକରେ ୧୩ହଜାର ହେକ୍ଟର ଜମିରେ ଧାନ ଚାଷ ହୋଇଥିବାବେଳେ ୫୦ଶତାଂଶ ପାଚିଲା ଧାନ ନଷ୍ଟ ହୋଇଛି। ସେହିଭଳି ଭୋଗରାଇ ଓ ବାଲିଆପାଳ ବ୍ଲକରେ ୨୪ହଜାରରୁ ଉର୍ଦ୍ଧ୍ୱ ପାନଚାଷୀ କ୍ଷତିଗ୍ରସ୍ତ ହୋଇଛନ୍ତି। ଏତଦ୍‌ ଭିନ୍ନ ତୈଳବୀଜ ଚାଷ ଉପରେ ବର୍ଷା ପାଣି ଢ଼େଉ ଖେଳୁଛି। ପନିପରିବା ଚାଷକୁ ବାତ୍ୟା ଉଜାଡ଼ି ଦେଇଛି। ବାତ୍ୟାର ପ୍ରକୋପରେ ଗାଁଗହଳିରେ ବଡ଼ ବଡ଼ ଗଛ ଉପୁଡି ପଡିଥିବାରୁ ଗୁରୁବାର ଗାଁ ବାସୀ ଓ ଏନ୍‌ଡ଼ିଆର୍‌ଏଫ୍‌, ଅଗ୍ନିଶମ ବିଭାଗ ରାସ୍ତାକୁ ସଫା କରୁଛନ୍ତି। ବହୁ ଗ୍ରାମାଞ୍ଚଳରେ ଅଦ୍ୟାବଧି ବିଦ୍ୟୁତ୍‌ ସଂଯୋଗ ହୋଇ ନ ପାରିବାରୁ ପାନୀୟଜଳ ବନ୍ଦ ରହିଛି। ପୁରପଲ୍ଲୀରେ ରାସ୍ତାରେ ପାଣି ନିଷ୍କାସନ ହୋଇ ନ ପାରିବାରୁ ଗମନାଗମନରେ ବ୍ୟାଘାତ ଘଟିଛି। ଭୋଗରାଇ ବ୍ଲକରେ ୧୨୮ ମି.ମି. ବର୍ଷା ହୋଇଥିବା ରେକର୍ଡ଼ କରାଯାଇଥିବା ବେଳେ ଭାଙ୍ଗିରୁଜି ଯାଇଥିବା ଘରଗୁଡ଼ିକର ଆକଳନ ଆରମ୍ଭ ହୋଇଛି।


Enter your email to get our daily news in your inbox.

All Right Reserved By Dharitri.Com

ବକ୍ରେଶ୍ୱର ମନ୍ଦିରରେ ଲୁଟେରାଙ୍କ ଆତଙ୍କ, ତାଲା ଭାଙ୍ଗି ଲୁଟିନେଲେ ଅଳଙ୍କାର

ଖଇରା, ୧୫।୧୧ (ଉତ୍କଳବନ୍ଧୁ ପଣ୍ଡା): ବାଲେଶ୍ୱର ଜିଲା ଖଇରା ଥାନା ଅନ୍ତର୍ଗତ ଟିପିସଗଡ଼ିଆସ୍ଥିତ ପ୍ରସିଦ୍ଧ ବକ୍ରେଶ୍ୱର ଶୈବପୀଠରୁ ବିଳମ୍ବିତ ରାତିରେ ଚୋରି ହୋଇଥିବା ନେଇ ଖଇରା ଥାନାରେ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?