ନୂଆଦିଲ୍ଲୀ,୧୭ା୧୨: ଯଦି ଉଚ୍ଚ ଟ୍ରାଇଗ୍ଲିସେରାଇଡ୍ ସମସ୍ୟାର ତୁରନ୍ତ ସମାଧାନ କରାନଯାଏ, ତେବେ ଗମ୍ଭୀର ଏବଂ ମାରାତ୍ମକ ହୃଦରୋଗର ଆଶଙ୍କା ବହୁଗୁଣିତ ହୋଇପାରେ। ଉଚ୍ଚ ଟ୍ରାଇଗ୍ଲିସେରାଇଡ୍ ହ୍ରାସ କରିବା ପାଇଁ ଖାଦ୍ୟରେ କିଛି ପୁଷ୍ଟିକର ଯୁକ୍ତ ଖାଦ୍ୟ ଅନ୍ତର୍ଭୁକ୍ତ କରିପାରିବେ। ସ୍ୱାସ୍ଥ୍ୟ ବିଶେଷଜ୍ଞଙ୍କ ଅନୁଯାୟୀ, ଯଦି ସଠିକ ପରିମାଣରେ ଏବଂ ସଠିକ୍ ଉପାୟରେ ଆପଣଙ୍କ ଖାଦ୍ୟ ଯୋଜନାରେ କିଛି ସୁପରଫୁଡ୍ ଅନ୍ତର୍ଭୁକ୍ତ କରନ୍ତି, ତେବେ ଉଚ୍ଚ ଟ୍ରାଇଗ୍ଲିସେରାଇଡ୍ ସମସ୍ୟାକୁ ଦୂର କରାଯାଇପାରିବ।
ଚଣା ଏବଂ ମସୁର ଡ଼ାଲି – ଚଣାରେ ଥିବା ବିଭିନ୍ନ ପୋଷକ ତତ୍ତ୍ୱ ଟ୍ରାଇଗ୍ଲିସେରାଇଡକୁ ନିୟନ୍ତ୍ରଣ କରିବାରେ ପ୍ରଭାବଶାଳୀ ହୋଇପାରେ। ଉଚ୍ଚ ଟ୍ରାଇଗ୍ଲିସେରାଇଡ୍ ହ୍ରାସ କରିବା ପାଇଁ ମସୁର ଡାଲିକୁ ମଧ୍ୟ ବହୁତ ଲାଭଦାୟକ ବୋଲି ବିବେଚନା କରାଯାଏ। ମସୁୁରଡାଲିରେ ଅଧିକ ପରିମାଣର ପ୍ରୋଟିନ୍ ଏବଂ ଫାଇବର ଥାଏ। ପାଳଙ୍ଗ ଏବଂ ଓକରା ପରି ପନିପରିବା ମଧ୍ୟ ଏହି ସମସ୍ୟାକୁ ଦୂର କରିବାରେ ସହାୟକ ହୋଇପାରେ।
ଉପକାରୀ ଶୁଖିଲା ଫଳ – ଶୁଖିଲା ଫଳ ଆପଣଙ୍କ ସାମଗ୍ରିକ ସ୍ୱାସ୍ଥ୍ୟ ଉପରେ ସକାରାତ୍ମକ ପ୍ରଭାବ ପକାଇପାରେ। ପୁଷ୍ଟିକର ବାଦାମ ଟ୍ରାଇଗ୍ଲିସେରାଇଡ୍ ହ୍ରାସ କରିବାରେ ପ୍ରଭାବଶାଳୀ ହୋଇପାରେ। ଦୈନନ୍ଦିନ ଖାଦ୍ୟରେ ଓଟ୍ସ ମଧ୍ୟ ଅନ୍ତର୍ଭୁକ୍ତ କରିପାରିବେ। ଟ୍ରାଇଗ୍ଲିସେରାଇଡ୍ ନିୟନ୍ତ୍ରଣ କରିବାକୁ ସୀମିତ ପରିମାଣରେ ଅଳସୀ ବିହନ ମଧ୍ୟ ଖାଇବା ଆରମ୍ଭ କରିପାରିବେ।
ହଳଦୀ ଏବଂ ମେଥି – ଔଷଧୀୟ ଗୁଣରେ ଭରପୂର ହଳଦୀ ଟ୍ରାଇଗ୍ଲିସେରାଇଡ୍ ହ୍ରାସ କରିବାକୁ ବ୍ୟବହାର କରାଯାଇପାରିବ। ହଳଦୀକୁ ହୃଦୟ ସ୍ୱାସ୍ଥ୍ୟ ପାଇଁ ମଧ୍ୟ ବହୁତ ଲାଭଦାୟକ ବୋଲି ବିବେଚନା କରାଯାଏ। ଭିଜା, ଫାଇବର ଯୁକ୍ତ ମେଥି ବିହନ ଖାଇବା ଟ୍ରାଇଗ୍ଲିସେରାଇଡ୍ ନିୟନ୍ତ୍ରଣ କରିବାରେ ସାହାଯ୍ୟ କରିପାରେ।
