କାଠମାଣ୍ଡୁ,୧୩ା୭: ନେପାଳ ସରକାର କୌଣସି ଥଇଥାନ ଯୋଜନା ନ କରି ଜବରଦଖଲକାରୀଙ୍କୁ ଉଚ୍ଛେଦ କରୁଥିବାରୁ ଏହାର ପ୍ରତିବାଦରେ ରାଜଧାନୀ କାଠମାଣ୍ଡୁରେ ରବିବାର ଜୋର୍ଦାର ବିକ୍ଷୋଭ ହୋଇଛି। ଶତାଧିକ ଲୋକ ରାସ୍ତାକୁ ଓହ୍ଲାଇ ସରକାରଙ୍କ ଉଚ୍ଛେଦ ଅଭିଯାନର ପ୍ରତିବାଦ କରିଛନ୍ତି। ବିକ୍ଷୋଭକୁ ଦେଶର ଯୁବବର୍ଗ (ଜେନ୍ ଜି) ସମର୍ଥନ କରିବା ସହ ଉଚ୍ଛେଦ ଅଭିଯାନକୁ ଅମାନବୀୟ ବୋଲି କହିଛନ୍ତି। ଏହାର ପ୍ରତିବାଦ କରିଥିବା କେତେଜଣ ଆକ୍ଟିଭିଷ୍ଟ, ଛାତ୍ର ଓ ଖବରଦାତାଙ୍କୁ ପୋଲିସ ଗିରଫ କରିଛି।
ଉଚ୍ଛେଦକୁ ବିରୋଧ କରି କିଛିଦିନ ପୂର୍ବରୁ ଗଣେଶ ନେପାଳୀ ନାମକ ଜଣେ ଯୁବକ କାଠମାଣ୍ଡୁରେ ଆତ୍ମଦାହ କରିଥିଲେ। ରବିବାର ଢାକାର ଏକ ସରକାରୀ କାର୍ଯ୍ୟାଳୟ ଆଗରେ ଜଏଣ୍ଟ ନ୍ୟାଶନାଲ ସ୍କାଟର୍ସ ଫ୍ରଣ୍ଟ ପକ୍ଷରୁ ବିକ୍ଷୋଭ କରାଯାଇଥିଲା। ସୂଚନାଯୋଗ୍ୟ, ଗତବର୍ଷ ଜେନ୍-ଜି ଆନ୍ଦୋଳନ ବ୍ୟାପକ ହେବାରୁ କେ.ପି. ଶର୍ମା ଓଲି ସରକାର କ୍ଷମତାଚ୍ୟୁତ ହୋଇଥିଲେ।