ଟୋକିଓ ଅଲିମ୍ପିକ୍ସରେ ସ୍ବର୍ଣ୍ଣ ପଦକ ଜିତି ଭାରତ ପାଇଁ ଗୌରବ ଆଣିଛନ୍ତି ନୀରଜ ଚୋପ୍ରା। ସ୍ବର୍ଣ୍ଣ ପଦକ ଜିତିବା ପରଠାରୁ ସେ ନିରନ୍ତର ଚର୍ଚ୍ଚାରେ ରହୁଛନ୍ତି। ଟୋକିଓ ଅଲିମ୍ପିକ୍ସରେ ଜାଭେଲିନ ଥ୍ରୋରେ ସ୍ବର୍ଣ୍ଣ ପଦକ ଜିତିଥିବାରୁ ଦେଶର ପ୍ରତ୍ୟେକ ବ୍ୟକ୍ତି ତାଙ୍କ ପାଇଁ ଗର୍ବିତ। ତାଙ୍କର ଏହି ବିଜୟ ଭାରତ ପାଇଁ ବହୁତ ଖୁସି ଆଣିଦେଇଛି। ଏଥିସହ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କଠାରୁ ଆରମ୍ଭ କରି ବଲିଉଡ ତାରକାମାନେ ମଧ୍ୟ ନୀରଜଙ୍କୁ ଅଭିନନ୍ଦନ ଜଣାଇଛନ୍ତି।
ହରିୟାଣାର ପାନିପତର ଏକ ଛୋଟ ଗାଁରୁ ଆସି ନୀରଜ ଆଜି ଦେଶର ସବୁଠାରୁ ପ୍ରିୟ ବ୍ୟକ୍ତି ହୋଇପାରିଛନ୍ତି। ସୋସିଆଲ ମିଡିଆରେ ତାଙ୍କ ନାମ ପ୍ରତିଧ୍ୱନିତ ହେଉଛି। ସମସ୍ତେ ତାଙ୍କ ବିଷୟରେ ଅଧିକରୁ ଅଧିକ ଜାଣିବାକୁ ଚାହୁଁଛନ୍ତି। ତେବେ ନୀରଜ ବଲିଉଡର ସର୍ବୋତ୍ତମ ତାରକା କାହାକୁ ଭାବନ୍ତି ବୋଲି ଜାଣିବାକୁ ମିଳିଛି। ଏଥିସହ, ଯଦି ତାଙ୍କ ବାୟୋପିକ ଉପରେ କୌଣସି ଫିଲ୍ମ ନିର୍ମାଣ କରାଯାଏ ତେବେ ତାଙ୍କ ଭୂମିକାରେ କେଉଁ ଅଭିନେତାଙ୍କୁ ଦେଖିବାକୁ ଚାହିଁବେ।
ଗତ କିଛି ବର୍ଷ ଧରି ବଲିଉଡରେ ବାୟୋପିକ ଉପରେ ଚଳଚ୍ଚିତ୍ର ନିର୍ମାଣ କରାଯାଉଛି । ଏଥି ସହିତ, ଚଳଚ୍ଚିତ୍ର ମାଧ୍ୟମରେ, ଲୋକମାନେ କ୍ରୀଡ଼ାବିତ୍ ଏବଂ ଅନ୍ୟ ବିଦ୍ୱାନ ବ୍ୟକ୍ତିଙ୍କ ଜୀବନ ବିଷୟରେ ଜାଣିପାରୁଛନ୍ତି। ବର୍ତ୍ତମାନ ନୀରଜ ସ୍ବର୍ଣ୍ଣ ଜିତିବା ପରେ ସୋସିଆଲ ମିଡିଆରେ କୁହାଯାଇଛି ଯେ, ଅନେକ ଅଭିନେତା ତାଙ୍କ ବାୟୋପିକ ପାଇଁ ପ୍ରସ୍ତୁତି ଆରମ୍ଭ କରିଥିବେ।
ନୀରଜ ଚୋପ୍ରାଙ୍କ କିଛି ପୁରୁଣା ସାକ୍ଷାତକାର ଭାଇରାଲ ହେଉଛି। ୨୦୧୮ ମସିହାରେ ଏକ ସାକ୍ଷାତକାରରେ ନୀରଜଙ୍କୁ ପଚରାଯାଇଥିଲା ଯେ, ଯଦି ଜାଭେଲିନ ଉପରେ ଏକ ଫିଲ୍ମ ନିର୍ମାଣ କରାଯାଏ ତେବେ କେଉଁ ଅଭିନେତା ତାଙ୍କ ଚରିତ୍ରକୁ ଭଲ ଭାବରେ ଅଭିନୟ କରିପାରିବେ? ଏହା ଉପରେ ନୀରଜ କହିଥିଲେ, ‘ଯଦି ଏହା ଘଟେ ତେବେ ଏହା ବହୁତ ଭଲ କଥା। ତେବେ ସେ ହରିୟାଣାର ରଣଦୀପ ହୁଡାଙ୍କୁ ପସନ୍ଦ କରନ୍ତି। ଏହା ବ୍ୟତୀତ ଅକ୍ଷୟ କୁମାର ମଧ୍ୟ ତାଙ୍କୁ ବହୁତ ପସନ୍ଦ । ’ତେବେ ନୀରଜଙ୍କ ବିଜୟରେ ତାଙ୍କର ପ୍ରିୟ ଅଭିନେତା ମଧ୍ୟ ତାଙ୍କୁ ଅଶେଷ ଅଭିନନ୍ଦନ ଜଣାଇଛନ୍ତି।
