ଦୁବାଇ,୨୭ା୧- ଦିନିକିଆ ବ୍ୟାଟ୍ସମ୍ୟାନଙ୍କ ତାଲିକାରେ ଭାରତୀୟ ଅଧିନାୟକ ବିରାଟ କୋହଲି ଓ ତାଙ୍କ ଡେପୁଟି ରୋହିତ ଶର୍ମାଙ୍କ ରାଜୁତି ଜାରି ରହିଛି। ଦୁହେଁ ଶୀର୍ଷ ଦୁଇ ସ୍ଥାନ ବଜାୟ ରଖିଛନ୍ତି। ଅଷ୍ଟ୍ରେଲିଆ ବିପକ୍ଷ ଦିନିକିଆ ସିରିଜରେ କୋହଲି ଦୁଇଟି ଅର୍ଦ୍ଧଶତକୀୟ ଇନିଂସ ଖେଳିଥିଲେ। ଏବେ ତାଙ୍କ ପକଟେରେ ୮୭୦ ପଏଣ୍ଟ ରହିଛି। ଏହି ସିରିଜ୍ରେ ଆହତ ସମସ୍ୟା ଯୋଗୁ ଖେଳି ପାରି ନ ଥିବା ରୋହିତ ପୂର୍ବ ଭଳି ଦ୍ୱିତୀୟ ସ୍ଥାନରେ ରହିଛନ୍ତି। ରୋହିତ ଓ ୩ୟ ସ୍ଥାନରେ ଥିବା ପାକିସ୍ତାନ ଅଧିନାୟକ ବାବର ଆଜାମ (୮୩୭ ପଏଣ୍ଟ)ଙ୍କ ମଧ୍ୟରେ ରହିଛି ୭ ପଏଣ୍ଟର ବ୍ୟବଧାନ। ଏମାନଙ୍କ ବ୍ୟତୀତ ଟପ୍-୫ ଭିତରେ ସ୍ଥାନ ପାଇଛନ୍ତି ନ୍ୟୁଜିଲାଣ୍ଡର ଅଭିଜ୍ଞ ରସ ଟେଲର (୮୧୮) ଓ ଅଷ୍ଟ୍ରେଲିଆର ଅଧିନାୟକ ଆରୋନ ଫିଞ୍ଚ (୭୯୧)।
ଟପ୍-୧୦ ବୋଲରଙ୍କ ମଧ୍ୟରେ ଏକମାତ୍ର ଭାରତୀୟ ଭାବେ ସ୍ଥାନ ପାଇଛନ୍ତି ଯଶପ୍ରୀତ ବୁମରା। ସେ ବୋଲରଙ୍କ ର଼୍ୟାଙ୍କିଙ୍ଗ୍ରେ ୩ୟ ସ୍ଥାନରେ ଥିବାବେଳେ ନ୍ୟୁଜିଲାଣ୍ଡର ଟ୍ରେଣ୍ଟ ବୋଲ୍ଟ (୭୨୨) ଓ ଆଫଗାନିସ୍ତାନର ମୁଜବି ଉର ରେହମାନ (୭୦୧) ପ୍ରଥମ ଦୁଇ ସ୍ଥାନ ଅଧିକାର କରିଛନ୍ତି।
