ତରବୋଡ/ନୂଆପଡା ଅଫିସ, ୮।୨: କଥାରେ ଅଛି ରଖିଲେ ଶିବ ମାରିବ କିଏ। ନୂଆପଡ଼ା ଜିଲା ଟାନୱାଟରେ ସୋମବାର ଏକ ଦୁର୍ଘଟଣା ଘଟିଛି ଯାହାକୁ ଦେଖି ଅଞ୍ଚଳବାସୀ ଏହା କହୁଛନ୍ତି। ମହୁଲଭଟା ଗାଁର ବିଶାଳ ବାଗ ରାସ୍ତାରେ ଯାଉଥିବା ବେଳେ ପାର୍ଶ୍ୱରେ ପୋତା ହୋଇଥିବା କାଠ ଖୁଣ୍ଟ ଉପରେ ପଡି ଯାଇଥିଲେ। ଫଳରେ ଏକ କାଠ ତାଙ୍କ ତଣ୍ଟିରେ ପଶି ପାଟିପଟେ ବାହାରି ପଡିଥିଲା। ଖବର ପାଇ ପରିବାର ଲୋକେ ତାଙ୍କୁ ଉଦ୍ଧାର କରିବାକୁ ଚେଷ୍ଟା କରିଥିଲେ। ହେଲେ ଏଥିରେ ସକ୍ଷମ ହୋଇ ନ ଥିଲେ। ଅଗ୍ନିଶମ ବିଭାଗ ପହଞ୍ଚି ତାଙ୍କୁ ଉଦ୍ଧାର କରି ଚିକିତ୍ସା ପାଇଁ ନୂଆପଡ଼ା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରିଥିଲେ। ସେଠାରୁ ତାଙ୍କୁ ବୁର୍ଲା ମେଡିକାଲକୁ ସ୍ଥାନାନ୍ତର କରାଯାଇଛି।
