ବିବାହ ବାହାନାରେ ରାଜସ୍ଥାନକୁ ମହିଳା ଚାଲାଣ

ଯାଜପୁର ଅଫିସ,୨୬ା୫: ପ୍ରଶାସନ ଓ ପୋଲିସର ଦୃଷ୍ଟି ଆଢ଼ୁଆଳରେ ବିବାହ ଆଳରେ ଗରିବ ଯୁବତୀ ଓ ମହିଳାମାନଙ୍କୁ ବିଭିନ୍ନ ରାଜ୍ୟକୁ ଚାଲାଣ ହେଉଥିବା ଅଭିଯୋଗ ହୋଇଛି। ଅତୀତରେ ଅନେକ ଅଭିଯୋଗ ରାଜ୍ୟର ବିଭିନ୍ନ ଅଞ୍ଚଳରୁ ଆସିଥିବା ବେଳେ ମଙ୍ଗଳବାର ଯାଜପୁର ଜିଲାର ଜଣେ ବିବାହିତା ମହିଳାଙ୍କୁ ସେହିଭଳି ଭାବେ ରାଜସ୍ଥାନକୁ ଚାଲାଣ କରିବାର ଯୋଜନାକୁ ଜଣେ ଆଇନଜୀବୀଙ୍କ ସମୟୋପଯୋଗୀ ପଦକ୍ଷେପ ଯୋଗୁ ଫସର ଫାଟିଛି । ପୋଲିସର ଉଦାସୀନତା କାରଣରୁ ଏହି ଘଟଣା ପଛରେ ଥିବା ଷଡ଼ଯନ୍ତ୍ରର ପର୍ଦ୍ଦାଫାଶ ହୋଇ ପାରିନାହିଁ । ଏଥିରେ ସମ୍ପୃକ୍ତ ଅଭିଯୁକ୍ତମାନେ ମଧ୍ୟ ଅନାୟସରେ ଖସିଯିବାରେ ସଫଳ ହୋଇଥିବା ଅଭିଯୋଗ କରିଛନ୍ତି ଚଣ୍ଡିଖୋଲର ବରିଷ୍ଠ ଆଇନଜୀବୀ ଉଦୟନାଥ ସାହୁ ।

