ଆପଣମାନେ ପଶୁମାନଙ୍କୁ ନିଜ ଭିତରେ ଲଢ଼େଇ କରୁଥିବା ନିଶ୍ଚିତ ଦେଖିଥିବେ ନଚେତ ଶୁଣିଥିବେ। ସେଥିରୁ କିଛି ଲଢ଼େଇ ଦେଖିଲେ ଲୋମ ଟାଙ୍କୁରି ଉଠେ। ବୃହତ୍କାର ପଶୁମାନେ ଯେତେବେଳେ ପରସ୍ପର ସହ ଲଢ଼ିଥାନ୍ତି ସେତେବେଳେ ଦୃଶ୍ୟ ସେତିକି ଭୟଙ୍କର ହୋଇଥାଏ। ଏହି କ୍ରମରେ ସୋସିଆଲ ମିଡିଆରେ ଏକ ଫଟୋ ଭାଇରାଲ ହେଉଛି, ଏଥିରେ ଏକ ମଇଁଷି ସହ ହାତୀର ଜୋରଦାର ଲଢ଼େଇ ଦେଖିବାକୁ ମିଳୁଛି।
ହାତୀ ବିଶାଳକାୟ ଜୀବ ବୋଲି ସମସ୍ତେ ଜାଣନ୍ତି। ଏହା ସମ୍ମୁଖରେ ବଡ଼ ବଡ଼ ପଶୁ ହାର ମାନିଯାଆନ୍ତି। କାରଣ ହାତୀ ରାଗିଲେ ତାକୁ କାବୁ କରିବା ସହଜ ହୋଇ ନ ଥାଏ। ସେ ତାଣ୍ଡବ ରଚିଥାଏ। ସେହିଭଳି ଏହି ଫଟୋରେ ହାତୀଟି ମଇଁଷିକୁ ଶୁଣ୍ଢରେ ଟେକି କଚାଡ଼ି ଦେଇଛି।
ରିପୋର୍ଟ ମୁତାବିକ ଫଟୋଟି କେନିଆର। ମାସାଇ ମାରା ଗେମ୍ ରିଜର୍ଭରେ ମଇଁଷିଟି ହାତୀ ଛୁଆକୁ ଆକ୍ରମଣ କରିବାକୁ ଯାଉଥିଲା। ଏହି ସମୟରେ ହାତୀଟି ଦେଖିନେଇଥିଲା। ଫଳରେ ରାଗରେ ହାତୀଟି ଶୁଣ୍ଢରେ ମଇଁଷିକୁ ଟେକି କଚାଡ଼ି ଦେଇଥିଲା। ମଇଁଷିର ଓଜନ ୫୦୦ କିଲୋ ଥିବା ବେଳେ ହାତୀଟି ସହଜରେ ତାକୁ ଉଠାଇ ନେଇ କଚାଡ଼ି ଦେଇଥିଲା। ଏହି ସମୟରେ ସେଠାରେ ଉପସ୍ଥିତ ଲୋକମାନେ କ୍ୟାମେରାରେ ଘଟଣାକୁ କଏଦ କରିଥିଲେ। ଏବେ ସୋସିଆଲ ମିଡିଆରେ ଅନେକ ଫଟୋ ଭାଇରାଲ ହେଉଛି।
Elephant spears a half ton buffalo.#Tiredearth pic.twitter.com/XFMI9X3O0h
— Green Planet (@Elizabeth_Ruler) September 1, 2021
