ମସ୍କୋ,୨୩ା୫: ରୁଷିଆ-ୟୁକ୍ରେନ ମଧ୍ୟରେ ଯୁଦ୍ଧ ହେବାର ୪ ମାସ ବିତିଲାଣି। ଏହି ସମୟରେ ରୁଷିଆ ଏବଂ ଫିନ୍ଲାଣ୍ଡ ମଧ୍ୟରେ ତିକ୍ତତା ବୃଦ୍ଧି ପାଇଛି। ପ୍ରକୃତରେ ରୁଷିଆ ଫିନ୍ଲାଣ୍ଡ ଏବଂ ସ୍ବିଡେନର ନାଟୋର ସଦସ୍ୟତା ଉପରେ ଆକ୍ରମଣାତ୍ମକ ଆଭିମୁଖ୍ୟ ଗ୍ରହଣ କରିଛି। ଫିନ୍ଲାଣ୍ଡକୁ ଧ୍ୱଂସ କରିବାକୁ ରୁଷିଆ ଧମକ ଦେଇଛି। ନିକଟରେ ରୁଷିଆ କହିଛି, ଫିନ୍ଲାଣ୍ଡର ନାଟୋରେ ଯୋଗଦେବା ପାଇଁ ଇଚ୍ଛା ମାତ୍ର ୧୦ ସେକେଣ୍ଡରେ ଦୂର ହୋଇଯିବ। ଏହି ବିପଦ ପରେ ରୁଷିଆ ତୁରନ୍ତ ଫିନ୍ଲାଣ୍ଡକୁ ଗ୍ୟାସ ଯୋଗାଣ ବନ୍ଦ କରି ଦେଇଛି।
ରୁଷିଆ ରିପୋର୍ଟ କରିଛି ଯେ, ଫିନ୍ଲାଣ୍ଡ ରୁବେଲରେ ଗ୍ୟାସ ଦେବାକୁ ମନା କରିଦେଇଛି, ଯାହା ପରେ ଯୋଗାଣ ବନ୍ଦ ହୋଇଯାଇଛି। ରୁଷିଆର ଏହି ପଦକ୍ଷେପ ଫିନ୍ଲାଣ୍ଡରେ ଶକ୍ତି ସଙ୍କଟକୁ ଆହୁରି ଗଭୀର କରିପାରେ। ଏଭଳି ପରିସ୍ଥିତିରେ ରୁଷିଆ ଫିନ୍ଲାଣ୍ଡ ବିରୋଧରେ ସାମରିକ କାର୍ଯ୍ୟାନୁଷ୍ଠାନ ଗ୍ରହଣ କରିପାରିବ କି ନାହିଁ ପ୍ରଶ୍ନ ଉଠିଛି।
