ନୂଆଦିଲ୍ଲୀ,୨।୯: ବିସିସିଆଇ ଆଫଗାନିସ୍ତାନ ବିପକ୍ଷରେ ଆଗାମୀ ଅନ୍ତର୍ଜାତୀୟ ଟି-୨୦ ସିରିଜ ପାଇଁ ଟିମ ଇଣ୍ଡିଆର ଦଳ ଘୋଷଣା କରିଛି। ଶ୍ରେୟସ ଆୟର ପୁଣି ଥରେ ଦଳର ନେତୃତ୍ୱ ନେବେ। ପୂର୍ବ ଟି-୨୦ ସିରିଜ ଖେଳିଥିବା ଦଳଠାରୁ ଏହି ଦଳ ଯଥେଷ୍ଟ ଭିନ୍ନ। ଚୟନକର୍ତ୍ତାମାନେ ଏମିତି ଏକ ପଦକ୍ଷେପ ନେଇଛନ୍ତି ଯାହା ଶ୍ରେୟସଙ୍କ ଚିନ୍ତାକୁ ବଢ଼ାଇବାର ସମ୍ଭାବନା ଅଛି। ଦଳରେ ତିନି ଜଣ ଓପନରଙ୍କୁ ସାମିଲ କରାଯାଇଛି, ଅର୍ଥାତ୍ ସେମାନଙ୍କ ମଧ୍ୟରୁ ଜଣଙ୍କୁ ବାହାରେ ବସିବାକୁ ପଡିବ।
ଆଫଗାନିସ୍ତାନ ଦଳ ଭାରତ ଗସ୍ତ କରୁଛି, ସେପ୍ଟେମ୍ବର ୧୩ ରୁ ୧୭ ପର୍ଯ୍ୟନ୍ତ ତିନି ମ୍ୟାଚ ବିଶିଷ୍ଟ ଟି-୨୦ ସିରିଜ ଅନୁଷ୍ଠିତ ହେବ। ଯଦିଓ ମ୍ୟାଚ ଗୁଡ଼ିକ ଦିଲ୍ଲୀର ଅରୁଣ ଜେଟଲି ଷ୍ଟାଡିୟମରେ ହେଉଛି। ଏହି ସିରିଜ ଆଫଗାନିସ୍ତାନ କ୍ରିକେଟ ବୋର୍ଡ ଦ୍ୱାରା ଆୟୋଜନ କରାଯାଉଛି। ଘୋଷିତ ଦଳରେ ସଞ୍ଜୁ ସାମସନଙ୍କ ପ୍ରତ୍ୟାବର୍ତ୍ତନ ହୋଇଛି। ସେ ପୂର୍ବରୁ ଭାରତ ଏବଂ ଜିମ୍ବାୱେ ମଧ୍ୟରେ ଟି-୨୦ ସିରିଜ ସମୟରେ ଖେଳି ନ ଥିଲେ, ତାଙ୍କ ସ୍ଥାନରେ ପ୍ରଭସିମରନ ସିଂଙ୍କୁ ସୁଯୋଗ ଦିଆଯାଇଥିଲା; କିନ୍ତୁ ସିଂଙ୍କୁ ଚୂଡ଼ାନ୍ତ ଏକାଦଶରେ ଖେଳିବାର ସୁଯୋଗ ମିଳି ନ ଥିଲା। ସେ କେବଳ ଗସ୍ତ କରି ଫେରି ଆସିଥିଲେ।
ବୈଭବ ସୂର୍ଯ୍ୟବଂଶୀ ଏବଂ ଅଭିଷେକ ଶର୍ମା ପୂର୍ବରୁ ଦଳରେ ଥିବାରୁ, ସଞ୍ଜୁଙ୍କ ଭଳି ତୃତୀୟ ଓପନରଙ୍କୁ ଦଳରେ ସାମିଲ କରାଯାଇଛି। ଫଳସ୍ବରୂପ, ସେମାନଙ୍କ ମଧ୍ୟରୁ ଜଣଙ୍କୁ ବାହାରେ ବସିବାକୁ ପଡିବ। ଆଶ୍ଚର୍ଯ୍ୟଜନକ ଭାବରେ, କେଉଁ ଖେଳାଳିଙ୍କୁ ବେଞ୍ଚରେ ରଖାଯିବ, ସେନେଇ ସୋସିଆଲ ମିଡିଆରେ ଏକ ଟ୍ରେଣ୍ଡିଂ ଆଲୋଚନା ଆରମ୍ଭ ହୋଇଛି। ଅଭିଷେକ ଶର୍ମା ବର୍ତ୍ତମାନ ICC T20 ରାଙ୍କିଙ୍ଗରେ ନମ୍ବର ୩ ସ୍ଥାନରେ ଅଛନ୍ତି। ସଞ୍ଜୁ ସାମସନ ICC T20 ବିଶ୍ୱକପ 2026 ସମୟରେ ଚମତ୍କାର ବ୍ୟାଟିଂ ଫର୍ମ ପ୍ରଦର୍ଶନ କରିଥିଲେ। ସେପଟେ ବୈଭବ ସୂର୍ଯ୍ୟବଂଶୀ ଜଣେ ଯୁବ ପ୍ରତିଭା ଯାହାଙ୍କୁ BCCI ବର୍ତ୍ତମାନ ସଜାଉଛି। ଏହି ପରିସ୍ଥିତିକୁ ଦୃଷ୍ଟିରେ ରଖି, ତିନି ଜଣ ଖେଳାଳିଙ୍କ ମଧ୍ୟରୁ ଦୁଇଜଣଙ୍କୁ ବାଛିବା ଅଧିନାୟକ ଶ୍ରେୟସ ଆୟରଙ୍କ ପାଇଁ ସହଜ କାମ ହେବ ନାହିଁ। ୧୩ ସେପ୍ଟେମ୍ବର ସନ୍ଧ୍ୟାରେ ସେ ଟସ ପାଇଁ ଓହ୍ଲାଇବା ସମୟରେ ସମସ୍ତଙ୍କ ନଜର ଏହି ନିଷ୍ପତ୍ତି ଉପରେ ରହିବ।
ଆଫଗାନିସ୍ତାନ ବିପକ୍ଷ ଟି-୨୦ ସିରିଜ ପାଇଁ ଭାରତୀୟ ଦଳ: ଶ୍ରେୟସ ଆୟର, ଅଭିଷେକ ଶର୍ମା, ବୈଭବ ସୂର୍ଯ୍ୟବଂଶୀ, ସଞ୍ଜୁ ସାମସନ, ଇଶାନ କିଷାନ, ତିଲକ ବର୍ମା, ଶିବମ ଦୁବେ, ନୀତିଶ କୁମାର ରେଡ୍ଡୀ, ଅକ୍ଷର ପଟେଲ, ୱାଶିଂଟନ ସୁନ୍ଦର, ବରୁଣ ଚକ୍ରବର୍ତ୍ତୀ, ରବି ବିଷ୍ଣୋଇ, ଜସପ୍ରିତ ବୁମରା, ଅର୍ଶଦୀପ ସିଂହ, ହର୍ଷିତ ରାଣା।
Dharitri – Odisha’s No.1 Odia Daily
