ସୁଶାନ୍ତ ସିଂ ରାଜପୁତ ଏବଂ ତାଙ୍କ ପୂର୍ବତନ ମ୍ୟାନେଜର ଦିଶା ସାଲିଆନଙ୍କ ମୃତ୍ୟୁ ପରେ ଅଭିନେତା ସୁରଜ ପାଞ୍ଚୋଲିଙ୍କ ନାମ ପୁଣି ଥରେ ଚର୍ଚ୍ଚାକୁ ଆସିଛି। ସୋସିଆଲ ମିଡିଆରେ ଦିଶା ଏବଂ ସୁରଜଙ୍କ ସମ୍ପର୍କ ବିଷୟରେ କାହାଣୀ ଲେଖାଯାଉଛି। ଏହା ସହ ସୁଶାନ୍ତଙ୍କ ସହ ତାଙ୍କର ଝଗଡ଼ା ହୋଇଥିବା ଚର୍ଚ୍ଚା ଚାଲିଛି। ତେବେ ସୁରଜ ଶନିବାର ଏହି ସବୁ ଗୁଜବକୁ ଭିତ୍ତିହୀନ ବୋଲି କହିଛନ୍ତି। ଏହା ସହ ସେ କହିଛନ୍ତି, ସୁଶାନ୍ତଙ୍କ ସହ ତାଙ୍କର କୌଣସି ଝଗଡ଼ା ହୋଇ ନାହିଁ ଏବଂ ସେ ସୁଶାନ୍ତଙ୍କ ପୂର୍ବତନ ମ୍ୟାନେଜର ଦିଶାଙ୍କୁ ମଧ୍ୟ ଜାଣି ନାହାଁନ୍ତି।
କିଛି ଦିନ ଧରି ସୋସିଆଲ ମିଡିଆରେ ଏପରି କିଛି କାହାଣୀ ଶେୟାର କରାଯାଇଥିଲା। ଯେଉଁଥିରୁ ଗୋଟିଏ ସୁରଜ ପଞ୍ଚୋଲି ସହିତ ଜଡିତ। ଏହି ଲେଖାଗୁଡିକରେ କୁହାଯାଉଛି ଯେ, ଯେତେବେଳେ ଦିଶା ସାଲିଆନ ସୋରାଜଙ୍କ ସନ୍ତାନର ମା’ ହେବାକୁ ଯାଉଥିଲେ, ସେତେବେଳେ ତିନି ବର୍ଷ ପୂର୍ବେ ସୁଶାନ୍ତ ଏବଂ ସୁରଜଙ୍କ ମଧ୍ୟରେ ଝଗଡା ହୋଇଥିଲା। ଏହି ପୋଷ୍ଟଗୁଡିକରେ ଏହା ମଧ୍ୟ ଲେଖାଯାଇଛି ଯେ ସୁଶାନ୍ତ ସୁରଜଙ୍କ ଏହି କାର୍ଯ୍ୟକୁ ପ୍ରକାଶ କରିଦେବାକୁ ଚାହୁଁଥିଲେ। ମାତ୍ର ସଲମାନ୍ ଖାନ୍ ସୁରଜଙ୍କୁ ରକ୍ଷା କରିଥିଲେ। ଏହି ସବୁ ଅଭିଯୋଗ ଉପରେ ଚୁପ୍ ରହି ସୁରଜ କହିଛନ୍ତି ଯେ ସୁଶାନ୍ତଙ୍କ ସହ ତାଙ୍କର କୌଣସି ବିତର୍କ ହୋଇ ନାହିଁ ଝଗଡ଼ାତ ଦୂରର କଥା।
ସୁରଜ କହିଛନ୍ତି, ‘ମୁଁ ସୁଶାନ୍ତଙ୍କ ସହ ଜଡିତ ସମସ୍ତ କଥା କହି ସାରିଛି। ସଲମାନ ଖାନ୍ ମୋ ବ୍ୟକ୍ତଗତ ଜୀବନରେ କାହିଁକି ହସ୍ତକ୍ଷେପ କରିବେ? ସେମାନଙ୍କର ଆଉ କିଛି କାମ ନାହିଁ କି? ମୁଁ ଜାଣେ ନାହିଁ ଦିଶା କିଏ। ମୁଁ ମୋର ପୁରା ଜୀବନରେ ତାଙ୍କୁ କେବେବି ଭେଟି ନ ଥିଲି। ସୁଶାନ୍ତଙ୍କ ମୃତ୍ୟୁ ପରେ ମୁଁ ତାଙ୍କ ବିଷୟରେ ଜାଣିବାକୁ ପାଇଲି। ମୋତେ ଏହା ଖରାପ ଲାଗିଲା। କେହି କେହି ତାଙ୍କ ବ୍ୟକ୍ତିଗତ ଫେସବୁକ ପୃଷ୍ଠାରେ ଫିଲ୍ମର ସ୍କ୍ରିପ୍ଟ ପରି ଏହି ସବୁ ଜିନିଷ ଲେଖିଛନ୍ତି ଏବଂ ସମସ୍ତେ ତାଙ୍କୁ ଠିକ୍ ବୋଲି ବିଶ୍ୱାସ କରନ୍ତି।
ସୁରଜ ଏହି ସବୁ ଘଟଣାରେ ଜଡିତ ଥିବା ଦେଖି ତାଙ୍କ ପରିବାର ମଧ୍ୟ ବହୁତ ଅସନ୍ତୋଷ ପ୍ରକାଶ କରିଛନ୍ତି। ସୁରଜଙ୍କ ପିତା ଆଦିତ୍ୟ ପାଞ୍ଚୋଲି କୁହିଛନ୍ତି ‘ମୋ ପୁଅକୁ ଏହି ସବୁ ଜିନିଷ ଭିତରକୁ କାହିଁକି ଟଣା ଯାଉଛି? ଦିନେ ନା ଦିନେ ସତ୍ୟ ସାମ୍ନାକୁ ଆସିବ। ମାତ୍ର କାଲି ଯଦି ମୋ ପୁଅ କିଛି କରେ, ତେବେ ଏଥିପାଇଁ କିଏ ଦାୟୀ ରହିବ?
ସୁରଜ ଏହା ମଧ୍ୟ କହିଛନ୍ତି, ‘ଭାବୁଥିଲେ ଯଦି ମୁଁ ଏହି ବିଷୟରେ ମୋର ସ୍ପଷ୍ଟୀକରଣ ଦେବି, ତେବେ ବୋଧହୁଏ ସବୁ ଜିନିଷ ସଫା ହୋଇଯିବ। ଆମେ ଦୁହେଁ ବାନ୍ଦ୍ରାରେ ବନ୍ଧୁଙ୍କ ସହ ରାତି ଭୋଜନରେ ଦେଖା ହୋଇଥିଲୁ। ସେଠାରେ ଆମେ କିଛି ବିଚିତ୍ର ଚିତ୍ର ଉଠାଇଥିଲୁ ଯେପରି ଆମେ ପରସ୍ପର ସହ ଝଗଡ଼ା କରୁଥିଲୁ। ଆମେ ଦୁହେଁ ପରସ୍ପରର ନମ୍ବର ଆଣିଥିଲୁ । ତାଙ୍କ ଫିଲ୍ମର ସ୍କ୍ରିନିଂ ପାଇଁ ସେ ମୋତେ ଡାଥିକିଲେ ଏବଂ ମୁଁ ନିଜେ ‘ରାବତା’ର ସ୍କ୍ରିନିଂକୁ ଯାଇଥିଲି। ମୋଟ ଉପରେ ଆମେ ଚାରିରୁ ପାଞ୍ଚଥର ସାକ୍ଷାତ କରିଛୁ।
