କରୋନା ମହାମାରୀ ସମୟରେ ପ୍ଲାଜମା ଥେରାପି ବେଶ୍ ଚର୍ଚ୍ଚାରେ ରହିଛି। ବର୍ତ୍ତମାନ କରୋନା ମହାମାରୀର ଚିକିତ୍ସା ପାଇଁ ଏହା ଏକ ପ୍ରଭାବଶାଳୀ ଉପାୟ ବୋଲି ପ୍ରମାଣ ମିଳିସାରିଛି। ପ୍ଲାଜମା ଥେରାପି ମାଧ୍ୟମରେ କରୋନା ଭାଇରସ୍ର ଚିକିତ୍ସା ସମ୍ଭବ କି ନାହିଁ ତାହା ଜାଣିବା ପାଇଁ ଆଜିକାଲି ଏହା ଉପରେ ଅନେକ ଅନୁସନ୍ଧାନ କରାଯାଉଛି। ତେବେ ଏହି ପ୍ଲାଜମା ଥେରାପି କ’ଣ, ଏହା କିପରି ଏବଂ କେମିତି ବ୍ୟବହାର ହେଉଛି ସେନେଇ ଲୋକଙ୍କ ମନରେ ଅନେକ ପ୍ରଶ୍ନ। ଯଦିଓ ଏହି ପ୍ରଶ୍ନଗୁଡ଼ିକର ଉତ୍ତର କିଛି ଲୋକ ଜାଣିଛନ୍ତି, ତଥାପି ସନ୍ତୁଷ୍ଟ ନୁହନ୍ତି। ତେବେ ଏ ସମ୍ପର୍କରେ ଅଧିକ ଜାଣନ୍ତୁ…
ପ୍ଲାଜମା ଥେରାପି କ’ଣ?
ଚିକିତ୍ସା ବିଜ୍ଞାନ ଭାଷାରେ ପ୍ଲାଜମା ଥେରାପି ପ୍ଲାଜମାଫେରେସିସ୍ ଭାବରେ ଜଣାଶୁଣା। ପ୍ଲାଜମା ଥେରାପି ଏକ ପ୍ରକ୍ରିୟା। ଯେଉଁଥିରେ ରକ୍ତର ତରଳ ପଦାର୍ଥ ବା ପ୍ଲାଜମାକୁ ରକ୍ତ କଣିକାଠାରୁ ଅଲଗା ହୋଇଯାଏ। ଏହା ପରେ ଯଦି ଜଣେ ବ୍ୟକ୍ତିଙ୍କ ପ୍ଲାଜାମାରେ ଅସ୍ବାସ୍ଥ୍ୟକର ଟିସୁ ମିଳିଥାଏ। ତେବେ ଚିକିତ୍ସା ଠିକ୍ ସମୟରେ ଆରମ୍ଭ ହୁଏ।
କାହିଁକି କରାଯାଏ ପ୍ଲାଜମା ଥେରାପି:
ପ୍ଲାଜାମା ଥେରାପି ଏକ ଆଧୁନିକ ଚିକିତ୍ସା। ଯାହା ଅନେକ ଲୋକଙ୍କ ଜୀବନକୁ ବଦଳାଇ ଦେଇଥାଏ। ଏହା ସତ୍ତ୍ୱେ ଏହା ସାଧାରଣ ଅବସ୍ଥାରେ ନୁହେଁ, କିଛି ନିର୍ଦ୍ଦିଷ୍ଟ ଉଦ୍ଦେଶ୍ୟରେ କରାଯାଇଥାଏ। ପ୍ଲାଜମା ଥେରାପି ମୁଖ୍ୟତଃ ସଂକ୍ରମଣ ଚିହ୍ନଟ, ଖେଳରେ ଆଘାତ ପାଇବା, ଗୁଲିଆନ ବେରୀ ସିଣ୍ଡ୍ରୋମର ଚିକିତ୍ସା, ମାଇଷ୍ଟେନିଆ ଗ୍ରାଭିସ୍ ଚିକିତ୍ସା ଆଦିରେ କରାଯାଇଥାଏ।
