ଲଣ୍ଡନ,୨୨।୭: ଭାରତ-ଇଂଲଣ୍ଡ ଟେଷ୍ଟ ସିରିଜ ପୂର୍ବରୁ ଟିମ ଇଣ୍ଡିଆ ଡରହମ୍ରେ କାଉଣ୍ଟି ସିଲେକ୍ଟ ଏକାଦଶ ବିପକ୍ଷରେ ତିନି ଦିନିଆ ୱାର୍ମ ଅପ ମ୍ୟାଚ ଖେଳୁଛି। ଦ୍ୱିତୀୟ ଦିନରେ ଉମେଶ ଯାଦବଙ୍କ ନେତୃତ୍ୱରେ ଭାରତୀୟ ବୋଲରମାନେ ଜବରଦସ୍ତ ବୋଲିଂ କରିଥିଲେ। ଖେଳ ଶେଷ ହେବା ପର୍ଯ୍ୟନ୍ତ, କାଉଣ୍ଟି ସିଲେକ୍ଟ ଏକାଦଶ ୯ ଉଇକେଟ ହରାଇ ୨୨୦ ରନ୍ କରିଥିଲା। ଉମେଶ ଯାଦବ ୨୨ ରନ ଦେଇ ୩ଟି ଉଇକେଟ ନେଇଥିବାବେଳେ ମହମ୍ମଦ ସିରାଜ ୩୨ ରନ ପାଇଁ ଦୁଇଟି ଉଇକେଟ ନେଇଥିଲେ। କାଉଣ୍ଟି ପାଇଁ ହସିବ ହମିଦ ୧୧୨ ରନର ଚମତ୍କାର ଇନିଂସ ଖେଳିଥିଲେ। ଉମେଶ-ସିରାଜଙ୍କ ବୋଲିଂରେ ଭାରତୀୟ ଅଧିନାୟକ ବିରାଟ କୋହଲି ବହୁତ ଖୁସି ଅଛନ୍ତି। ଉମେଶ ଇଂଲଣ୍ଡ ବିପକ୍ଷ ପ୍ରଥମ ଟେଷ୍ଟ ଖେଳିବା ନିଶ୍ଚିତ ବୋଲି କୁହାଯାଉଛି। ଦ୍ରୁତ ବୋଲିଂ ନେଇ କୋହଲି ଯେଉଁ ଟେନସନ୍ର ଥିଲେ ତାହା ଦୂର ହୋଇଥିବା କ୍ରିକେଟ୍ ବିଶେଷଜ୍ଞ ମାନେ ମତ ଦେଇଛନ୍ତି। ଏବେ କିଛି ଖେଳାଳି କ୍ୱାରାଣ୍ଟାଇନ୍ରେ ଯାଇଥିବାରୁ ଓ୍ବାଶିଂଟନ୍ ସୁନ୍ଦର ଏବଂ ଦ୍ରୁତ ବୋଲର ଆବେଶ ଖାନ କାଉଣ୍ଟି ଏକାଦଶ ପାଇଁ ଖେଳୁଛନ୍ତି। ଆଭେଶ ଆହତ ହୋଇଛନ୍ତି ଏବଂ ସେ ଏହି ମ୍ୟାଚ୍ରେ ଅଧିକ ଖେଳିବାକୁ ସମର୍ଥ ହେବେ ନାହିଁ। ସେ ମଧ୍ୟ ଇଂଲଣ୍ଡ ଗସ୍ତରୁ ବାଦ୍ ପଡିବାର ସମ୍ଭାବନା ରହିଛି।
