ଟଙ୍କା ଦେଲେ ଅନେକ କିଛି ମିଳିଥାଏ। ମାତ୍ର ନ୍ୟୁୟର୍କରେ ଜଣେ ମହିଳା ନିଜ ଶାଶୁଙ୍କ ପାଇଁ ଏମିତି ବିଜ୍ଞାପନ ଦେଇଛନ୍ତି, ଯାହା ସୋସିଆଲ ମିଡିଆରେ ଖୁବ୍ ଭାଇରାଲ ହେଉଛି। ମହିଳା କହିଛନ୍ତି, ତାଙ୍କ ଶାଶୁଙ୍କ ପାଇଁ ସେ ବୟଫ୍ରେଣ୍ଡ ଚାହୁଁଛନ୍ତି। ଯେଉଁ ବ୍ୟକ୍ତି ମାତ୍ର ୨ ଦିନ ତାଙ୍କ ଶାଶୁଙ୍କ ସହ ରହିବେ ସେ ତାଙ୍କୁ ୭୨ ହଜାର ଟଙ୍କା ଦେବେ।
ନ୍ୟୁୟର୍କର ହଡସନ ଭ୍ୟାଲିର ଜଣେ ମହିଳାଙ୍କ ଦ୍ୱାରା କ୍ରେଗ୍ଲିଷ୍ଟରେ ପୋଷ୍ଟ କରାଯାଇଥିବା ଏକ ବିଜ୍ଞାପନରେ କୁହାଯାଇଛି ଯେ, ତାଙ୍କର ୫୧ ବର୍ଷୀୟା ଶାଶୁଙ୍କ ପାଇଁ ବୟଫ୍ରେଣ୍ଡ ଆବଶ୍ୟକ କରନ୍ତି। ଯିଏ ତାଙ୍କ ବିବାହ ଏବଂ ଡିନର ପାର୍ଟିରେ ଯୋଗ ଦେଇପାରିବେ। ଦୁଇଦିନ ପାଇଁ ତାଙ୍କ ଶାଶୁଙ୍କ ସହ ରହିବାକୁ ପଡ଼ିବ। ଯେଉଁଥିପାଇଁ ତାଙ୍କୁ ୧ ହଜାର ଡଲାର ଅର୍ଥାତ୍ ଭାରତୀୟ ମୁଦ୍ରାରେ ୭୨ ହଜାର ଟଙ୍କା ଦେବେ। ମହିଳାଙ୍କୁ ଏକ ବିବାହ ସମାରୋହରେ ଯୋଗ ଦେବାରୁ ଅଛି। ଯେଉଁଠିକି ସେ ତାଙ୍କ ଶାଶୁଙ୍କୁ ସାଙ୍ଗରେ ନେବାକୁ ଚାହୁଁଛନ୍ତି। ସେ ଚାହୁଁଛନ୍ତି ଏହି ବିବାହ ଭୋଜିରେ ତାଙ୍କ ଶାଶୁ ବି ସୁନ୍ଦର ଡ୍ରେସ୍ରେ ନବଦମ୍ପତି ପରି ଦେଖାଯାଆନ୍ତୁ।
ବିଜ୍ଞାପନରେ ଲେଖାଯାଇଛି, ମୁଁ ଅଗଷ୍ଟରେ ହଡସନ ଭ୍ୟାଲିରେ ବିବାହ ପାଇଁ ଶୁକ୍ରବାର ସନ୍ଧ୍ୟାରୁ ଶନିବାର ସନ୍ଧ୍ୟା ପର୍ଯ୍ୟନ୍ତ ମୋ ଶାଶୁଙ୍କ ପାଇଁ ବୟଫ୍ରେଣ୍ଡ ଖୋଜୁଛି। ତାଙ୍କୁ ମାତ୍ର ଦୁଇଦିନ ସମୟ ଦେଇ ତାଙ୍କ ସାଥିରେ ରହି ତାଙ୍କର ଧ୍ୟାନ ରଖ। ବିଜ୍ଞାପନରେ ଲେଖାଅଛି, ଶାଶୁ ଧଳା ଡ୍ରେସ୍ ପିନ୍ଧିବେ। ଯିଏ ଶାଶୁଙ୍କ ସହ ରହିବେ ସେ ଯେମିତି ତାଙ୍କ ସହ କପଲ ପରି ବ୍ୟବହାର କରିବେ। ବୟଫ୍ରେଣ୍ଡ ହେବାକୁ ଚାହୁଁଥିବା ବ୍ୟକ୍ତିଙ୍କ ବୟସ ୪୦ରୁ ୬୦ ବର୍ଷ ହୋଇଥିବା ଆବଶ୍ୟକ। ସେ ଭଲ ଡ୍ୟାନ୍ସର ଏବଂ କଥାବାର୍ତ୍ତା ଭଲ କରୁଥିବା ଆବଶ୍ୟକ।
ଏହି ବିଜ୍ଞାପନ ସୋସିଆଲ ମିଡିଆରେ ଦେଖିବା ପରେ ୟୁଜରମାନେ ବିଭିନ୍ନ କମେଣ୍ଟ ଦେଇଛନ୍ତି। କେତେକ ୟୁଜର ଲେଖିଛନ୍ତି, ଏହା ବହୁତ ସୁନ୍ଦର କଥା। ଜଣେ ମହିଳା କହିଛନ୍ତି, ଏହି ବିଜ୍ଞାପନ ଯେତେବେଳେ ମୁଁ ପଢ଼ିଲି, ସେତେବେଳେ ମୋ ସ୍ବାମୀଙ୍କ ବିଷୟରେ ଭାବିଲି। ସେହିପରି ଅନ୍ୟ ୟୁଜରମାନେ ଭିନ୍ନ ଭିନ୍ନ ମତ ପୋଷଣ କରିଛନ୍ତି।
