ଲକ୍ଷ୍ନୌ,୧୭ ।୩: ଉତ୍ତର ପ୍ରଦେଶ ସରକାର ପୋଲିସ ଓ ଅପରାଧିଙ୍କ ମଧ୍ୟରେ ହୋଇଥିବା ସାମ୍ନା ସାମ୍ନିକୁ ନେଇ ଏକ ବଡ ସୂଚନା ଦେଇଛନ୍ତି । ଯୋଗି ଆଦିତ୍ୟନାଥ ସରକାର କହିଛନ୍ତି ଗତ ୬ବର୍ଷ ମଧ୍ୟରେ ରାଜ୍ୟରେ ପୋଲିସ ଓ ଅପରାଧିଙ୍କ ମଧ୍ୟରେ ୧୦,୦୦୦ରୁ ଅଧିକ ଏନକାଉଣ୍ଟର ହୋଇଛି । ଏଥିରେ ୬୩ ଜଣ ଅପରାଧିଙ୍କ ମୃତ୍ୟୁ ହୋଇଥିବା ବେଳେ ଜଣେ ବାହଦୂର ସିପାହି ବି ଶହୀଦ ହୋଇଛନ୍ତି ।
ରାଜ୍ୟରେ ହୋଇଥିବା ଏନକାଉଣ୍ଟର ସଂଖ୍ୟା ମାମଲାରେ ମେରଠ ୨୦୧୭ ପରେ ସବୁଠାରୁ ଅଧିକ ୩୧୫୨ ଏନକାଉଣ୍ଟର ସହ ଟପରେ ରହିଛି । ଏଠାରେ ଏନକାଉଣ୍ଟରରେ ୬୩ ଅପରାଧିଙ୍କ ମୃତ୍ୟୁ ହୋଇଥିବା ବେଳେ ୧୭୦୮ ଅପରାଧି ଆହତ ହାଇଛନ୍ତି ।
ଏହି ଏନକାଉଣ୍ଟର ସମୟରେ ଜଣେ ପୋଲିସକର୍ମୀ ଶହୀଦ ହୋଇଥିବା ବେଳେ ୪୦୧ ପୋଲିସ ଆହତ ହୋଇଛନ୍ତି । ୟୁପି ପୋଲିସର କାର୍ଯ୍ୟାନୁଷ୍ଠାନ ସମୟରେ ମୋଟ ୫,୯୬୭ ଅପରାଧିଙ୍କୁ ଧରାଯାଇଛି । ସରକାରଙ୍କ ପକ୍ଷରୁ ଜାରି ସଂଖ୍ୟାରେ କୁହାଯାଇଛି କି ଉତ୍ତର ପ୍ରଦେଶ ପୋଲିସ ୨୦୧୭ ପରେ ୧୦୭୧୩ ଏନକାଉଣ୍ଟର କରିଛି, ଏଥିମଧ୍ୟରୁ ସବୁଠାରୁ ଅଧିକ ୩୧୫୨ ମେରଠ ପୋଲିସ ପକ୍ଷରୁ କରାଯାଇଛି ।
ଆଗ୍ରା ପୋଲିସ ପକ୍ଷରୁ ୧୮୪୪ ଏନକାଉଣ୍ଟର କରାଯାଇଛି । ଯେଉଁଥିରେ ୪୬୪୫ ଅପରାଧିଙ୍କୁ ଗିରଫ କରାଯାଇଛି, ଏମାନଙ୍କ ମଧ୍ୟରେ ଥିବା ୧୪ ମୋଷ୍ଟ ୱାଣ୍ଟେଡ ଅପରାଧିଙ୍କ ମୃତ୍ୟୁ ହୋଇଥିବା ବେଳେ ୫୫ ପୋଲିସ ଆହତ ହୋଇଛନ୍ତି । ଏହାପରେ ବରେଲିରେ ୧୪୯୭ ଏନକାଉଣ୍ଟର ହୋଇଛି । ଏଥିରେ ୩୪୧୦ ଅପରାଧିଙ୍କୁ ଗିରଫ କରାଯାଇଛି, ସେଥିରୁ ୭ ଜଣଙ୍କ ମୃତ୍ୟୁ ହୋଇଛି । ବରେଲିରେ ଏନକାଉଣ୍ଟର ସମୟରେ ୪୩୭ ଅପରାଧି ଆହତ ହୋଇଛନ୍ତି । ଏହି ଅଭିଯାନରେ ୨୯୬ ବାହାଦୂର ପୋଲିସ ଆହତ ହୋଇଛନ୍ତି ଓ ଜଣେ ଶହୀଦ ହୋଇଛନ୍ତି ।