ସୂଚନା ଅନୁଯାୟୀ, ଚଣ୍ଡିଖୋଲ କୋର୍ଟରେ କେତେଜଣ ଓଡ଼ିଆ ପୁରୁଷ ଓ ମହିଳାଙ୍କ ସମେତ ଜଣେ ଅଣ ଓଡ଼ିଆ ବ୍ୟକ୍ତିଙ୍କ ଦ୍ବାରା ଏକ ବିବାହ ସମ୍ପର୍କିତ କାଗଜପତ୍ର ପ୍ରସ୍ତୁତ ହେଉଥିବା ଆଇନଜୀବୀ ସାହୁଙ୍କ ନଜରକୁ ଆସିଥିଲା । ସେମାନଙ୍କ ସନ୍ଦେହଜନକ ଚାଲିଚଳନ ଓ କଥାବାର୍ତ୍ତାରୁ ଦଲାଲଙ୍କ ମାଧ୍ୟମରେ ଏହି ବ୍ୟକ୍ତିମାନେ ଏକ ମହିଳା ଚାଲାଣ ର଼୍ୟାକେଟ୍‌ ବୋଲି ଆଇନଜୀବୀ ସାହୁ ଆଶଙ୍କା କରିଥିଲେ । ତେଣୁ ସେ ବ୍ୟକ୍ତିଗତ ଭାବେ ଯାଞ୍ଚ କରିବାରେ ଯାଜପୁର ଜିଲା ବରୀ ରାମଚନ୍ଦ୍ରପୁର ଥାନା ଅନ୍ତର୍ଗତ ବାଲିବିଲି ଗ୍ରାମର ଜଣେ ବିବାହିତା ମହିଳାଙ୍କୁ ରାଜସ୍ଥାନ ରାଜ୍ୟ ଭିଲୱରା ଜିଲା କ୍ରିଷ୍ଣା ନଗର ଅଞ୍ଚଳର ଶ୍ରୀରାମଙ୍କ ୩୫ବର୍ଷୀୟ ପୁଅ କ୍ରିଷ୍ଣା ମୁରାରୀ ମାଲଭ ନାମକ ଯୁବକ ଚଣ୍ଡିଖୋଲ ଅଞ୍ଚଳର ଚଣ୍ଡୀ ମନ୍ଦିରରେ ବିବାହ ସମ୍ପନ୍ନ କରିଥିବା ଦର୍ଶାଇ କେତେଜଣ ଦଲାଲ୍‌ ଜଣେ ନୋଟାରୀଙ୍କ ନିକଟରେ ନାମକୁ ମାତ୍ର ଏକ ଜାଲ ବିବାହ କାଗଜପତ୍ର ପ୍ରସ୍ତୁତ କରି ତାହା ମାଧ୍ୟମରେ ସମ୍ପୃକ୍ତ ମହିଳାଙ୍କ ସମେତ ତାଙ୍କର ଶିଶୁପୁତ୍ରକୁ ବି ରାଜସ୍ଥାନ ଚାଲାଣ କରିବା ପାଇଁ ଯୋଜନା କରିଥିଲେ  ଏଥିପାଇଁ ଜାଲ କାଗଜପତ୍ର ପ୍ରସ୍ତୁତ ଚାଲିଥିବା ଜାଣି ଆଇନଜୀବୀ ସାହୁ ଏ ସଂକ୍ରାନ୍ତରେ ବଡ଼ଚଣା ଏବଂ ବରୀ ରାମଚନ୍ଦ୍ରପୁର ଥାନା ଅଧିକାରୀଦ୍ୱୟଙ୍କ ସମେତ ଜିଲା ଶିଶୁ କଲ୍ୟାଣ ଅଧିକାରୀଙ୍କ ଦୃଷ୍ଟି ଆକର୍ଷଣ କରିଥିଲେ । ଏହାପରେ ବଡ଼ଚଣା ଥାନା ଅଧିକାରୀ ଚଣ୍ଡିଖୋଲ ଫାଣ୍ଡି ଅଧିକାରୀଙ୍କୁ ସେଠାକୁ ପଠାଇବା ସହ ଜିଲା ଶିଶୁ କଲ୍ୟାଣ ଅଧିକାରୀଙ୍କ ସୂଚନା ଆଧାରରେ ସେହି ଶିଶୁଟିକୁ ଉଦ୍ଧାର କରିବାକୁ ପୁନଶ୍ଚ ବଡ଼ଚଣା ଥାନାର ଆଉ ଜଣେ ମହିଳା ସବ୍‌ ଇନ୍ସପେକ୍ଟର ସେଠାରେ ଆସି ପହଞ୍ଚିଲେ । କିନ୍ତୁ ପୋଲିସ ପହଞ୍ଚିବା ଭିତରେ ସେମାନେ କୁଆଡେ ଫେରାର ହୋଇଯାଇଥିଲେ । ତେବେ ବାହା ହେବାକୁ ବର ସାଜି ଆସି ସେଠାରେ ଉପସ୍ଥିତ ଥିବା ଲୋକଙ୍କୁ ପୋଲିସ ଅଧିକାରୀମାନେ ପଚରା ଉଚରା କରିବା ସହ ପ୍ରସ୍ତୁତ ବିବାହ ଓ ଶିଶୁପୁତ୍ର ହସ୍ତାନ୍ତର ସମ୍ପର୍କିତ କାଗଜପତ୍ର ତନଖି କରିଥିଲେ । ଏହାସତ୍ତ୍ୱେ ସମ୍ପୃକ୍ତ ପୋଲିସ ଅଧିକାରୀମାନଙ୍କୁ ଆଇନ୍‌ ବର୍ହିଭୂତ କାର୍ଯ୍ୟ ବୋଲି ପ୍ରତୀୟମାନ ହେଲା ନାହିଁ କିମ୍ବା ଏଥିନେଇ ସେମାନେ ଉଚ୍ଚ ଅଧିକାରୀଙ୍କୁ ଅବଗତ କରି ପରବର୍ତ୍ତୀ ପଦକ୍ଷେପ ପାଇଁ ପରାମର୍ଶ ଲୋଡ଼ିବାକୁ ଉଚିତ୍‌ ମନେ କଲେ ନାହିଁ । ପ୍ରସ୍ତୁତ ହୋଇଥିବା କାଗଜପତ୍ରରେ ଉଲ୍ଲେଖ କରାଯାଇଛି ଯେ ମହିଳା ଜଣକ ପୂର୍ବରୁ ପଟ୍ଟାମୁଣ୍ଡାଇ ଥାନା ଅନ୍ତର୍ଗତ ଭାଟପଡ଼ା ଗ୍ରାମର କୌଣସି ଜଣେ ବ୍ୟକ୍ତିଙ୍କୁ ବିବାହ କରିଥିଲେ । ତାଙ୍କ ଔରସରୁ ସେ ଗର୍ଭବତୀ ହେବା ଭିତରେ ଏହି ଦମ୍ପତିଙ୍କ ମଧ୍ୟରେ କୌଣସି ବିବାଦ କାରଣରୁ ସେ ଶାଶୁଘର ଛାଡ଼ି ବାଲିବିଲିରେ ଥିବା ତାଙ୍କ ବାପଘରେ ଆସି ରହିବା ସମୟରେ ଗତବର୍ଷ ସେପ୍ଟେମ୍ବରରେ ଏକ ଶିଶୁପୁତ୍ରକୁ ଜନ୍ମ ଦେଇଥିଲେ । ତେବେ ସବୁଠାରୁ ଆଶ୍ଚର୍ଯ୍ୟର କଥା ଏହି ତଥାକଥିତ ବିବାହ ସମୟରେ ମହିଳା ଏବଂ କ୍ରିଷ୍ଣା ମୁରାରୀଙ୍କ ପିତାମାତା କିମ୍ବା ସେମାନଙ୍କ କୌଣସି ନିକଟ ସମ୍ପର୍କୀୟ ସେଠାରେ ଉପସ୍ଥିତ ନ ଥିଲେ ା ଏଭଳି ଏକ ସ୍ପର୍ଶକାତର ଘଟଣାର ଉଚ୍ଚସ୍ତରୀୟ ତଦନ୍ତ କରି ସମ୍ପୃକ୍ତ ମହିଳାଙ୍କ ସହିତ ତାଙ୍କ ଶିଶୁପୁତ୍ରକୁ ସୁରକ୍ଷିତ ଉଦ୍ଧାର କରିବାକୁ ଆଇନଜୀବୀ ସାହୁ ଦାବି କରିଛନ୍ତି ।