ସଂକ୍ରମଣ ଚିହ୍ନଟ: ପ୍ଲାଜମା ଥେରାପି ମୁଖ୍ୟତଃ ସଂକ୍ରମଣ ଚିହ୍ନଟ ପାଇଁ କରାଯାଏ। ଯେହେତୁ ସଂକ୍ରମଣ ଦ୍ୱାରା ଅନେକ ରୋଗ ହୁଏ। ପ୍ଲାଜମା ଥେରାପି ଏହିପରି ରୋଗର ଚିକିତ୍ସାରେ ଏକ ପ୍ରଭାବଶାଳୀ ପ୍ରତିକାର ଭାବେ ପ୍ରମାଣିତ ହୋଇଛି।
ଖେଳରେ ଆଘାତ ଲାଗିଲେ:
ବେଳେବେଳେ ଫ୍ଲାଜମାଫେରେସିସ୍ ଖେଳରେ ଆଘାତ ପାଇଥିବା ଖେଳାଳିଙ୍କଠାରେ ବ୍ୟବହୃତ ହୁଏ।
ମାଇଷ୍ଟେନିଆ ଗ୍ରାଭିସ୍ ଚିକିତ୍ସା: ଯେତେବେଳେ ଜଣେ ବ୍ୟକ୍ତି ମାଇଷ୍ଟେନିଆ ରୋଗରେ ପୀଡ଼ିତ ଥାନ୍ତି ସେତେବେଳେ ଡାକ୍ତରମାନେ ଚିକିତ୍ସା ପାଇଁ ପ୍ଲାଜମା ଥେରାପିର ସାହାଯ୍ୟ ନେଇଥାନ୍ତି। ଏହା ଏକ ମାନସିକ ରୋଗ। ଯେଉଁଥିରେ ପୀଡ଼ିତଙ୍କ ମାଂସପେଶୀ ଦୁର୍ବଳ ହୋଇଯାଇଥାଏ। ପ୍ଲାଜମା ଥେରାପି ଦ୍ୱାରା ରୋଗୀ ସମ୍ପୂର୍ଣ୍ଣ ଭଲ ହୋଇଥାଏ।
ଗୁଲିଆନ୍ ବେରୀ ସିଣ୍ଡ୍ରୋମ୍:
ଏହା ଏମିତି ଏକ ରୋଗ ଯାହା ରୋଗପ୍ରତିରୋଧକ ଶକ୍ତି ଉପରେ ପ୍ରଭାବ ପକାଇଥାଏ। ତେଣୁ ପ୍ଲାଜମା ଥେରାପି ଦ୍ୱାରା ରୋଗ ପ୍ରତିରୋଧକ ଶକ୍ତି ବଢ଼ିଥାଏ।
କେମିତି କରାଯାଏ ପ୍ଲାଜମା ଥେରାପି:
ଲୋକଙ୍କ ବାହୁରେ ଇଞ୍ଜେକ୍ସନ୍ ଛୁଞ୍ଚି ଲଗାଯାଇ ପ୍ଲାଜମା ଥେରାପି ଆରମ୍ଭ ହୁଏ। ଏହା ସାହାଯ୍ୟରେ ରକ୍ତ ଟଣାଯାଏ। ଯେଉଁଥିପାଇଁ ସେଣ୍ଟ୍ରିଫଗ୍ ମେଶିନ୍ର ବ୍ୟବହାର କରାଯାଏ। ପ୍ଲାଜମା ଥେରାପି ନେଉଥିବା ବ୍ୟକ୍ତିଙ୍କ ଶରୀରରୁ ରକ୍ତ ବାହାର କରିବା ପରେ ଡାକ୍ତର ପ୍ଲାଜମା ପ୍ରସ୍ତୁତ କରନ୍ତି। ପ୍ଲାଜମା ଉତ୍ପନ୍ନ ହେବା ମାତ୍ରେ ଏହାର ଇଞ୍ଜେକ୍ସନ ଲୋକଙ୍କ ଶରୀରରେ ରଖାଯାଏ। ଏହା ପରେ ଇଞ୍ଜେକ୍ସନ ଦିଆଯାଇଥିବା ସ୍ଥାନ ସଫା କରାଯାଇଥାଏ। ଏହି ପ୍ରକ୍ରିୟା କେବଳ ଲୋକଙ୍କ ଶରୀରରେ ପ୍ଲାଜମା ଇଞ୍ଜେକ୍ସନ ଦେବା ପରେ ହିଁ ସମାପ୍ତ ହୋଇଥାଏ। ପରବର୍ତ୍ତୀ ସମୟରେ ଇଞ୍ଜେକ୍ସନ ଦିଆଯାଇଥିବା ସ୍ଥନା ସଫା କରି ବ୍ୟାଣ୍ଡେଜ୍ କରାଯାଏ।
