ରାୟଗଡ଼ା,୨୫ା୫(ସ୍ବ.ପ୍ର.): କରୋନା ସମୟରେ ରାୟଗଡ଼ା ବ୍ଲକ ପେଣ୍ଟା ସରକାରୀ ଉଚ୍ଚ ବିଦ୍ୟାଳୟରେ ବ୍ୟାପକ ଅର୍ଥ ହେରଫେର ହୋଇଥିଲା। ଅଭିଯୋଗକୁ ଭିତ୍ତିକରି ୬ ମାସ ପରେ ପୁଣି ଭିଜିଲାନ୍ସ ବିଭାଗ ଖୋଳତାଡ଼ ଆରମ୍ଭ କରିଛି। କରୋନା ବେଳେ ଛାତ୍ରୀଛାତ୍ରଙ୍କ ମଧ୍ୟାହ୍ନଭୋଜନ ଚାଉଳ, ଷ୍ଟାଇପେଣ୍ଡ ଟଙ୍କା ହଡ଼ପ କରାଯାଇଥିଲା। ଏନେଇ ୨୦୨୨ ଡିସେମ୍ବରରେ ଅଭିଯୋଗ ହୋଇଥିଲା। ସେତେବେଳେ ଭିଜିଲାନ୍ସ ତଦନ୍ତ କରିଥିଲା। କିନ୍ତୁ ୩ ଦିନ ତଳେ ପୁଣି ତଦନ୍ତ ଆରମ୍ଭ କରିଛି ଭିଜିଲାନ୍ସ ବିଭାଗ। ଭିଜିଲାନ୍ସ ଡିଏସ୍ପି ଚିଠି ନଂ.୨୯୧, ତା.୨୨ା୫ା୨୩ରେ ଜିଲା ଶିକ୍ଷାଧିକାରୀଙ୍କୁ ସେହି ବିଦ୍ୟାଳୟର ତତ୍କାଳୀନ ପ୍ରଧାନ ଶିକ୍ଷୟିତ୍ରୀ ଏସ୍. ଆଶାଲତା ଏ ସମ୍ପର୍କରେ ତଥ୍ୟ ମଗାଯାଇଛି। ତାଙ୍କ ଚାକିରି ସମୟର ସମସ୍ତ ତଥ୍ୟ ତୁରନ୍ତ ଦେବାକୁ ନିର୍ଦ୍ଦେଶ ଦିଆଯାଇଛି। ସେହିଭଳି ଚିଠି ନଂ. ୨୯୨, ତା ୨୨ା୫ା୨୩ରେ ଭିଜିଲାନ୍ସ କାର୍ଯ୍ୟାଳୟ ତରଫରୁ ପେଣ୍ଟା ଉଚ୍ଚବିଦ୍ୟାଳୟକୁ ଚିଠି ଲେଖି ବ୍ୟାଙ୍କ ପାସ୍ବୁକ୍, ବିଦ୍ୟାଳୟ କ୍ୟାଶ୍ବୁକ୍, ୨୦୨୧-୨୧ ମସିହାର ଛାତ୍ରୀଙ୍କ ରେଜିଷ୍ଟର, ଅନ୍ତେବାସୀଙ୍କ ନାମ ଓ ଠିକଣା, ବିନିଯୋଗ ପ୍ରମାଣପତ୍ର, ସରକାରୀ ଗାଇଡ୍ଲାଇନ୍ ଏବଂ ଯେଉଁ ସାମଗ୍ରୀ କିଣାଯାଇଛି ତାହାର ରେଜିଷ୍ଟର ମଗାଯାଇଛି। ଖୁବ୍ ଶୀଘ୍ର ସମସ୍ତ ତଥ୍ୟ ଭିଜିଲାନ୍ସ ଡିଏସ୍ପିଙ୍କ ନିକଟରେ ଦାଖଲ କରିବାକୁ ନିର୍ଦ୍ଦେଶ ରହିଛି।
ଯେ, କରୋନା ସମୟରେ ସରକାର ଛାତ୍ରୀଛାତ୍ରଙ୍କ ପାଇଁ ଚାଉଳଠାରୁ ଆରମ୍ଭକରି ଷ୍ଟାଇପେଣ୍ଡ ବାବଦରେ ଅର୍ଥ ଦେଇଥିଲେ। କିନ୍ତୁ ପେଣ୍ଟା ଉଚ୍ଚବିଦ୍ୟାଳୟରେ ବ୍ୟାପକ ଅନିୟମିତତା ନେଇ ଅଭିଯୋଗ ହୋଇଥିଲା। ଛାତ୍ରୀଛାତ୍ରଙ୍କ ଷ୍ଟାଇପେଣ୍ଡ ବାବଦରେ ୭୫୦ରୁ ୨୫୦୦ଟଙ୍କା ପର୍ଯ୍ୟନ୍ତ ସରକାର ପ୍ରଦାନ କରିଥିଲେ। ଏହି ବିଦ୍ୟାଳୟର ୩୪୦ଛାତ୍ରୀଛାତ୍ରଙ୍କ ପାଇଁ ଅର୍ଥ ଦିଆଯାଇଥିଲା। ସେହିଭଳି ନିକଟସ୍ଥ କସ୍ତୁରବା ଗାନ୍ଧୀ ବାଳିକା ବିଦ୍ୟାଳୟରେ ମଧ୍ୟ ଛାତ୍ରୀଙ୍କ ପାଇଁ ପ୍ରଦାନ ହୋଇଥିଲା। ତେବେ ଏହି ଅର୍ଥ ଛାତ୍ରୀଙ୍କୁ ପ୍ରଦାନ କରିବା ବଦଳରେ ହଡ଼ପ କରାଯାଇଥିବା ନେଇ ଜିଲା ଶିକ୍ଷାଧିକାରୀଙ୍କ ନିକଟରେ ଅଭିଯୋଗ ହୋଇଥିଲା। କେବଳ ସେତିକି ନୁହେଁ, ଭୋକେସନାଲ ଶିକ୍ଷା ବାବଦର ୩ ଲକ୍ଷ ୫୦ ହଜାର ଟଙ୍କା ମଧ୍ୟ ବାଟମାରଣ କରାଯାଇଥିବା ଅଭିଯୋଗ ହୋଇଥିଲା। ଅଭିଯୋଗ ପରେ ଭିଜିଲାନ୍ସ ଡିଏସ୍ପି ସୁରେନ୍ଦ୍ର ରାୟଗୁରୁ ଗତ ଡିସେମ୍ବରରେ ଉକ୍ତ ବିଦ୍ୟାଳୟ ଯାଇ ତଦନ୍ତ କରିଥିଲେ। ପ୍ରଥମ ପର୍ଯ୍ୟାୟ ତଦନ୍ତ ପରେ ବର୍ତ୍ତମାନା ପୁଣି ତଦନ୍ତ ଆରମ୍ଭ ହୋଇଛି ା ଏ ସମ୍ପର୍କରେ ଭିଜିଲାନ୍ସ ଡିଏସ୍ପି ରାୟଗୁରୁ କହିଛନ୍ତି, ସମସ୍ତ ତଥ୍ୟ ମଗାଯାଇଛି। ତଥ୍ୟ ହସ୍ତଗତ ହେବାପରେ ତଦନ୍ତ ଆଗକୁ ବଢ଼ିବା ସହ ସତ୍ୟାସତ୍ୟ ଜଣାପଡିବ।
