ପାଟଣା , ୨୭।୪(ସ୍ବ.ପ୍ର.)-କେନ୍ଦୁଝର ଜିଲା ପାଟଣା ବ୍ଲକ ବଡ଼ପାଟଣା ପଞ୍ଚାୟତ ସ୍ବାମଖସାପିଟା ସାହିରୁ ଯାଜପୁର ଜିଲା କୋରେଇ ଥାନା ଅଞ୍ଚଳକୁ ମାଟି କାମ କରିବାକୁ ଯାଇଥିବା ଶ୍ରମିକ ମାନେ ସୋମବାର ଗାଁକୁ ଫେରିଛନ୍ତି। ସ୍ବାମଖସାପିଟା ମୁଣ୍ଡାସାହିର ୧୬, ମାଧପୁରର ୩ ଜଣ ଓ ଘଟଗାଁ ବ୍ଲକ ସରାସପଶି ପଞ୍ଚାୟତ ଭରାଣ୍ଡିଆ ଗ୍ରାମର ୭ଜଣ ମୋଟ ୨୬ ଜଣ ଶ୍ରମିକ ଚାଲି ଚାଲି ପାଟଣା ବ୍ଲକକୁ ଆସୁଥିଲା ବେଳେ ରାମଚନ୍ଦ୍ରପୁର ଥାନା ପକ୍ଷରୁ ସେମାନଙ୍କୁ ଅଟକ ରଖି ଶୁଖିଲା ଖାଦ୍ୟ ଖାଇବାକୁ ଦିଆଯାଇଥିଲା। ରାମଚନ୍ଦ୍ର ପୁର ଥାନା ଅଧିକାରୀ ରାଜେନ୍ଦ୍ର ସ୍ବାଇଁ କେନ୍ଦୁଝର ଜିଲା ଆରକ୍ଷୀ ଅଧୀକ୍ଷକଙ୍କ ସହ ଆଲୋଚନା କରି ଏକ ବସ ଯୋଗେ ଏହି ଶ୍ରମିକ ମାନଙ୍କୁ ଆଣିବାର ବ୍ୟବସ୍ଥା କରିଥିଲେ। ୧୬ ଜଣ ଶ୍ରମିକ ଓ ତାଙ୍କ ପିଲା ମାନଙ୍କୁ ଖସାପିଟା ପ୍ରାଥମିକ ବିଦ୍ୟାଳୟରେ ବର୍ତ୍ତମାନ କ୍ୱାରାଣ୍ଟାଇନରେ ରଖାଯାଇଛି।
