ଗୟା,୨୪।୧: ବିହାରର ଗୟାରେ ଜଣେ ସ୍ତ୍ରୀ ନିଜ ସ୍ବାମୀଙ୍କୁ ଅତି ନୃଶଂସ ଭାବେ ହତ୍ୟା କରି ଚର୍ଚ୍ଚାରେ। ପ୍ରଥମେ ଯୁବକଙ୍କ ହାତଗୋଡ ବାନ୍ଧି ଛୁରୀରେ ଆକ୍ରମଣ କରିଥିଲେ। ତାଙ୍କର ମୃତ୍ୟୁ ହୋଇଯିବା ପରେ ଆଖି, ନାକ ଏବଂ ମୁହଁରେ ଫେଭିକ୍ୱିକ୍ ପକାଇଦେଇଥିଲେ। ଅଭିଯୁକ୍ତ ସ୍ତ୍ରୀ ହତ୍ୟା କରିବା ସମୟରେ ତାଙ୍କ ମାବାପା ମଧ୍ୟ ସହଯୋଗ କରିଥିଲେ।
ମୃତକଙ୍କ ନାମ ମୁନ୍ନା ବୋଲି ଜଣାପଡ଼ିଛି। ତାଙ୍କର ବିବାହ ଜୁଲିଙ୍କ ସହ ହୋଇଥିଲା। କଲେଜ ଦିନରୁ ସେ ଅନ୍ୟଜଣଙ୍କୁ ପ୍ରେମ କରୁଥିଲେ। କିଛିଦିନ ପୂର୍ବେ ସ୍ବାମୀ ତାଙ୍କୁ ଆପତ୍ତିଜନକ ଅବସ୍ଥାରେ ଧରିଥିଲେ। ଏହାକୁ ନେଇ ସ୍ବାମୀସ୍ତ୍ରୀଙ୍କ ମଧ୍ୟରେ ଝଗଡ଼ା ଲାଗି ରହୁଥିଲା। ଏଣୁ ସ୍ବାମୀଙ୍କ ହତ୍ୟାର ଷଡଯନ୍ତ୍ର ରଚିଥିଲେ ଜୁଲି।
ମୁନ୍ନାଙ୍କୁ ହତ୍ୟା କରିବାର ଯୋଜନା କରିବା ପରେ ତାଙ୍କୁ ବାପଘରକୁ ଡାକିଥିଲେ ଅଭିଯୁକ୍ତ ଜୁଲି। ପରେ ମା’ବାପା ଏବଂ ଅନ୍ୟ ୨ଜଣଙ୍କ ସହାୟତାରେ ତାଙ୍କୁ ହତ୍ୟା କରିଥିଲେ। ହେଲେ ସାଢ଼େ ୩ ବର୍ଷର ଝିଅ ତାହା ଦେଖିଦେଇଥିଲା। ହତ୍ୟା କରିବା ପରେ ମୃତଦେହକୁ ନଷ୍ଟ କରିବାକୁ ନେଇ ଯାଉଥିବା ବେଳେ ଅଧାବାଟରେ ପୋଲିସ ଭ୍ୟାନ୍ ଦେଖି ସେମାନେ ହଡବଡାଇ ଯାଇଥିଲେ। ଏପରିକି ଅଭିଯୁକ୍ତମାନେ ମୃତଦେହକୁ ଛାଡ଼ି ଫେରାର ହୋଇଯାଇଥିଲେ। ପରେ ପୋଲିସ ଘଟଣାସ୍ଥଳରେ ପହଞ୍ଚି ଅଖା ଭିତରୁ ମୃତଦେହ ଜବତ କରିଛି। ଏଥିସହ ତଦନ୍ତ ଜାରି ରଖିଛି।
