ଅନେକ ଝିଅ ରିଲେସନଶିପ ବା ବିବାହ ପରେ ଓଜନ ବୃଦ୍ଧି ହେବାର ସମସ୍ୟାର ସମ୍ମୁଖୀନ ହୁଅନ୍ତି। ଏହା ଏକ ସାଧାରଣ ଘଟଣା ହେଲେ ମଧ୍ୟ ଏହାର ପଛରେ ଥାଏ କିଛି ବୈଜ୍ଞାନିକ ଓ ଜୀବନଶୈଳୀ ସମ୍ବନ୍ଧୀୟ କାରଣ। ଆସନ୍ତୁ ଜାଣିବା ଏହାର ପ୍ରମୁଖ କାରଣଗୁଡିକ କ’ଣ?
ଜୀବନଶୈଳୀରେ ପରିବର୍ତ୍ତନ:
ରିଲେସନଶିପ ବା ବିବାହ ପରେ ଝିଅମାନଙ୍କ ଜୀବନଶୈଳୀରେ ବ ପରିବର୍ତ୍ତନ ହୁଏ। ପୂର୍ବରୁ ସେମାନେ ନିଜର ଫିଟନେସ ଓ ରୂପ ପ୍ରତି ଅଧିକ ଧ୍ୟାନ ଦେଉଥିଲେ, କିନ୍ତୁ ବିବାହ ପରେ ନୂଆ ଦାୟିତ୍ୱ ଓ ପରିବାର ପ୍ରତି ଧ୍ୟାନ ଯୋଗୁଁ ନିଜ ଯତ୍ନ ନେବା ପାଇଁ ସମୟ କମିଯାଏ। ଏହା ଓଜନ ବୃଦ୍ଧିର ଏକ ପ୍ରମୁଖ କାରଣ।
ହରମୋନ ପରିବର୍ତ୍ତନ:
ବିବାହ ବା ରିଲେସନଶିପ ପରେ ଶାରୀରିକ ଓ ମାନସିକ ପରିବର୍ତ୍ତନ ଯୋଗୁଁ ହରମୋନରେ ଅସ୍ଥିରତା ଦେଖାଦିଏ। ଏହା ମେଟାବୋଲିଜମକୁ ପ୍ରଭାବିତ କରି ଓଜନ ବାଇପାରେ। ବିଶେଷକରି ୩୦ ବର୍ଷ ବୟସ ପରେ ମେଟାବୋଲିକ ରେଟ କମିଯାଏ, ଯାହା ଓଜନ ବୃଦ୍ଧିରେ ସହାୟକ ହୁଏ।
ଖାଦ୍ୟାଭ୍ୟାସରେ ପରିବର୍ତ୍ତନ:
ରିଲେସନଶିପରେ ଥିବା ଝିଅମାନେ ପ୍ରାୟତଃ ପାର୍ଟନରଙ୍କ ସହିତ ଖାଦ୍ୟ ଖାଇବାକୁ ପସନ୍ଦ କରନ୍ତି। ଏହା ସହିତ ପାର୍ଟି, ଉତ୍ସବ ଓ ପାରିବାରିକ ଜମାହେଳାରେ ଅଧିକ କ୍ୟାଲୋରୀ ଯୁକ୍ତ ଖାଦ୍ୟ ଖିଆଯାଏ, ଯାହା ଓଜନ ବଢାଇଥାଏ।
ମାନସିକ ଚାପ:
ନୂଆ ସମ୍ପର୍କ ବା ବିବାହ ପରେ ଝିଅମାନେ ନୂଆ ଦାୟିତ୍ୱ ଓ ପରିବାରର ଆଶା ପୂରଣ କରିବାକୁ ଚାପରେ ରହିଥାନ୍ତି। ଏହି ମାନସିକ ଚାପ ଅନିୟମିତ ଖାଦ୍ୟାଭ୍ୟାସ ଓ ଅସୁସ୍ଥ ଖାଦ୍ୟ ସେବନକୁ ପ୍ରୋତ୍ସାହିତ କରିଥାଏ, ଯାହା ଓଜନ ବୃଦ୍ଧିର କାରଣ ହୁଏ।
ଅନିୟମିତ ନିଦ୍ରା:
ରିଲେସନଶିପ ବା ବିବାହ ପରେ ଝିଅମାନଙ୍କ ନିଦ୍ରା ଅନିୟମିତ ହୋଇପାରେ। ପର୍ଯ୍ୟାପ୍ତ ନିଦ୍ରାର ଅଭାବ ମେଟାବୋଲିଜମକୁ ଧୀମା କରି ଓଜନ ବାଇଥାଏ।