Enter your email to get our daily news in your inbox.

All Right Reserved By Dharitri.Com

ଚାଇନାରେ ଏକାଠି ହେଲେ ଟ୍ରମ୍ପ୍‌-ପୁଟିନ୍‌-ଜିନ୍‌ପିଙ୍ଗ, ବୈଠକ ଉପରେ ବିଶ୍ବର ନଜର

ବେଜିଂ, ୧୮ା୧୧: ଚାଇନା ଗସ୍ତରେ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ । ଚାଇନାରେ ପହଞ୍ଚିବା ପରେ ତାଙ୍କୁ ଭବ୍ୟ ସ୍ବାଗତ କରାଯାଇଛି । ପ୍ରୋଟୋକଲ ଭାଙ୍ଗି ଚୀନ…

ଓଡ଼ିଶା ମୁହାଁ ବାତ୍ୟା; ଜୁନିୟର ଆସିଷ୍ଟାଣ୍ଟ-କ୍ଲର୍କ ପରୀକ୍ଷା ସ୍ଥଗିତ

ଭୁବନେଶ୍ୱର,୧୮।୧୧: ଓଡ଼ିଶା ମୁହାଁ ହେଉଛି ବାତ୍ୟା ‘ଅକ୍ୱାନ’ । ୯ କିମି ବେଗରେ ବଢୁଛି ଭୀଷଣ ବାତ୍ୟା । ଏହାକୁ ଦୃଷ୍ଟିରେ ରଖି ଆସନ୍ତା ୨୧ ଓ…

‘ଅର୍ଣ୍ଣବ’ର କ୍ଷତ ଶୁଖିନି, ପୁଣି ଘାରିଲା ‘ଅକ୍ୱାନ’ ଭୟ: ଆତଙ୍କିତ ପୁରୁଷୋତ୍ତମପୁରବାସୀ, ପ୍ରଶାସନର ହାଇ ଆଲର୍ଟ, ସୁରକ୍ଷିତ ସ୍ଥାନକୁ…

ପୁରୁଷୋତ୍ତମପୁର୧୮।୧୧ (ସବିତା ମିଶ୍ର) : ଗତ ୧୫ ଦିନ ତଳେ ଆସିଥିବା ବାତ୍ୟା ‘ଅର୍ଣ୍ଣବ’ ଓ ପରବର୍ତ୍ତୀ ବନ୍ୟାର କ୍ଷତ ଏଯାଏ ଶୁଖି ନ ଥିବା ବେଳେ…

ବରଗଡ଼ରେ ଧଳାଜହର କାରବାରର ପର୍ଦ୍ଦାଫାଶ: ୯୦ ଗ୍ରାମ ବ୍ରାଉନ୍ ସୁଗାର ଜବତ, ପୋଲିସ ହାତରେ ଧରାପଡ଼ିଲେ ଦମ୍ପତି

