ଭୂତାଣୁ ରୋକିବା ପାଇଁ ଭାରତରେ ଟିକାକରଣ କାର୍ଯ୍ୟକ୍ରମ ଆରମ୍ଭ ହୋଇଛି। ବର୍ତ୍ତମାନ ୧୮ରୁ ଅଧିକ ବୟସ୍କମାନଙ୍କୁ ଟିକାକରଣ କରାଯାଉଛି। ଭାରତରେ ଦୁଇଟି ଟିକା ଯଥା ପ୍ରଥମ କୋଭାକ୍ସିନ ଏବଂ ଦ୍ୱିତୀୟ କୋଭିଶିଲ୍ଡ ବ୍ୟାପକ ଭାବରେ ପ୍ରୟୋଗ କରାଯାଉଛି। ଲୋକଙ୍କୁ କରୋନା ସଂକ୍ରମଣକୁ ରୋକିବା ପାଇଁ ଏକ ନିର୍ଦ୍ଦିଷ୍ଟ ବ୍ୟବଧାନରେ ଟିକାର ଦୁଇ ଡୋଜ୍ ଦିଆଯାଉଛି। ଏହି ଡୋଜ୍ ମଧ୍ୟରେ ପ୍ରାୟ ୪ରୁ ୬ ସପ୍ତାହ ମଧ୍ୟରେ ପାର୍ଥକ୍ୟ ଅଛି। ଏପରି ପରିସ୍ଥିତିରେ ନିଶ୍ଚିତ ଭାବରେ ଆପଣଙ୍କ ମନରେ ପ୍ରଶ୍ନ ଉଠିପାରେ, କୋଭିଡ ଟିକାର ଦୁଇଟି ଡୋଜ୍ କାହିଁକି ଦିଆଯାଉଛି? ଏହି ଡୋଜ ମଧ୍ୟରେ ଏତେ ଲମ୍ବା ବ୍ୟବଧାନ କାହିଁକି ଅଛି? ତେବେ ଜାଣନ୍ତୁ ଏହା ପଛରେ ଥିବା କାରଣ ସମ୍ପର୍କରେ…
ଏକ ବୈଜ୍ଞାନିକ ଅଧ୍ୟୟନରୁ ଜଣାପଡ଼ିଛି ଯେ, କରୋନା ସଂକ୍ରମଣକୁ ରୋକିବାରେ ପ୍ରଥମ ଡୋଜ୍ ବା ମାତ୍ରା ଅଧିକ ପ୍ରଭାବଶାଳୀ ନୁହେଁ। ଏଥିପାଇଁ ଦୁଇଟି ଟିକା ଆବଶ୍ୟକ। ଯଦିଓ ଟିକାକରଣର ପ୍ରଥମ ମାତ୍ରା ଶରୀରର ସଂକ୍ରମଣ ସହ ଲଢ଼ିବା କ୍ଷମତାକୁ ମଜବୁତ କରିଥାଏ ଏବଂ ଶରୀରକୁ ଭୂତାଣୁ ବିରୋଧରେ ଚେତାବନୀ ଦେଇଥାଏ, ତଥାପି ଏହା ଆବଶ୍ୟକସ୍ଥଳରେ ତାହା କରେ ନାହିଁ। ସେହି ସମୟରେ, ପ୍ରଥମ ମାତ୍ରା ମଧ୍ୟ ଦୀର୍ଘ ସମୟ ପର୍ଯ୍ୟନ୍ତ ପ୍ରଭାବ ପକାଇ ନ ଥାଏ।
ଏହି କାରଣରୁ ଟିକାକରଣର ଦ୍ୱିତୀୟ ଡୋଜ୍ ନିହାତି ଆବଶ୍ୟକ। ଦ୍ୱିତୀୟ ଡୋଜ୍ ଟିକା ଯୋଗୁ ଆମ ଶରୀରରେ ପ୍ରତିରୋଧକ ଶକ୍ତି ପୂର୍ବ ଅପେକ୍ଷା ଅଧିକ ଶକ୍ତିଶାଳୀ ହୁଏ। ଯେତେବେଳେ ଆମ ଶରୀରରେ କରୋନା ଭୂତାଣୁ ପ୍ରବେଶ କରନ୍ତି ସେତେବେଳେ ଶରୀରର ପ୍ରତିରୋଧକ ଶକ୍ତି ଏହା ସହ ମୁକାବିଲା କରିଥାଏ। ଭୂତାଣୁ ଶରୀର ଭିତରକୁ ଯିବା ମାତ୍ରେ ଆମ ଶରୀରର ଆଣ୍ଟିବଡି ତୁରନ୍ତ ଏହାକୁ ନଷ୍ଟ କରିଦିଏ। ଫଳରେ ଭୂତାଣୁ ଆଉ ଶରୀର ଉପରେ କୌଣସି ପ୍ରଭାବ ପକାଇ ପାରନ୍ତି ନାହିଁ।
ଅନେକ ଟିକା ବର୍ତ୍ତମାନ ସାରା ବିଶ୍ୱରେ କରୋନା ଭୂତାଣୁ ଉପରେ କାମ କରୁଛି। ଏହି ଟିକାଗୁଡ଼ିକର ମାତ୍ରା ମଧ୍ୟରେ ବ୍ୟବଧାନ ଭିନ୍ନ ଭିନ୍ନ। ଫାଇଜର ଟିକା ଯେଉଁଠାରେ ଦ୍ୱିତୀୟ ଡୋଜ୍ ନେବାର ୩ ସପ୍ତାହ ବ୍ୟବଧାନ ରହିଛି। ମୋଡର୍ନା ଏବଂ ଆଷ୍ଟ୍ରାଜେନେକା ଟିକାର ଦ୍ୱିତୀୟ ଡୋଜ୍ ବ୍ୟବଧାନ ୪ ସପ୍ତାହ ରହିଛି। ସେହିପରି ରୁଷିଆର ଟିକା ସ୍ପୁଟନିକ୍ର ଦ୍ୱିତୀୟ ଡୋଜ୍ ନେବା ପାଇଁ ବ୍ୟବଧାନ ୨୧ ଦିନ ରହିଛି।
