ମାସ୍କ ଚେକିଂ ବେଳେ ପୋଲିସକୁ ଦୁର୍ବ୍ୟବହାର, ଯୁବକ ଅଟକ
8:36 amApril 10, 2021April 10, 2021 / 21

ଭଦ୍ରକ ଅଫିସ,୧୦।୪-ଏବେ କରୋନା ସଂକ୍ରମଣ ବୃଦ୍ଧି ପାଇବାରେ ଲାଗିଛି। ଏହାକୁ ଦୃଷ୍ଟିରେ ରଖି ଭଦ୍ରକ ସହରରେ ମାସ୍କ ଚେକିଂ ଜୋରଦାର କରିଛି ପୋଲିସ। ଶୁକ୍ରବାର ମାସ୍କ ଚେକିଂ ବେଳେ ଟାଉନ ପୋଲିସକୁ ଦୁର୍ବ୍ୟବହାର ଅଭିଯୋଗରେ ଜଣେ ଯୁବକଙ୍କୁ ଥାନାରେ ଅଟକ ରଖାଯାଇଛି।
ସୂଚନା ଅନୁଯାୟୀ, କରୋନା ପାଇଁ ଭଦ୍ରକ ଟାଉନ ପୋଲିସ ପକ୍ଷରୁ ସାରା ସହରରେ କଡ଼ାକଡ଼ି ଚେକିଂ କରାଯାଉଛି। ଯେଉଁମାନେ କୋଭିଡ୍‌ ନିୟମ ଉଲ୍ଲଂଘନ କରୁଛନ୍ତି, ସେମାନଙ୍କ ଉପରେ ଦୃଢ଼ କାର୍ଯ୍ୟାନୁଷ୍ଠାନ ନେଉଛି ପୋଲିସ। ଶୁକ୍ରବାର ଭଦ୍ରକ ଅପର୍ତ୍ତିବିନ୍ଧା ଛକ ନିକଟରେ ପୋଲିସ ଚେକିଂ କରୁଥିଲା। ଏହି ସମୟରେ ସନ୍ଥିଆ ହବିବନଗରର ସମ୍ପୃକ୍ତ ଯୁବକ ବଜାରରୁ କିଛି ସାମଗ୍ରୀ କିଣି ଘରକୁ ଫେରୁଥିଲେ। ମୁହଁରେ ମାସ୍କ ନ ଥିବାରୁ ପୋଲିସ ତାଙ୍କୁ ଅଟକାଇବାରୁ ସେ ଦୁର୍ବ୍ୟବହାର କରିଥିଲେ। ଏପରିକି ପୋଲିସ ଓ ଯୁବକଙ୍କ ମଧ୍ୟରେ କିଛି ସମୟ ଧରି ଠେଲାପେଲା ହୋଇଥିଲା। ପରେ ପୋଲିସ ତାଙ୍କୁ ଥାନାକୁ ନେଇ ଅଟକ ରଖି ତଦନ୍ତ ଚଳାଇଛି।