ମୁମ୍ବାଇ:ବଲିଉଡ୍ର ଜଣାଶୁଣା ଅଭିନେତ୍ରୀ ମଧ୍ୟରୁ କାଜଲ ଅନ୍ୟତମ। ସେ ଇଣ୍ଡଷ୍ଟ୍ରିକୁ ଅନେକ ହିଟ୍ ଫିଲ୍ମ ଦେଇଛନ୍ତି। ତେବେ ଆଜି କାଜଲ ତାଙ୍କର ୪୮ତମ ଜନ୍ମଦିନ ପାଳନ କରୁଛନ୍ତି। ଅନେକ ତାଙ୍କ ଜନ୍ମ ଦିନର ଶୁଭେଚ୍ଛା ଜଣାଉଛନ୍ତି। ଏହା ସହିତ କାଜଲଙ୍କ ସ୍ବାମୀ ତଥା ଅଭିନେତା ଅଜୟ ଦେବଗନ ମଧ୍ୟ ଭିନ୍ନ ଅନ୍ଦାଜରେ ଶୁଭେଚ୍ଛା ଜଣାଇଛନ୍ତି। ଅଭିନେତା ଇନଷ୍ଟାଗ୍ରାମରେ ରାତି ୧୨ଟା ସମୟରେ ଏକ ସୁନ୍ଦର ଭିଡିଓ ଶେୟାର କରିଛନ୍ତି। ସେହି ଭିଡିଓରେ ଦେଖିବାକୁ ମିଳୁଛି ଯେ, ଏକ ମୋବାଇଲକୁ କାଜଲଙ୍କ ଫୋନ ଆସୁଛି ତା’ପରେ କଲ୍୍କୁ ରିସିଭ୍ କରିବା ପରେ ହଠାତ୍ କାଜଲଙ୍କ ଅନେକ ଫଟୋ ଦେଖିବାକୁ ମିଳୁଛି । ଏହି ଫଟୋ ଗୁଡ଼ିକରେ ଅଭିନେତ୍ରୀ ଏକ ଲାଲ ରଙ୍ଗର ଡ୍ରେସ୍ରେ ବହୁତ ସୁନ୍ଦର ଦେଖାଯାଉଛନ୍ତି। ତେବେ ଭିଡିଓଟି ଶେୟାର କରି ଅଜୟ କ୍ୟାପସନ୍ରେ ଲେଖିଛନ୍ତି, ଯେତେବେଳେ ସେ କଲ୍ କରନ୍ତି, ଫୋନ୍ ଉଠାଇବାକୁ ମୁଁ କେବେ ବିଫଳ ହୁଏ ନାହିଁ। ଅଜୟଙ୍କ ଏହି ପୋଷ୍ଟକୁ ପ୍ରଶଂସକମାନେ ବହୁତ ପସନ୍ଦ କରିଛନ୍ତି ।
