ନୂଆଦିଲ୍ଲୀ,୧୮ା୩: ଦେଶର ପ୍ରମୁଖ ଅନ୍ଲାଇନ ମେଡିକାଲ ପ୍ରସ୍ତୁତି ପ୍ଲାଟ୍ଫର୍ମ ‘ପ୍ରିପ୍ଲାଡର’ପ୍ରତି ବର୍ଷ ପରି ଚଳିତ ବର୍ଷ ମଧ୍ୟ ନ୍ୟାଶନାଲ ଏଲିଜିବିଲିଟି କମ୍ ଏଣ୍ଟ୍ରାନ୍ସ ଟେଷ୍ଟ (ନିଟ୍) ପୋଷ୍ଟ ଗ୍ରାଜୁଏଶନ (ପିଜି)-୨୦୨୩ ବା ନିଟ୍ ପିଜି-୨୦୨୩ ପରୀକ୍ଷା ଫଳାଫଳରେ ବାଜିମାତ୍ କରିଥିବା ସୂଚନା ମିଳିଛି। ଏପରିକି ନିଟ୍ ପିଜି-୨୦୨୩ ପରୀକ୍ଷା ଫଳାଫଳ ଅନୁସାରେ ଶ୍ରେଷ୍ଠ ୧୦ଜଣ ସର୍ବଭାରତୀୟ ର଼୍ୟାଙ୍କଧାରୀ (ଏଆଇଆର୍)ଙ୍କ ମଧ୍ୟରୁ ୮ ଛାତ୍ର ପ୍ରିପ୍ଲାଡରର ବୋଲି ଜଣାପଡ଼ିଛି। ଅପରପକ୍ଷରେ ନ୍ୟାଶନାଲ ବୋର୍ଡ ଅଫ୍ ଏକ୍ସାମିନେନ୍ସ(ଏନ୍ବିଇ) ଦ୍ୱାରା ପରିଚାଳିତ ନିଟ୍ ପିଜି-୨୦୨୩ ପରୀକ୍ଷାର ଫଳାଫଳ ନିକଟରେ ପ୍ରକାଶ ପାଇଛି। ଉକ୍ତ ଫଳାଫଳ ଅନୁଯାୟୀ ଏଆଇଆର୍ ଧାରୀଙ୍କ ନାମ ମଧ୍ୟ ଘୋଷଣା କରାଯାଇଛି। ଉକ୍ତ ନାମ ଅନୁସାରେ ଶ୍ରେଷ୍ଠ-୧୦ (ଟପ୍-୧୦) ର଼୍ୟାଙ୍କରେ ପ୍ରିପ୍ଲାଡରର ୮ଜଣ ଛାତ୍ର ସାମିଲ ଥିବା ଜଣାପଡ଼ିଛି। ଏପରିକି ଶ୍ରେଷ୍ଠ ୧୦ ଏଆଇଆର୍ ର଼୍ୟାଙ୍କଧାରୀଙ୍କ ମଧ୍ୟରୁ ୮ଜଣ ପ୍ରିପ୍ଲାଡରର ଏବଂ ଉକ୍ତ ୮ର଼୍ୟାଙ୍କଧାରୀଙ୍କ ମଧ୍ୟରେ ଏଆଇଆର୍ ୧, ୨, ୩, ୪, ୫, ୬, ୭ ଏବଂ ୧୦ ର଼୍ୟାଙ୍କ ଅନ୍ତର୍ଭୁକ୍ତ ରହିଛି। ବିଶେଷକରି ନିଟ୍ ପିଜି, ଏମ୍ବିବିଏସ୍ ସ୍ନାତକମାନଙ୍କ ପାଇଁ ଏକ ଜାତୀୟ ସ୍ତରର ଯୋଗ୍ୟତା ଏବଂ ର଼୍ୟାଙ୍କିଙ୍ଗ୍ ପରୀକ୍ଷା,ଯାହାକି ଦେଶର ସରକାରୀ ଏବଂ ବେସରକାରୀ ମେଡିକାଲଗୁଡ଼ିକରେ ସ୍ନାତକୋତ୍ତର ପାଠ୍ୟକ୍ରମରେ ନାମ ଲେଖାଇବାକୁ ଅନୁସରଣ କରିବାକୁ ହୋଇଥାଏ। ଉଲ୍ଲେଖଯୋଗ୍ୟ, ପ୍ରିପ୍ଲାଡରର ଶ୍ରେଷ୍ଠ ସ୍କୋରରଙ୍କ ମଧ୍ୟରେ ଜୟପୁରର ଡା. ଆରୁଷୀ ନରୱାନି ୮୦୦ରୁ ୭୨୫ ସହ ଏଆଇଆର୍-୧ରେ ସ୍ଥାନ ପାଇଛନ୍ତି। ସେହିଭଳି ଭଡୋଦରାରୁ ଡା. ପ୍ରେମ ତିଲକ ପାଲାନି- ଏଆଇଆର୍-୨, ଚାର୍କି ଦାଦ୍ରିରୁ ଡା. ରୂପେଶ ଥୋଲିଆ ଏଆଇଆର୍-୩ ସ୍ଥାନରେ ରହିଛନ୍ତି। ଏପରିକି ୧୨ ଓ ୩ ର଼୍ୟାଙ୍କର ଛାତ୍ର ଉଭୟ ୭୨୧ ନମ୍ବର ହାସଲ କରିଛନ୍ତି। ସେହିପରି ଭଡୋଦରାରୁ ଡା. ଆକାଶ ସେଠୀ ଏଆଇଆର୍-୪ (୭୧୮), ମୁମ୍ବାଇର ଡା. ମାଚାଭେ ଆମିୟା ପ୍ରସାଦ ଏଆଇଆର୍-୫ (୭୧୭), ଲଡ୍ୱାରୁ ଡା. କେଶବ ଗର୍ଗ ଏଆଇଆର୍-୬ (୭୧୬) ଏବଂ ଦିଲ୍ଲୀରୁ ଡା. ସାଗର ଲାମ୍ବା ଏଆଇଆର୍-୧୦ (୭୧୧) ସ୍ଥାନରେ ରହିଛିନ୍ତି।
