ଭୁବନେଶ୍ୱର,୨୧।୩: ରାଜନୀତିରୁ ସନ୍ୟାସ ନେବା ପରେ ଏବେ ଭିକେ ପାଣ୍ଡିଆନଙ୍କୁ ନେଇ ଓଡ଼ିଶା ରାଜନୀତିରେ ନୂଆ ଚର୍ଚ୍ଚା ଆରମ୍ଭ ହୋଇଛି। କୁହାଯାଉଛି ସେ କୁଆଡେ ସବୁଦିନ ପାଇଁ ଓଡ଼ିଶା ଛାଡିଦେବେ। ବିଦେଶରୁ ଆସିଛି ଅଫର, ଚାକିରି ପାଇଁ ପାଣ୍ଡିଆନ ପଳାଇବେ ବୋଲି ବିଭିନ୍ନ ଗଣମାଧ୍ୟମରେ ଏବେ ଖବର ସାମ୍ନାକୁ ଆସିଛି। ଏମତିକି ଶେଷଥର ପାଇଁ ବିଜେଡିର ବରିଷ୍ଠ ନେତାଙ୍କ ସହ କୁଆଡେ ନିଜର ମନକଥା ବାଣ୍ଟୁଛନ୍ତି ପାଣ୍ଡିଆନ। ଏହା କେତେ ଦୂର ସତ ତାହା ଜଣାପଡି ନ ଥିଲେ ବି ପାଣ୍ଡିଆନଙ୍କୁ ନେଇ ଏମିତି ଏକ ଚର୍ଚ୍ଚା ଏବେ ଓଡ଼ିଶା ରାଜନୀତିରେ ଚହଳ ପକେଇଛି। ତେବେ ପାଣ୍ଡିଆନ ଯଦି ସତରେ ଓଡ଼ିଶା ଛାଡୁଛନ୍ତି ଏହା ପଛର କାରଣ କ’ଣ ହୋଇପାରେ? ଦଳ ଭିତରେ ବିରୋଧ ନା ବଡ଼ ଚାକିରିର ଅଫର୍? ସେ ଯାହା ବି ହେଉ ପାଣ୍ଡିଆନଙ୍କୁ ନେଇ ଏମିତି ଖବର କାହିଁକି ସାମ୍ନାକୁ ଆସିଛି ଆଉ କିଏ ଏ ଖବରକୁ ଅଧିକ ରଙ୍ଗ ଦେଉଛି ଆସନ୍ତୁ ଜାଣିବା…
Pandian leaving Naveen Niwas: ଓଡ଼ିଶା ରାଜନୀତିର ଚର୍ଚ୍ଚିତ ଚେହେରା ଭିକେ ପାଣ୍ଡିଆନ ଏବେ ପୁଣି ଚର୍ଚ୍ଚାରେ। ବିଜେଡି ସୁପ୍ରିମୋ ନବୀନ ପଟ୍ଟନାୟକଙ୍କ ଘନିଷ୍ଠ ସହଯୋଗୀ ପାଣ୍ଡିଆନ ଖୁବଶୀଘ୍ର ନବୀନ ନିବାସ ଛାଡିବାକୁ ଯାଉଛନ୍ତି! ଯାହାକୁ ନେଇ ରାଜ୍ୟ ରାଜନୀତିରେ ଚହଳ ପଡିଛି।
Pandian leaving Odisha: ଖୁବଶୀଘ୍ର ନବୀନ ନିବାସ ଛାଡିବେ ଓଡ଼ିଶା ରାଜନୀତିର ଚର୍ଚ୍ଚିତ ଚେହେରା ପାଣ୍ଡିଆନ! କୁହାଯାଉଛି ଯେ ପାଣ୍ଡିଆନଙ୍କୁ ଏକ ଅନ୍ତର୍ଜାତୀୟ ସଂସ୍ଥାରୁ ଅଫର୍ ମିଳିଛି। ଓଡ଼ିଶା କ୍ୟାଡରର ଆଇଏଏସ ଅଧିକାରୀ ପାଣ୍ଡିଆନ ୨୦୧୧ ମସିହାରେ ନବୀନ ପଟ୍ଟନାୟକଙ୍କ ବ୍ୟକ୍ତିଗତ ସଚିବ ଭାବରେ ସିଏମଓରେ ଯୋଗ ଦେଇଥିଲେ। ୨୦୧୪ ଏବଂ ୨୦୧୯ରେ ରାଜ୍ୟରେ ବିଜେଡିର ର୍ନିବିବାଦ ସୁପ୍ରିମୋ ନବୀନ ପଟ୍ଟନାୟକଙ୍କୁ କ୍ଷମତା ବଜାୟ ରଖିବାରେ ସେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥିଲେ। ଏହା ପରେ, ସେ IAS ରୁ ସ୍ବେଚ୍ଛାକୃତ ଅବସର ନେଇ ବିଜେଡିରେ ଯୋଗ ଦେଇଥିଲେ ଏବଂ ୨୦୨୪ ନିର୍ବାଚନରେ ଦଳର ନେତୃତ୍ୱ ନେଇଥିଲେ। କିନ୍ତୁ ସେହି ନିର୍ବାଚନରେ ୨୪ବର୍ଷର ଶାସନାଧୀନ ଦଳ ଭାଜପା ଠାରୁ ପରାଜିତ ହୋଇ ଗାଦିଚ୍ୟୁତ ହୋଇଥିଲା।
ପରାଜୟ ପରେ, ପାଣ୍ଡିଆନ ରାଜନୀତିରୁ ସନ୍ୟାସ ନେଇଥିବା ଘୋଷଣା କରିଥିଲେ। ସେ ଏକ ନିର୍ବାଚନୀ ସଭାରେ କହିଥିଲେ ଯେ ଯଦି ବିଜେଡି ନିର୍ବାଚନରେ ହାରିଯାଏ, ତେବେ ସେ ରାଜନୀତି ଛାଡିଦେବେ। ଜୁନ ୨୦୨୪ରେ ଦଳର ପରାଜୟ ପରଠାରୁ ସେ କେବେବି ବିଜେଡି ରାଜ୍ୟ ମୁଖ୍ୟାଳୟ ଶଙ୍ଖ ଭବନ ପରିଦର୍ଶନ କରିନାହାଁନ୍ତି। କିନ୍ତୁ ସେ ନବୀନ ନିବାସରେ ଉପସ୍ଥିତ ରହିବା ଏବଂ ନବୀନ ପଟ୍ଟନାୟକଙ୍କ ପକ୍ଷରୁ ବିଜେଡି ଦଳର କାର୍ଯ୍ୟରେ ହସ୍ତକ୍ଷେପ କରୁଥିବା ଚର୍ଚ୍ଚା ହେଉଥିଲା।
ଏକ ଜାତୀୟ ଗଣମାଧ୍ୟମ ରିପୋର୍ଟ ଅନୁଯାୟୀ, ଗତ ଦୁଇ ଦିନ ଧରି, ପାଣ୍ଡିଆନ ଦଳୀୟ ବିଧାୟକ ଏବଂ ବରିଷ୍ଠ ନେତାମାନଙ୍କୁ ଭେଟି ତାଙ୍କ ମନକଥା ପ୍ରକାଶ କରୁଛନ୍ତି। ପାଣ୍ଡିଆନ ନିକଟରେ ଏକ ଜାତୀୟ ଗଣମାଧ୍ୟମକୁ କହିଛନ୍ତି, ସେ ବିଜେଡି ରାଜନୀତିରେ ଯୋଗଦେବେ ନାହ। ତଥାପି, ସେ ତାଙ୍କର ଈଶ୍ୱର ତୁଲ୍ୟ ମାଲିକ ନବୀନ ପଟ୍ଟନାୟକଙ୍କୁ ଅଣଦେଖା କରିବେ ନାହିଁ।
