ନୂଆଦିଲ୍ଲୀ,୧୧।୯: ଭାରତ-ଇଂଲଣ୍ଡ ମଧ୍ୟରେ ଟେଷ୍ଟ ସିରିଜ୍ର ଅନ୍ତ ଦୁର୍ଭାଗ୍ୟପୂର୍ଣ୍ଣ ଥିଲା। ଉଭୟ ଟିମ୍ ସିରିଜର ୪ ଟେଷ୍ଟ ଖେଳିଥିବା ବେଳେ ଶେଷ ମ୍ୟାଚ୍ ବାତିଲ ହୋଇଥିଲା। ଭାରତୀୟ ଟିମ୍ରେ କରୋନା ସଂକ୍ରମଣ ବୃଦ୍ଧି ପାଉଥିବା ଯୋଗୁ ମ୍ୟାଚ୍କୁ ବାତିଲ କରିଦିଆଯାଇଥିଲା। ତେବେ ମ୍ୟାଚ୍ ଯାହାବି ହେଉନା କାହିଁକି ଭାରତ ସିରିଜରେ ୨-୧ରେ ଆଗୁଆ ଥିଲା। ଗତ ଏକ ମାସ ମଧ୍ୟରେ ଭାରତୀୟ ଖେଳାଳିମାନେ ଭଲ ପ୍ରଦର୍ଶନ କରିଥିଲେ। ସେମାନଙ୍କ ମଧ୍ୟରୁ ଦୁଇଜଣଙ୍କ ପ୍ରଶଂସାରେ ଶତମୁଖ ହୋଇଛନ୍ତି ପୂର୍ବତନ ବିସ୍ଫୋରକ ଓପନର୍ ବିରେନ୍ଦ୍ର ସେହ୍ବାଗ।
ସେ କହିଛନ୍ତି, ଭାରତର ନୂଆ ଟେଷ୍ଟ ଓପନିଂ ଯୋଗି ଭଲ ପ୍ରଦର୍ଶନ କରୁଛନ୍ତି। ସେ ପ୍ରାରମ୍ଭରୁ ଭଲ ଖେଳି ନ ଥିଲେ ଭାରତୀୟ ଦଳ ସଂଘର୍ଷ କରିଥାନ୍ତା। ଏଣୁ କେଏଲ୍ ରାହୁଲ ଏବଂ ରୋହିତ ଶର୍ମାଙ୍କ ଯୋଗଦାକୁ ଭୁଲିହେବନାହିଁ। ଉଭୟଙ୍କ ମଧ୍ୟରେ ଭାଗିଦାରୀ ହୋଇ ନ ଥିଲେ, ମିଡିଲ୍ ଅର୍ଡର ଖେଳାଳିମାନେ ଶୀଘ୍ର ପଡ଼ିଆକୁ ଓହ୍ଲାଇଥାନ୍ତେ। ସେମାନେ ସଂଘର୍ଷ କରୁଥିବା ହେତୁ ଦଳ ମଧ୍ୟ ସଂଘର୍ଷ କରିଥାନ୍ତା ବୋଲି ସେ କହିଛନ୍ତି।
ପୁରା ସିରିଜରେ ରୋହିତ-କେଏଲଙ୍କ ଯୋଡ଼ି ଉଲ୍ଲେଖନୀୟ ପ୍ରଦର୍ଶନ କରିଥିଲେ। ଲଡ୍ସରେ ଏହି ଯୋଡ଼ି ଶତକ ମାରିଥିଲେ। କେବଳ ଓପନର୍ମାନେ ଭଲ ଆରମ୍ଭ ଦେଇଥିବା ଯୋଗୁ ଭାରତ ମଜଭୂତ ହୋଇଥିଲା। ଉଭୟ ବ୍ୟାଟ୍ସମ୍ୟାନ ଭାରତକୁ ମଜଭୂତ ସ୍ଥିତିରେ ପହଞ୍ଚାଇଥିଲେ ବୋଲି ସେହ୍ବାଗ କହିଛନ୍ତି।
