ଆଜିକାଲି ସ୍ତ୍ରୀ-ସ୍ବାମୀଙ୍କ ମଧ୍ୟରେ ଝଗଡ଼ା ହେଲେ ସାରା ଦୁନିଆ ଜାଣୁଛି ବା ଦେଖୁଛି। ଦିନ ଥିଲା ଏହି ଘଟଣା ଘରର ଚାରିକାନ୍ଥ ମଧ୍ୟରେ ସୀମିତ ରହୁଥିଲା। ମାତ୍ର ଏବେ ସାମାନ୍ୟ କଳି ହେଲେ ବି ଦାଣ୍ଡରେ ପଡ଼ି ହାଟରେ ଗଡୁଛି। ଏପରି ଏକ ଆଶ୍ଚର୍ଯ୍ୟଜନକ ଭିଡିଓ ଏବେ ସୋସିଆଲ ମିଡିଆରେ ଖୁବ୍ ଭାଇରାଲ ହେଉଛି। ଯେଉଁଥିରେ ସ୍ତ୍ରୀ ଏବଂ ସ୍ବାମୀ ପରସ୍ପର ମଧ୍ୟରେ ଝଗଡ଼ା ଲାଗୁଛନ୍ତି। ଏହା ପରେ ସ୍ତ୍ରୀ ଜଣକ ଉତ୍କ୍ଷିପ୍ତ ହୋଇ ସ୍ବାମୀଙ୍କୁ ଛାତରୁ ତଳକୁ ଠେଲି ଦେଉଛନ୍ତି। ଭିଡିଓ ଦେଖିବା ପରେ ଲୋକଙ୍କ ନିଃଶ୍ୱାସ ବି କିଛି ସମୟ ପାଇଁ ବନ୍ଦ ହୋଇଯାଉଛି।
Me and who?🥰 pic.twitter.com/q1FXBBOSVO
— rareindianclips (@rareindianclips) April 10, 2025
ସାଧାରଣତଃ ଯଦି ଦମ୍ପତିଙ୍କ ମଧ୍ୟରେ ବିବାଦ ବଢ଼ିଯାଏ, ତେବେ ସମ୍ପର୍କରେ ଫାଟ ମଧ୍ୟ ବଢ଼ିଯାଏ, କିନ୍ତୁ ଆଜିକାଲି ଆସିଥିବା ଭିଡିଓଟି ଦେଖିବା ପରେ, ଆପଣ ନିଶ୍ଚିତ ଭାବରେ ହସି ହସି ଗଡ଼ିଯିବେ। ପ୍ରକୃତରେ ଏହି ଭିଡିଓରେ,ସ୍ତ୍ରୀ-ସ୍ବାମୀ ଛାତ ଉପରେ ଝଗଡ଼ା କରୁଥିବାର ଦେଖାଯାଉଛି ଏବଂ ମାମଲା ଏତେ ଉଗ୍ରରୂ ନେଉଛି ଯେ,ସ୍ତ୍ରୀ ତାଙ୍କ ସ୍ବାମୀଙ୍କୁ ଧକ୍କା ମାରି ଠେଲି ଦେଉଛନ୍ତି। କିଛି ଲୋକ ଏହାକୁ ଉପଭୋଗ କରୁଥିବାବେଳେ ଆଉ କିଛି ଲୋକ ଆଶ୍ଚର୍ଯ୍ୟ ହେଉଛନ୍ତି ଯେ, କେଉଁ ସ୍ଥାନରେ ଏପରି ଘଟଣା ଘଟିଛି।
ଭିଡିଓରେ ମହିଳା ଜଣଙ୍କ ସ୍ବାମୀଙ୍କୁ ଠେଲିଦେବା ପରେ ସେ ଏକ ଚାଳିଆ ଛପର ଉପରେ ପଡ଼ି ତଳେ ପଡି ଯାଉଛନ୍ତି। ସୌଭାଗ୍ୟବଶତଃ ସ୍ବାମୀ ଜଣଙ୍କୁ କୁଡ଼ିଆଟି ରକ୍ଷା କରିଦେଇଥିଲା, ନଚେତ୍ ବ୍ୟକ୍ତି ଜଣକ ଗୁରୁତର ହୋଇଥାନ୍ତେ। ଏହି ସମ୍ପୂର୍ଣ୍ଣ ଦୃଶ୍ୟ ପାଖରେ ବସିଥିବା ଜଣେ ବ୍ୟକ୍ତି କ୍ୟାମେରାରେ ରେକର୍ଡ କରିଥିଲେ, ଯାହା ଏବେ ଲୋକଙ୍କ ମଧ୍ୟରେ ଦ୍ରୁତ ଗତିରେ ଭାଇରାଲ ହେଉଛି ଏବଂ ୟୁଜର୍ସମାନେ ଏହାକୁ ବହୁଳ ଭାବରେ ଶେୟାର ମଧ୍ୟ କରୁଛନ୍ତି।
ଏହି ଭିଡିଓଟିକୁ @rareindianclips ନାମକ ଏକ ଆକାଉଣ୍ଟ ଦ୍ୱାରା ଇନ୍ଷ୍ଟାଗ୍ରାମରେ ଶେୟାର କରାଯାଇଛି, ଯାହା ଉପରେ ଲୋକମାନେ ବହୁତ ମନ୍ତବ୍ୟ ଦେଉଛନ୍ତି ଏବଂ ନିଜର ପ୍ରତିକ୍ରିୟା ଦେଉଛନ୍ତି। ଜଣେ ୟୁଜର ଲେଖିଛନ୍ତି, ‘ଏମିତି କିଏ ଲଢ଼େ ଭାଇ?’ ଅନ୍ୟ ଜଣେ ଲେଖିଛନ୍ତି, ଲୋକମାନେ ଏବେ ଲାଇକ ଏବଂ ଭ୍ୟୁ ପାଇଁ ନିଜ ଜୀବନକୁ ବିପଦରେ ପକାଇବାକୁ ପ୍ରସ୍ତୁତ।’ ସେହିପରି ଆଉ ଜଣେ ଲେଖିଛନ୍ତି, ‘ଏହି ଭିଡିଓ ଭାଇରାଲ ହୋଇଛି କିନ୍ତୁ ଏବେ କେହି ଦୟାକରି ମୋତେ କୁହନ୍ତୁ ଯେ, ଏତେ ଭୟଙ୍କର ଝଗଡ଼ା କାହିଁକି ହେଲା।’ଯଦିଓ ଭିଡିଓଟି କେଉଁସ୍ଥାନର ସେ ସମ୍ପର୍କରେ ସୂଚନା ଦିଆଯାଇନାହିଁ ମାତ୍ର ଫୋନ୍କୁ ଫୋନ ଘୂରି ବୁଲୁଛି ଏହି ଭିଡିଓ।
