ବିବାହିତ ହୋଇ ମଧ୍ୟ ଅନ୍ୟ ମହିଳାଙ୍କ ସହ ଶାରୀରିକ ସମ୍ପର୍କ ରଖିବା ବିଶ୍ୱ କ୍ରିକେଟରେ ନୂଆ ଘଟଣା ନୁହେଁ। କିଛି ପ୍ରସିଦ୍ଧ କ୍ରିକେଟର ଅନ୍ୟ ମହିଳାଙ୍କ ସହ ଅନୈତିକ ସମ୍ପର୍କ (ଏକ୍ସଟ୍ରା ମାରିଟାଲ ଆଫାୟର୍ସ) ରଖି ପ୍ରଶଂସକଙ୍କୁ ଚକିତ କରି ଦେଇଛନ୍ତି। ଏମାନଙ୍କ ମଧ୍ୟରେ ରହିଛନ୍ତି ପୂର୍ବତନ ଭାରତୀୟ ଅଧିନାୟକ ମହମ୍ମଦ ଆଝାରୁଦ୍ଦିନ। ସେ ଦୁଇ ଥର ବିବାହ କରିବା ପରେ ଡାଇଭୋର୍ସ ନେଇଛନ୍ତି। ପ୍ରଥମେ ୧୯୮୭ରେ ନୌରିନଙ୍କୁ ବିବାହ କରିଥିଲେ। ଉଭୟଙ୍କ ଦୁଇ ସନ୍ତାନ ଥିଲେ। ୧୯୯୬ରେ ବିବାହ ବିଚ୍ଛେଦ କରି ପୂର୍ବତନ ମିସ୍ ଇଣ୍ଡିଆ ସଙ୍ଗୀତା ବିଜଲାନିଙ୍କୁ ଦ୍ୱିତୀୟ ବିବାହ କରିଥିଲେ। ଏଥିପୂର୍ବରୁ ଉଭୟଙ୍କ ମଧ୍ୟରେ ଥିଲା ଏକ୍ସଟ୍ରା ମାରିଟାଲ ଆଫାୟର୍ସ। ୨୦୧୦ରେ ବ୍ୟାଡମିଣ୍ଟନ ଖେଳାଳି ଜ୍ୱାଲା ଗୁଟ୍ଟାଙ୍କ ସହ ଆଝାରଙ୍କ ଆଫାୟର ଯୋଗୁ ଦ୍ୱିତୀୟ ପତ୍ନୀ ସଙ୍ଗିତା ଡାଇଭୋର୍ସ ଦେଇଥିଲେ। ଗୁଟ୍ଟାଙ୍କ ପରେ ଆମେରିକୀୟ ମହିଳା ଶାନ୍ନନ ମେରିଙ୍କ ସହ ପୂର୍ବତନ ଭାରତୀୟ ଅଧିନାୟକଙ୍କ ନାମ ଯୋଡ଼ା ଯାଇଥିଲା।
