ଆପଣଙ୍କ ମନରେ କେବେ ପ୍ରଶ୍ନ ଉଠିଛି କି କାହିଁକି ମହିଳାଙ୍କ ଡ୍ରେସ୍ର ବଟନ୍ ଡାହାଣ ପଟରେ ନ ଥାଇ ବାମ ପଟରେ ରହିଥାଏ? ଯଦି ଧ୍ୟାନ ଦେଇନାହାନ୍ତି, ତେବେ ନିଶ୍ଚିତ ଧ୍ୟାନ ଦିଅନ୍ତୁ।
ମହିଳା ଏବଂ ପୁରୁଷ ଡ୍ରେସ୍ର ବଟନ୍ଗୁଡିକ ଭିନ୍ନ ଭିନ୍ନ ପାର୍ଶ୍ୱରେ ଥିବା ବିଷୟରେ ଅନେକ ଯୁକ୍ତି ଅଛି। ବଟନ ଖୋଲିବା କିମ୍ବା ବନ୍ଦ କରିବା ପାଇଁ ପୁରୁଷମାନଙ୍କୁ ବାମ ହାତ ବ୍ୟବହାର କରିବାକୁ ପଡ଼ିଥାଏ। ତେଣୁ ସେମାନଙ୍କର ଶର୍ଟର ଡାହାଣ ପାର୍ଶ୍ୱରେ ବଟନ୍ ଅଛି। ଅନ୍ୟ ପଟେ ମହିଳାମାନଙ୍କ କ୍ଷେତ୍ରରେ ଏହା ଓଲଟା ହୋଇଥାଏ। ମହିଳାଙ୍କ ଡ୍ରେସ୍ର ବଟନ ବାମ ପାର୍ଶ୍ୱରେ ଥାଏ।
ଡ୍ରେସ୍ ବଟନ ପାର୍ଶ୍ୱକୁ ପୃଥକ୍ କରିବା ପଛରେ ଏକ କାରଣ ମଧ୍ୟ ଅଛି। ପୁରାତନ କାଳରେ ମହିଳାମାନେ ଘୋଡ଼ା ଚଲାଉଥିଲେ ଏବଂ ଏହିପରି ଭାବରେ ସେମାନେ ବାମ ପାର୍ଶ୍ୱରେ ବଟନ ଥିବା ଶର୍ଟ ପିନ୍ଧୁଥିଲେ। ଫଳରେ ପବନ ହେତୁ ସେମାନଙ୍କ ଶର୍ଟ ଖୋଲି ନ ଥାଏ। ସେହି ଦିନଠାରୁ ଏହି ଧାରଣା ଅକ୍ଷୁଣ୍ଣ ରହିଛି। ଡ୍ରେସ୍ ନିର୍ମାତାମାନେ ଏହିପରି ଶର୍ଟ ତିଆରି କରିବା ଆରମ୍ଭ କଲେ।
ଏହା ମଧ୍ୟ କୁହାଯାଏ ଯେ, ପୁରୁଷମାନେ ଡାହାଣ ହାତରେ ଖଣ୍ଡା ଧରୁଥିବା ବେଳେ ମହିଳାମାନେ ବାମ ହାତକୁ ସହଜରେ ନିଜ ପିଲାମାନଙ୍କୁ କୋଳକୁ ନେଇ ଯାଉଥିଲେ। ଏପରି ପରିସ୍ଥିତିରେ ମହିଳାଙ୍କ ଡ୍ରେସ୍ର ବଟନ୍ ବାମ ପାର୍ଶ୍ୱରେ ରଖାଯାଉଥିଲା। ଏହାଦ୍ୱାରା ସେମାନେ ଏହାକୁ ଡାହାଣ ହାତରେ ସହଜରେ ଖୋଲି ଶିଶୁକୁ ସ୍ତନ୍ୟପାନ ବି କରାଇ ପାରିବେ।
