ଭାରତୀୟ କ୍ରିକେଟ୍ ଦଳର ଅଧିନାୟକ ବିରାଟ କୋହଲି ଓ ବଲିଉଡ ଅଭିନେତ୍ରୀ ଅନୁଷ୍କା ଶର୍ମା ଆଜି ବିବାହ ତୃତୀୟ ବାର୍ଷିକୀ ପାଳନ କରିଛନ୍ତି ୨୦୧୭ ଆଜିର ଦିନରେ ଇଟାଲୀରେ ବିରାଟା ଓ ଅନୁଷ୍କା ବିବାହ ବନ୍ଧନରେ ଆବଦ୍ଧ ହୋଇଥିଲେ। ବିବାହ ବାର୍ଷିକୀରେ ବିରାଟ କୋହଲି ନିଜ ଇନଷ୍ଟାଗ୍ରାମରେ ବାହାଘର ବେଳର ଗୋଟିଏ ରୋମାଣ୍ଟିକ ଅନ୍ଦାଜର ଫଟୋ ଶେୟାର କରିଛନ୍ତି। ଫଟୋ ସହ ରୋମାଣ୍ଟିକ ଅନ୍ଦାଜରେ ସେ ଲେଖିଛନ୍ତି, ୩ ବର୍ଷ ଓ ସାରାଜୀବନ ପାଇଁ ଏକାଠି। ଏଥିସହ ସେ ହାର୍ଟ ଇମୋଜୀ ମଧ୍ୟ ଦେଇଛନ୍ତି। ବିରାଟଙ୍କ ବ୍ୟତୀତ ଅନୁଷ୍କା ମଧ୍ୟ ଏହି ବିଶେଷ ଦିନରେ ଏକ ଫଟୋ ଶେୟାର କରିଛନ୍ତି। ଫଟୋରେ ସେ ବିରାଟଙ୍କୁ ଆଲିଙ୍ଗନ କରୁଥିବା ଦେଖିବାକୁ ମିଳିଛି। ବିରାଟ ଏବେ ଅଷ୍ଟ୍ରେଲିଆ ଗସ୍ତରେ ବ୍ୟସ୍ତ ଥିବାରୁ ଆଜିର ଦିନରେ ତାଙ୍କୁ ବହୁତ ମିସ୍ କରୁଥିବା କହିଛନ୍ତି। ଅନୁଷ୍କା ଲେଖିଛନ୍ତି- ଆମର ତିନି ବର୍ଷ, ଖୁବ ଶୀଘ୍ର ଆମେ ମଧ୍ୟ ତିନି ହୋଇଯିବା। ତୁମକୁ ମିସ୍ କରୁଛି। ବିରାଟ ଏବଂ ଅନୁଷ୍କାଙ୍କ ଏହି ପୋଷ୍ଟକୁ ସମସ୍ତେ ପସନ୍ଦ କରିଛନ୍ତି। କିଛି ମାସ ପୂର୍ବରୁ ବିରୁଷ୍କା ମାତାପିତା ହେବାକୁ ଯାଉଥିବା ଘେଶଷଣା କରିଥିଲେ। ୨୦୧୩ ରେ ପ୍ରଥମ ଥର ପାଇଁ ଉଭୟଙ୍କ ସାକ୍ଷାତ ହୋଇଥିଲେ। ଏକ ବିଜ୍ଞାପନ ସୁଟିଂ ସମୟରେ ବିରାଟ ଏବଂ ଅନୁଷ୍କା ପରସ୍ପରକୁ ଜାଣିଥିଲେ। ଏହା ପରେ ଦୁହିଁଙ୍କ ପ୍ରେମ କାହାଣୀ ଆରମ୍ଭ ହୋଇଥିଲା। ଅନୁଷ୍କା ଶର୍ମାଙ୍କୁ ବିରାଟ ୨୦୧୭, ଡିସେମ୍ବର ୧୧ରେ ଇଟାଲୀରେ ବିବାହ କରିଥିଲେ ବିରାଟ।
View this post on Instagram
