ନୂଆଦିଲ୍ଲୀ/ସମରକନ୍ଦ,୧୭ ।୯: ଉଜବେକିସ୍ତାନର ସମରକନ୍ଦରେ ଶୁକ୍ରବାର ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସହ ରୁଷିଆ ରାଷ୍ଟ୍ରପତି ଭ୍ଲାଡିମିର ପୁଟିନଙ୍କର ସାକ୍ଷାତ ହୋଇଥିଲା । ଏହି ସମୟରେ ପୁଟିନ କହିଥିଲେ ଆମେ ଆପଣଙ୍କ ଜନ୍ମଦିନକୁ ମନେ ରଖିଛୁ । ହେଲେ ରୁଷିଆ ପରମ୍ପରା ଅନୁଯାୟୀ, ଆଜି ଆର୍ଥତ୍ ୧୬ ସେପ୍ଟେମ୍ବର ଶୁକ୍ରବାର ମାନେ ଜନ୍ମଦିନ ପୂର୍ବରୁ ଶୁଭେଚ୍ଛା ଜଣାଇ ପାରିବୁ ନାହିଁ ।
ପୁଟିନ ମୋଦିଙ୍କୁ ପ୍ରିୟ ମିତ୍ର ବୋଲି ସମ୍ବୋଧିତ କରି କହିଥିଲେ ମୁଁ ଆପଣଙ୍କ ଜନ୍ମଦିନ ମନେ ରଖିଛି । ମୁଁ ପ୍ରତିବର୍ଷ ମୋଦିଙ୍କୁ ଜନ୍ମଦିନ ଶୁଭେଚ୍ଛା ଜଣାଇଥାଏ । ପୁଟିନ କହିଥିଲେ ଭାରତ ଏମିତି ଏକ ଦେଶ ଯାହା ସହିତ ଆମର ପୁରୁଣା ସମ୍ପର୍କ ରହିଛି । ମୁଁ କାମନା କରୁଛି ଆପଣଙ୍କ ନେତୃତ୍ୱରେ ଭାରତ ଓ ଏହାର ଦେଶବାସୀ ସମୃଦ୍ଧି ହାସଲ କରନ୍ତୁ ।
ସୂଚନାଯୋଗ୍ୟ, ଶୁକ୍ରବାର ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସମରକନ୍ଦରେ ହୋଇଥିବା ସାଂଘାଇ ସହଯୋଗ ସଙ୍ଗଠନ ଶିଖର ସମ୍ମିଳନୀରେ ରୁଷିଆ ରାଷ୍ଟ୍ରପତି ଭ୍ଲାଡିମିର ପୁଟିନଙ୍କ ସହ ଦ୍ୱିପାକ୍ଷିକ ବୈଠକ କରିଥିଲେ । ଏହି ସମୟରେ ଦୁଇ ନେତାଙ୍କ ମଧ୍ୟରେ କିଛି ଗୁରୁତ୍ୱପୂର୍ଣ୍ଣ ବିଷୟକୁ ନେଇ କଥାବାର୍ତ୍ତା ହୋଇଥିଲା । ବଡ କଥା ହେଲା ମୋଦିଙ୍କ ଜନ୍ମଦିନ ପୂର୍ବରୁ ହୋଇଥିବା ଏହି ବୈଠକରେ ମୋଦିଙ୍କ ଜନ୍ମଦିନ କଥା ବି ଉଠିଥିଲା ।
