ଦିଗପହଣ୍ଡି,୩୦।୮(ଅଶେଷ ନାଥ ମିଶ୍ର): ଦିଗପହଣ୍ଡି ସହରର ଆରାଧ୍ୟା ଦେବୀ ମା’ ବୁଢ଼ୀ ଠାକୁରାଣୀଙ୍କ ଶାରଦୀୟ ଯାତ୍ରା ପରିଚାଳନା ପାଇଁ ଏକ କମିଟି ଗଠିତ ହୋଇଯାଇଛି। ମା’ ବୁଢ଼ୀ ଠାକୁରାଣୀଙ୍କ ମନ୍ଦିର ପ୍ରାଙ୍ଗଣରେ ଶିବ ଶଙ୍କର ମହାଙ୍କୁଡଙ୍କ ସଭାପତିତ୍ୱରେ ଅନୁଷ୍ଠିତ ବୈଠକରେ ଆଇନଜୀବି ବିକାଶ ପଶୁପାଳକଙ୍କୁ ସର୍ବସମ୍ମତି କ୍ରମେ ସଭାପତି ମନୋନୀତ କରାଯାଇଥିବା ବେଳେ ଏ. ସୁଶାନ୍ତ ଉପସଭାପତି, ବିଚିତ୍ରାନନ୍ଦ ପଟ୍ଟନାୟକ ସମ୍ପାଦକ, କାଉନସିଲର ଦୀପକ କୁମାର ମିଶ୍ର ସହସମ୍ପାଦକ, ଆଶିଷ କୁମାର ପଟ୍ଟନାୟକ କୋଷାଧ୍ୟକ୍ଷ, କେ. ରାଜେନ୍ଦ୍ର ସହକୋଷାଧ୍ୟକ୍ଷ ଏବଂ ସତ୍ୟ ନାରାୟଣ ଦାଶଙ୍କୁ ପରିମଳ ବ୍ୟବସ୍ଥା ପରିଚାଳନା ମୂଖ୍ୟ ଭାବେ ମନୋନୀତ କରାଯାଇଛି। ସେହିଭଳି ଏନଏସି ନଗରପାଳ ପ୍ରଫୁଲ୍ଲ ପଣ୍ଡା କମିଟିର ମୂଖ୍ୟ ଉପଦେଷ୍ଟା ଏବଂ ଓକିଲ ସଂଘର ପୂର୍ବତନ ସଭାପତି ହରପ୍ରସାଦ ରଥ ଆଇନ ପରାମର୍ଶଦାତା ରହିଥିବା ବେଳେ ଶିବଶଙ୍କର ମହାଙ୍କୁଡ, ଏ. ଗୋବିନ୍ଦ , କୁରେଶୁ ମହାରଣା, ପ୍ରଦୀପ କୁମାର ପଣ୍ଡା, କାଉନସିଲର ନୀଳମାଧବ ଗୌଡ, ସୁଶାନ୍ତ କୁମାର ପାତ୍ର, ରବୀନ୍ଦ୍ର କୁମାର ମାର୍ଥା, କେ. କୁନା ଏବଂ ଦୁର୍ଗା ମେକାପଙ୍କୁ ନେଇ ଏକ ଉପଦେଷ୍ଟା ମଣ୍ଡଳୀ ମଧ୍ୟ ଗଠନ କରାଯାଇଛି। ଏହିଯାତ୍ରା ସେପ୍ଟେମ୍ବର ୨୯ରୁ ଆରମ୍ଭ ହେବାକୁ ଥିବାବେଳେ ଆସନ୍ତା ସେପ୍ଟେମ୍ବର ୪ ତାରିଖ ରାତିରେ ମନ୍ଦିର ପରିସରରୁ ପ୍ରତିବର୍ଷ ଭଳି ଅସ୍ଥାୟୀ ଯାତ୍ରା ପୀଠକୁ ଶୁଭଖୁଣ୍ଟି ଅଣାଯିବ ବୋଲି ମୁଖ୍ୟ ପୁରୋହିତ ପଣ୍ଡିତ ସନାତନ ରଥଙ୍କ ଠାରୁ ଜଣାପଡିଛି।
