ବଲିଉଡ ଅଭିନେତା ସୁଶାନ୍ତ ସିଂ ରାଜପୁତଙ୍କ ଆତ୍ମହତ୍ୟା କରିବା ଚାରି ମାସରୁ ଅଧିକ ସମୟ ବିତିଗଲାଣି। ତାଙ୍କ ମୃତ୍ୟୁ ଘଟଣାର ତଦନ୍ତ କରୁଛି ସିବିଆଇ ଟିମ। ଏହି ସମୟରେ ଟିମ ଇଣ୍ଡିଆର କ୍ରିକେଟର ୟୁଜଭେନ୍ଦ୍ର ଚହଲ ତାଙ୍କ ମୃତ୍ୟୁକୁ ଭୁଲି ନାହାଁନ୍ତି ବୋଲି ଜଣାପଡିଛି। ସେଥିପାଇଁ ଚାରି ମାସରୁ ଅଧିକ ସମୟ ପରେ ମଧ୍ୟ ଚହଲ ଇନଷ୍ଟାଗ୍ରାମ ପ୍ରୋଫାଇଲରେ ସୁଶାନ୍ତଙ୍କ ଫଟୋ ରଖିଛନ୍ତି। ସୁଶାନ୍ତଙ୍କ ମୃତ୍ୟୁ ପରେ ପ୍ରାୟ ଦୁଇ ସପ୍ତାହ ଧରି ଚହଲ ତାଙ୍କୁ ମନେ ପକାଇ ପ୍ରତିଦିନ କିଛି ପୋଷ୍ଟ କରୁଥିଲେ। ଆଜିକାଲି ସେ ଆଇପିଏଲରେ ବ୍ୟସ୍ତ ଥିବାରୁ ସୁଶାନ୍ତଙ୍କ ବିଷୟରେ ଲେଖୁନାହାଁନ୍ତି କିନ୍ତୁ ସେ ତାଙ୍କର ପ୍ରୋଫାଇଲ ଫଟୋ ପରିବର୍ତ୍ତନ କରିନାହାଁନ୍ତି। ଚହଲ ଏବେ ସୁଶାନ୍ତଙ୍କ ଏକ ସ୍କେଚ ଶେୟାର କରିଛନ୍ତି। ଏହି ସ୍କେଚ୍ରେ ସୁଶାନ୍ତଙ୍କ ପିଠିରେ ଅନେକ ଖଣ୍ଡା ରହିଛି। ନେପୋଟିଜିମ, ଗାଳିଗୁଲଜ, ବଲିଉଡ, ନିଷେଧ, ଶୋଷଣ, ବଏକଟ ଏହି ଖଣ୍ଡା ଉପରେ ଲେଖାଯାଇଛି। ଏନେଇ ସୁଶାନ୍ତଙ୍କ ଉତ୍ତର ଥିଲା- ମୁଁ ଠିକ୍ ଅଛି। ସୂଚନାଯୋଗ୍ୟ, ସୁଶାନ୍ତଙ୍କ ମୃତ୍ୟୁ ଖବର ଶୁଣି ଚହଲ ଆଶ୍ଚର୍ଯ୍ୟ ହୋଇଯାଇଥିଲେ ଏବଂ ଅଭିନେତାଙ୍କ ସହ ନିଜର ଏକ ପୁରୁଣା ଫଟୋ ଶେୟାର କରି ତାଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରିଥିଲେ। ଏହା ପରେ ସେ ନିଜ ଇନଷ୍ଟାଗ୍ରାମ ଆକାଉଣ୍ଟରେ ନିଜର ଏକ ଫଟୋ ହଟାଇ ସୁଶାନ୍ତଙ୍କ ଫଟୋ ରଖିଥିଲେ।