ବରଗଡ଼,୧୮।୧୧(ପ୍ରେମାନନ୍ଦ ଖମାରୀ)- ବରଗଡ଼ ଟାଉନ୍ ଥାନା ପୋଲିସକୁ ନିଶା କାରବାର ବିରୋଧୀ ଅଭିଯାନରେ ଏକ ବଡ଼ ସଫଳତା ମିଳିଛି । ବୁଧବାର ପୋଲିସ ଚଢ଼ାଉ କରି ବ୍ରାଉନ୍…

ଡାକ୍ତରଙ୍କ ଅବହେଳାରୁ ଛାତ୍ରୀ ମୃତ୍ୟୁ ଅଭିଯୋଗ, କାର୍ଯ୍ୟାନୁଷ୍ଠାନ, କ୍ଷତିପୂରଣ ଦାବିରେ ଧାରଣା

ନୂଆପଡ଼ା,୧୮।୧୧(ମକାରୁ ବେମାଲ): ନୂଆପଡ଼ା ଜିଲା ବୋଡେନ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଡାକ୍ତର ଓ ନର୍ସଙ୍କ ଅବହେଳା ଯୋଗୁ ଅଷ୍ଟମ ଶ୍ରେଣୀ ଛାତ୍ରୀଙ୍କ ମୃତ୍ୟୁ ହୋଇଥିବା ପରିବାର ଲୋକେ ଅଭିଯୋଗ…

ସରକାରଙ୍କ ବଡ଼ ନିଷ୍ପତ୍ତି; ଘୁଞ୍ଚିଲା ପଞ୍ଚାୟତ ନିର୍ବାଚନ, ବିଧାନସଭା ପରେ….

ଲକ୍ଷ୍ନୌ,୧୮।୧୧: ଉତ୍ତରପ୍ରଦେଶରେ ପଞ୍ଚାୟତ ନିର୍ବାଚନକୁ ନେଇ ବଡ଼ ନିଷ୍ପତ୍ତି ନେଇଛନ୍ତି ଯୋଗୀ ସରକାର । ପଞ୍ଚାୟତ ନିର୍ବାଚନ କରାଇବାର ସମୟସୀମାକୁ ଆଉ ୬ ମାସ ବୃଦ୍ଧି କରାଯାଇଛି…

‘ଅକ୍ବାନ’ ଆଲର୍ଟ: ଗୁଡ଼ାରି ବ୍ଲକ ପ୍ରଶାସନର ଜରୁରୀ ବୈଠକ, ମୁଖ୍ୟାଳୟ ନ ଛାଡ଼ିବାକୁ କର୍ମଚାରୀଙ୍କୁ କଡ଼ା ନିର୍ଦ୍ଦେଶ

ଗୁଡ଼ାରି,୧୮ା୧୧(ପ୍ରମୋଦ କୁମାର ପତି ): ସମ୍ଭାବ୍ୟ ବାତ୍ୟା ‘ଅକ୍ବାନ’କୁ ଦୃଷ୍ଟିରେ ରଖି ଗୁଡ଼ାରି ବ୍ଲକ ପ୍ରଶାସନ ପକ୍ଷରୁ ସମସ୍ତ ପ୍ରକାର ପ୍ରସ୍ତୁତି ଚୂଡ଼ାନ୍ତ ପର୍ଯ୍ୟାୟରେ ପହଞ୍ଚିଛି ।…

କେନ୍ଦୁଝରର ଗୌରବ: ବିଶିଷ୍ଟ କବି ଭୈରବ ଚନ୍ଦ୍ର ବେହେରାଙ୍କୁ ମିଳିଲା ମର୍ଯ୍ୟାଦାଜନକ ‘ଉତ୍କଳ ସାହିତ୍ୟ ରତ୍ନ ସମ୍ମାନ’

ପାଟଣା,୧୮।୧୧(ବୀର କିଶୋର ଦାଶ): କେନ୍ଦୁଝର ଜିଲା ପାଟଣା ବ୍ଲକ ଅନ୍ତର୍ଗତ କଣ୍ଟିଆପଡ଼ା ପଞ୍ଚାୟତ ଜାମୁନାଳିଆ ଗ୍ରାମର ବିଶିଷ୍ଟ କବି, ଗାଳ୍ପିକ ତଥା ଶିକ୍ଷାବିତ୍ ଭୈରବ ଚନ୍ଦ୍ର ବେହେରାଙ୍କୁ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?