ଫୁଲବାଣୀ,୮ା୭(ରାକେଶ କୁମାର ରାଉତ): ଫୁଲବାଣୀ ସହରରେ ବିଦ୍ୟୁତ୍ ବିଭାଗରେ କାର୍ଯ୍ୟରତ ଜଣେ କର୍ମଚାରୀଙ୍କ ବିଦ୍ୟୁତ୍ ଆଘାତରେ ଗୁରୁବାର ରାତିରେ ମୃତ୍ୟୁ ଘଟିଛି ା ସେ ହେଲେ ସ୍ଥାନୀୟ ମାଷ୍ଟରପଡାର ଜିତେନ୍ଦ୍ର ଦାସ ଓରଫ ରବିା କାମ କଲା ବେଳେ ସେ କିପରି ଏବଂ କାହିଁକି ବିଦ୍ୟୁତ୍ ସଂସ୍ପର୍ଶରେ ଆସିଲେ ବିଭାଗୀୟ ଅଧିକାରୀ ତାହାର ସ୍ପଷ୍ଟ ଉତ୍ତର ଦେଇ ପାରୁନାହାନ୍ତି। ଜିତେନ୍ଦ୍ରଙ୍କ ମୃତ୍ୟୁ ପରେ ସ୍ଥାନୀୟ ଅଞ୍ଚଳରେ ଚାପା ଉତ୍ତେଜନା ପ୍ରକାଶ ପାଇଥିଲା ା ଉତ୍ତ୍ୟକ୍ତ ଲୋକେ ରାତିରେ ଗାନ୍ଧୀ ଛକରେ ରାସ୍ତାରୋକୋ କରିବା ସହ କ୍ଷତିପୂରଣ ଦାବି କରିଥିଲେ ା ପୋଲିସ ଘଟଣାସ୍ଥଳକୁ ଯାଇ ସେମାନଙ୍କୁ ବୁଝାଶୁଝା କରିବା ସହ କ୍ଷତିପୂରଣ ପ୍ରଦାନ ଲାଗି ପ୍ରତିଶ୍ରୁତି ଦେବାପରେ ରାସ୍ତାରୋକୋ ହଟିଥିଲା ା
ଗୁରୁବାର ରାତିରେ ସଞ୍ଜୟ ସ୍ମୃତି ମହିଳା ମହାବିଦ୍ୟାଳୟ ଅଞ୍ଚଳରେ ବିଦ୍ୟୁତ ଚାଲିଯାଇଥିଲା। ଲୋକେ ବିଦ୍ୟୁତ ବିଭାଗକୁ ଖବର ଦେଇଥିଲେ ା ୪/୫ ଜଣ କର୍ମଚାରୀ ଆସି ମହିଳା ମହାବିଦ୍ୟାଳୟ ପରିସରରେ ଥିବା ଟ୍ରାନ୍ସଫର୍ମରରେ ଚଢି ମରାମତି କରୁଥିଲେ। ଏହି ସମୟରେ ହଠାତ ବିଦ୍ୟୁତ୍ ଆସିଯିବାରୁ ତାହା ସଂସ୍ପର୍ଶରେ ଆସି ଜିତେନ୍ଦ୍ର ଗୁରୁତର ହୋଇଥିଲେ। ତାଙ୍କୁ ତୁରନ୍ତ ଜିଲା ମୁଖ୍ୟ ଚିକିତ୍ସାଳୟକୁ ନିଆଯାଇଥିଲେ ମଧ୍ୟ ଡାକ୍ତର ମୃତ ଘୋଷଣା କରିଥିଲେ। ଲୋକେ ଏହି ଖବରପାଇ ଗାନ୍ଧୀ ଛକଠାରେ ମୁଖ୍ୟ ରାସ୍ତା ଅବରୋଧ କରି ୩୦ ଲକ୍ଷ ଟଙ୍କା କ୍ଷତିପୂରଣ ସହ ଜିତେନ୍ଦ୍ରଙ୍କ ସ୍ତ୍ରୀଙ୍କୁ ଚାକିରି ଦେବାକୁ ଦାବି କରିଥିଲେ। ଟାଉନ ଥାନା ପୋଲିସ ଘଟଣାସ୍ଥଳରେ ପହଞ୍ଚି ଲୋକଙ୍କୁ ବୁଝାଶୁଝା କରିଥିଲା। ରାତି ପ୍ରାୟ ୪ଟା ପର୍ଯ୍ୟନ୍ତ ରାସ୍ତା ଅବରୋଧ କରାଯିବା ଫଳରେ ଭୁବନେଶ୍ୱର, ବ୍ରହ୍ମପୁର ଆଦିକୁ କୌଣସି ଗାଡି ଯାଇ ପାରିନ ଥିଲା। ଶେଷରେ ଟାଟା ପାୱାରର ଠିକାଦାର ସଂସ୍ଥା ପକ୍ଷରୁ ଦୁଇ କର୍ମଚାରୀଙ୍କ ସହ ସ୍ଥାନୀୟ ଲୋକ ଥାନା ପରିସରରେ ବସି ଆଲୋଚନା କରିଥିଲେ ା ମୃତଦେହ ସକତ୍ାର ଓ ଦଶାହ କର୍ମ ପାଇଁ ଏକ ଲକ୍ଷ ଟଙ୍କା ସହ ବୀମା ବାବଦରେ ୧୫ ଲକ୍ଷ ଓ ଜିତେନ୍ଦ୍ରଙ୍କ ସ୍ତ୍ରୀଙ୍କୁ ଚାକିରି ଦେବାକୁ ଲିଖିତ ପ୍ରତିଶ୍ରୁତି ଦେବା ପରେ ଧାରଣା ହଟିଥିଲା ା ଜିତେନ୍ଦ୍ରଙ୍କର ଦୁଇଟି ଝିଅ ଅଛନ୍ତି। ଗୋଟିଏ ଝିଅର ବୟସ ୫ ବର୍ଷ ବେଳେ ଅନ୍ୟ ଜଣକୁ ୨ ବର୍ଷ ବୋଲି ଜଣାପଡିଛି ା
