ମହାକାଳପଡ଼ା,୧୯।୩ (ଡି.ଏନ୍.ଏ.): କୁମ୍ଭୀର ଆକ୍ରମଣରେ ଶନିବାର ଜଣେ ମହିଳାଙ୍କ ମୃତ୍ୟୁ ଘଟିଛି ା ଅନ୍ୟ ୩ ମହିଳା ଅଳ୍ପକେ ବର୍ତ୍ତି ଯାଇଛନ୍ତି। ମୃତକ ହେଲେ କେନ୍ଦ୍ରାପଡ଼ା ଜିଲା ମହାକାଳପଡ଼ା ବ୍ଲକ ଖରିନାଶି ଗଁା ୬ନଂ. ୱାର୍ଡର କୌଶଲ୍ୟା ମଣ୍ଡଳ(୪୨)। ତାଙ୍କ ସହିତ ମାଛ ଧରିବାକୁ ଯାଇଥିବା ଛବି ମଣ୍ଡଳ, ସୁଷମା ସର୍ଦ୍ଦାର ଓ ଝରଣା ମଣ୍ଡଳ କୁମ୍ଭୀର ଆକ୍ରମଣରୁ ରକ୍ଷା ପାଇଯାଇଛନ୍ତି ା ସୁଷମାଙ୍କ କହିବା ଅନୁଯାୟୀ, ପ୍ରତିଦିନ ଭଳି ସେମାନେ ଜଙ୍ଗଲ ଭିତରେ ଥିବା ଯାନାଜୋରକୁ ମାଛ ଧରିବାକୁ ଯାଇଥିଲେ। ତାଙ୍କ ସହିତ ମିଶି କୌଶଲ୍ୟା ମାଛ ଧରୁଥିଲା। ହଠାତ୍ ପଛରୁ ଏକ କୁମ୍ଭୀର ଆସି କୌଶଲ୍ୟାଙ୍କୁ ଗଭୀର ପାଣିକୁ ଟାଣି ନେଇଥିଲା ା ଏହାପରେ ତାଙ୍କୁ ତିନି ଥର ପାଣିରେ ବୁଡ଼ାଇ ମାରିଥିଲା। କିନ୍ତୁ ଆମେ ତାଙ୍କୁ କୁମ୍ଭୀର ମୁହଁରୁ ରକ୍ଷା କରିପାରିଲୁ ନାହିଁ। ଗ୍ରାମବାସୀ ମୃତଦେହ ଉଦ୍ଧାର କରିଛନ୍ତି। ଘଟଣାସ୍ଥଳରେ ବନ ବିଭାଗ କର୍ମଚାରୀମାନେ ପହଞ୍ଚି ପରିସ୍ଥିତି ଅନୁଧ୍ୟାନ କରିଛନ୍ତି ା ଏ ସମ୍ପର୍କରେ ରାଜନଗର ବନ ଖଣ୍ଡ ଅଧିକାରୀ ସୁଦର୍ଶନ ଗୋପୀନାଥ ଯାଦବ କହିଛନ୍ତି ଏ ସଂକ୍ରାନ୍ତରେ ବିଭାଗ ପକ୍ଷରୁ ତୁରନ୍ତ ପଦକ୍ଷେପ ଗ୍ରହଣ କରାଯିବ ା
