ମଦୁରାଇ: କଥାରେ ଅଛି ପ୍ରେମ ଶାଶ୍ୱତ, ସୁନ୍ଦର। ଆଜିର ଅତ୍ୟାଧୁନିକ ଯୁଗରେ ଯେଉଁଠି ମଣିଷମାନେ ସମ୍ପର୍କକୁ ସେତେଟା ଗୁରୁତ୍ୱ ଦେଉନାହାନ୍ତି ସେଠାରେ ପଶୁପକ୍ଷୀମାନେ ନିଆରା ଉଦାହରଣ ସୃଷ୍ଟି କରୁଛନ୍ତି। ଏଭଳି ଏକ ଭିଡିଓ ସୋସିଆଲ ମିଡିଆରେ ସମସ୍ତଙ୍କ ଦୃଷ୍ଟି ଆକର୍ଷଣ କରିବା ସହ ଭାଇରାଲ ହେଉଛି। ତାମିଲନାଡ଼ୁର ମଦୁରାଇରେ ଷଣ୍ଢ-ଗାଈ ମଧ୍ୟରେ ଥିବା ଭଲପାଇବାକୁ ଯେକେହି ଦେଖିବା ପରେ ଘଡ଼ିଏ ଭାବିବାକୁ ବାଧ୍ୟ ହେଉଛି।
ଘଟଣାଟି ଏପରି। କରୋନା ସଂକଟକୁ ନେଇ ସାରା ଭାରତରେ ଲକ୍ଡାଉନ୍ ସ୍ଥିତି ଜାରି ରହିଛି। ଏହାକୁ ନେଇ ସାଧାରଣଲୋକଙ୍କ ଆର୍ଥିକ ସ୍ଥିତି ଦୁର୍ବଳ ହୋଇଯାଇଛି। ଫଳରେ ମଦୁରାଇ ପାଲାମେଡୁ ଅଞ୍ଚଳର ଜଣେ ଚାଷୀ ପାଳିଥିବା ଗାଈକୁ ୨୦,୦୦୦ ଟଙ୍କାରେ ବିକ୍ରି କରିଦେଇଥିଲେ। ଗାଈକୁ ନେବା ପାଇଁ ନୂଆ ମାଲିକ ମିନି ଟ୍ରକ ଆଣି ଆସିଥିଲେ। ଏହି ସମୟରେ ଏକ ଷଣ୍ଡ ତାଙ୍କୁ ଅଟକାଇଥିଲା। କିଛି ସମୟ ପରେ ଗାଡ଼ିଟି ଚାଲି ଯାଉଥିବା ଦେଖି ଷଣ୍ଢଟି ୧ କିମି ପର୍ଯ୍ୟନ୍ତ ତାର ପିଛା କରିଥିଲା।
ଏହି ଘଟଣାର ଏକ ଭିଡିଓ ଜଣେ ବ୍ୟକ୍ତି ସୋସିଆଲ ମିଡିଆରେ ପୋଷ୍ଟ କରିବା ପରେ ଭିଡିଓଟି ଭାଇରାଲ ହୋଇଥିଲା। ତାମିଲନାଡ଼ୁ ଉପମୁଖ୍ୟମନ୍ତ୍ରୀ ଓ ପନ୍ନିରସେଲଭମଙ୍କ ପୁଅ ଓପି ଜୟପ୍ରଦୀପ ଘଟଣା ବିଷୟରେ ଜାଣିବାକୁ ପାଇଥିଲେ। ଏହାପରେ ସେ ଗାଈକୁ କିଣିଥିବା ଲୋକଙ୍କ ପାଖରେ ପହଞ୍ଚିଥିଲେ। ସେଠାରୁ ପୁଣିଥରେ ଗାଈଟିକୁ ଆଣି ପୁରୁଣା ମାଲିକଙ୍କୁ ଦେଇଥିବା ଜଣାପଡ଼ିଛି। ତେବେ ଉଭୟ ଷଣ୍ଡ ଏବଂ ଗାଈ ସାଙ୍ଗ ହୋଇ ରହୁଥିଲେ। ଏପରିସ୍ଥଳେ ଗାଇକୁ ଦୂରକୁ ଯାଉଥିବା ଦେଖି ଷଣ୍ଢଟି ସହିପାରି ନ ଥିବା ସେ କହିଛନ୍ତି।
Very Touching, they have also feeling like us, Glad they again United😊 pic.twitter.com/XAtVL0ej1Y
— Akshay Singh (@iakshaysinghel) July 15, 2020
