ବଲାଙ୍ଗୀର, ୧୭।୯: ବଲାଙ୍ଗୀର ସହରର ବିଭିନ୍ନ ସ୍ଥାନରେ ଗୁରୁବାର ବିଶ୍ୱକର୍ମା ପୂଜା ଉତ୍ସାହ ଓ ଉଦ୍ଦୀପନାର ସହ ଅନୁଷ୍ଠିତ ହୋଇଛି। ବଲାଙ୍ଗୀର ନୂତନ ବସ ଟର୍ମିନାଲଠାରେ ଘରୋଇ ବସ ମାଲିକ ସଂଘ ପକ୍ଷରୁ ବିଶ୍ୱକର୍ମା ପୂଜା କରାଯାଇଥିଲା। ସହରର ଆଇନ ମହାବିଦ୍ୟାଳୟ ସ୍ଥିତ ରାସ୍ତାକଡ ଟ୍ରକ ଅପରେଟର ଆସୋସିଏଶନ ଅଫିସ ସମ୍ମୁଖରେ ଟ୍ରକ ଆସୋସିଏଶନ ପକ୍ଷରୁ ବିଶ୍ୱକର୍ମା ପୂଜା କରାଯାଇଥିଲା। ମୋନୋହରପୁର ରାସ୍ତା କଡରେ ଥିବା ଚସକା ଫ୍ୟାକ୍ଟରୀ,ସର୍କିଟ ହାଉସ ରାସ୍ତା କଡରେ ଜିଲା ବଢ଼େଇ ସଂଘ ଏବଂ ରାଜ୍ୟ ସଡକ ପରିବହନ ନିଗମ ଗ୍ୟାରେଜ, ସାଲେପାଲିସ୍ଥିତ ଚନ୍ଦ୍ରଜ୍ୟୋତି ଗ୍ୟାସ ଗୋଦାମ, ଖମାରମୁଣ୍ଡା ସ୍ଥିତ କେବିକେ ଆଇଟିଆଇ, ସଦାଇପାଲି ସାଇଟ ପରିସର, ଲର୍କୀ ପାଲି ସ୍ଥିତ ଆଇଟିଆଇ ପରିସରରେ ବିଶ୍ୱକର୍ମା ପୂଜା ଅନୁଷ୍ଠିତ ହୋଇଥିଲା। ଏହା ସହିତ ସହରର ବିଭିନ୍ନ ଗ୍ୟାରେଜ, ସେଣ୍ଟର, ସୋ’ ରୁମଠାରେ ବିଶ୍ୱକର୍ମା ପୂଜା ଅନୁଷ୍ଠିତ ହୋଇଛି। ଏହା ସହିତ ସହରରେ ବିଦ୍ୟୁତ ବିଭାଗ, ଅଟୋ -ଷ୍ଟାଣ୍ଡ, ଟ୍ୟାକ୍ସି ଷ୍ଟାଣ୍ଡ, ବିଭିନ୍ନ ଦୋକାନରେ ବିଶ୍ୱକର୍ମା ପୂଜା କରାଯାଇଛି। ଚଳିତବର୍ଷ ଅନେକ ସ୍ଥାନରେ ପୂଜା ମଣ୍ଡପରେ ବିଶକର୍ମାଙ୍କ ମୃଣ୍ମୟ ମୂର୍ତ୍ତି ଓ ମେଢ ବେଶ ଆକର୍ଷଣୀୟ ହୋଇଛି।