ବିଞ୍ଝାରପୁର, ୨୮।୫ (ଡି.ଏନ୍.ଏ.): ବାତ୍ୟା ଅମ୍ଫନ ପ୍ରଭାବରେ ବିଞ୍ଝାରପୁର ବ୍ଲକ ଅଧୀନ ବିଭିନ୍ନ ପଞ୍ଚାୟତର ଶହ ଶହ ପରିବାର ପ୍ରଭାବିତ ହୋଇଛନ୍ତି। ଅନେକଙ୍କର କଚ୍ଚା ଘର ଭାଙ୍ଗି ଯାଇଥିବା ବେଳେ ବହୁ ପରିବାର ଖୋଲା ଆକାଶ ତଳେ ପଡ଼ିଛନ୍ତି। ତହସିଲ ପ୍ରଶାସନ ଏହାର ତଦନ୍ତ କରି ବିପନ୍ନମାନଙ୍କୁ ସହାୟତା ଯୋଗାଇ ଦେବାକୁ ବିଭିନ୍ନ ପଞ୍ଚାୟତର ସରପଞ୍ଚ ଓ ସମିତିସଭ୍ୟ ଦାବି କରିଛନ୍ତି। ବୁଧବାର ସରପଞ୍ଚ ଧ୍ରୁବଚରଣ ସେଠୀ, ସୌଭାଗ୍ୟ କୁମାର ରାୟମହାପାତ୍ର, ସମରେନ୍ଦ୍ର ସାହୁ, ମିନତୀ ସାହୁ, ରଶ୍ମିତା ନାୟକ, ଆଶାଲତା ସାହୁ, ରଞ୍ଜିତା ଦାସ, ଆଶାଲତା ନାୟକ, ତରୁଣ କୁମାର ସାହୁ ପ୍ରମୁଖ ତହସିଲଦାରଙ୍କୁ ଭେଟି ବିପନ୍ନମାନଙ୍କ କ୍ଷୟକ୍ଷତି ସମ୍ପର୍କରେ ଆଲୋଚନା କରିଥିଲେ। ତଦନ୍ତ ପରେ କ୍ଷତିଗ୍ରସ୍ତଙ୍କୁ ସହାୟତା ଯୋଗାଇ ଦିଆଯିବ ବୋଲି ତହସିଲଦାର ପ୍ରତିଶ୍ରୁତି ଦେଇଥିବା ଜଣାପଡ଼ିଛି।
