ଭାରତର ପୂର୍ବତନ ବ୍ୟାଟ୍ସମ୍ୟାନ ଯୁବରାଜ ସିଂ ଏବେ ପୁଣି ଥରେ ଚର୍ଚ୍ଚାରେ। ସୟଦ ମୁସ୍ତାକ ଅଲି ଟ୍ରଫିରେ ଯୁବରାଜଙ୍କୁ ସାମିଲ କରାଯାଇଥିଲେ ମଧ୍ୟ ବିସିସିଆଇ ତାଙ୍କୁ ଖେଳିବାକୁ ଅନୁମତି ଦେଇ ନ ଥିଲା। ହେଲେ ଏବେ ଯୁବରାଜ ପୁଣି ଥରେ ଚର୍ଚ୍ଚାକୁ ଆସିବାର କାରଣ ହେଉଛି ତାଙ୍କର ସ୍ପୋର୍ଟସ କାର।
ଯୁବରାଜ ଗାଡିର ବହୁତ ସୌଖୀନ। ତାଙ୍କ ପାଖରେ ଅନେକ ଗୁଡିଏ ଦାମୀ କାର ରହିଛି। ଏବେ ଏହି ତାଲିକାରେ ଆଉ ଗୋଟିଏ କାର ସାମିଲ ହୋଇଯାଇଛି। ଯୁବରାଜ ବ୍ରିଟିଶ କମ୍ପାନୀର ମିନି କୁପରର କଣ୍ଟ୍ରିମ୍ୟାନ୍ ସ୍ପୋର୍ଟସ କାର କିଣିଛନ୍ତି। ଯାହାର ମୂଲ୍ୟ ୪୨.୪ ଲକ୍ଷ ଟଙ୍କା। ଏହି ଗାଡିର ବିଶେଷତ୍ୱ ହେଉଛି ଏହାର ଗତି। ଏହି ଗାଡ଼ି ୭.୫ ସେକେଣ୍ଡରେ ୦-୧୦୦ କିମି ବେଗରେ ଗତି କରିଥାଏ। ମିନି କୁପରର କଣ୍ଟ୍ରିମ୍ୟାନ୍ ସ୍ପୋର୍ଟସ କାରର ୨ଟି ଭେରାଇଟି ରହିଛି। ଗୋଟିଏର ମୂଲ୍ୟ ୩୮.୫ ଲକ୍ଷ ଟଙ୍କା ରହିଥିବା ବେଳେ ଅନ୍ୟଟିର ରହିଛି ୪୨.୪ ଲକ୍ଷ।
