ଓଟଓ୍ବା,୬ା୧୦: କାନାଡାରେ ଏକ ବିମାନ ଦୁର୍ଘଟଣାଗ୍ରସ୍ତ ହୋଇଛି। ଏଥିରେ ଜଣେ ଯାତ୍ରୀଙ୍କର ମୃତ୍ୟୁ ଘଟିଛି। ପାଇଲଟ୍ ମଧ୍ୟ ଆହତ ହୋଇଛନ୍ତି। ଏହି ବିମାନ ଏକ ବ୍ୟାନର ନେଇ ଉଡ଼ାଣ ଆରମ୍ଭ କରିଥିଲା। ବ୍ୟାନରଟି ବିମାନ ବାହାରେ ଉଡୁଥିଲା। ଯେଉଁଥିରେ ବିବାହ ପ୍ରସ୍ତାବ ଥିଲା।
ଏକ ରିପୋର୍ଟ ଅନୁଯାୟୀ, ବିମାନଟି ମାନାଟ୍ରିୟାଲ ସହରରେ ହୋଇଛି। ଏହାକୁ ନେଇ କାନାଡା ପରିବହନ ସୁରକ୍ଷା ବୋର୍ଡ କହିଛି, cessna-172 ବିମାନ ଏକ ବ୍ୟାନର ନେଇ ଉଡ଼ାଣ କରିଥିଲା। ଏଥିରେ ଲେଖିଥିଲା, କ’ଣ ତୁମେ ମୋତେ ବିବାହ କରିବ?
ଯେତେବେଳେ ବିମାନ ଆକାଶରେ ଉଡ଼ାଣ କରୁଥିଲା ଇଞ୍ଜିନ୍ ଖରାପ ହୋଇଗଲା। ହଠାତ୍ ବିମାନଟି ତଳକୁ ଖସି ପଡ଼ିଥିଲା। ପରେ ନିଆଁ ଲାଗି ଯାଇଥିଲା। ଏଥିରେ ଜଣେ ଯାତ୍ରୀଙ୍କ ମୃତ୍ୟୁ ଘଟିଥିବା ବେଳେ ପାଇଲଟ ଆହତ ହୋଇଛନ୍ତି। କାରଣ ବିମାନରେ ଏହି ଦୁଇଜଣ ହିଁ ଥିଲେ।
ଘଟଣାସ୍ଥଳରେ ଦମକଳ ବାହିନୀ ପହଞ୍ଚିବା ବେଳକୁ ଚାରିଆଡ଼େ ଧୂଆଁମୟ ହୋଇଯାଇଥିଲା। କିଛି ସମୟ ଭୟଙ୍କର ପରିସ୍ଥିତି ସୃଷ୍ଟି ହୋଇଥିଲା। ଦମକଳ ବାହିନୀ କର୍ମଚାରୀ ପହଞ୍ଚି ନିଆଁକୁ ଆୟତ୍ତ କରିଥିଲେ।
